Новы Запавет Дзекуць-Малея

Пераклад Л. Дзекуць-Малея і А. Луцкевіча

Пераклад Лукаша Дзекуць-Малея (1888−1955) — чатыры беларускамоўныя Евангеллі, выдадзеныя «тарашкевіцай» цягам 1926−1930 гадоў у перакладзе баптысцкага прэсвітара з Брэста Лукаша Дзекуць-Малея на пачатку 20-х гадоў XX стагоддзя.

Узяцца за справу перакладу Лукаша Дзекуць-Малея разам з жонкай вымусіў недахоп рэлігійных выданняў на пачатку XX стагоддзя. У 1927−30 гадах баптысцкае выдавецтва «Компас» надрукавала паасобныя Евангеллі і некалькі брашураў беларускай мовай.

Пры перакладзе Дзекуць-Малей карыстаўся дапамогай і заўвагамі Антона Луцкевіча (1884−1942), які ўзяўся перакладаць цэлы Новы Запавет. У 1931 іх супольны пераклад Новага Запавету і псалмоў быў выдадзены ў Гельсінгфорсе (Фінляндыя).

Пасля гэты пераклад перавыдаваўся яшчэ тройчы (1948, 1985, 1991 і 2022), дасягнуўшы агульнага тыражу амаль 55 000 асобнікаў. Ён дагэтуль лічыцца адным з найлепшых беларускіх перакладаў.

Поўны сьпіс выданьняў:

• Паводле Лукі Сьв. Эвангельле. — Лодзь: Компас, 1926. — 86 с.¹
• Паводле Мацьвея Сьв. Эвангельле. — Лодзь: Компас, 1927. — 80 с.
• Паводле Іоана Сьв. Эвангельле. — Лодзь: Компас, б.д. [1927(?)] — 62 с.
• Паводле Марка Сьв. Эвангельле. — Лодзь: Компас, 1928. — 51 с.
• Паводле Марка Сьв. Эвангельле. — б.м. [Лодзь: Компас], б.д. [1942?]. — 31 с.²
• Новы Запавет Госпада нашага Ісуса Хрыста. Псальмы. — Гельсінкфорс: Брытанскае і Замежнае Біблейскае Таварыства. 1931. — 353 с. + 93 с.³
• Новы Запавет Госпада нашага Ісуса Хрыста. Псальмы. — Лёндан: Брытанскае і Замежнае Біблейскае Таварыства, 1948. — 353 + 93 с.⁴
• Новы Запавет і Псальмы — Таронта, Канада: Глабальнае місіянэрскае радыёслужэньне, 1985. — 353 + 93 с.
• Новы Запавет і Псальмы. — [Без пазнакі месца выдання]: Біблейскія грамадства, 1991. — 353 + 93 с.
• Новы Запавет і Псальмы — Саюз евангельскіх хрысціян баптыстаў у Рэспубліцы Беларусь, Мінск, 2022. — 381 с. Рэдакцыя 2021 г. Бокун А.

1. Паводле Г. Пікарды і ягоных крыніцаў — менавіта гэтае выданьне было першым. Дакладныя дадзеныя знойдзены ў каталогу Нью-Йоркскай публічнай бібліятэкі. Падарунак Вітаўта і Зоры Кіпель.
2. Указаньне на задняй вокладцы: Гэльсынкі. Паводле Г. Пікарды — друк заставаўся ў выд. «Компас», Лодзь.
3. Наклад, паводле Г. Пікарды — 25 000 асобнікаў. Тэксты асобна выдадзеных Евангелляў былі адрэдагаваныя.
4. Раней лічылася, што ўсе 4 выданьні (1931, 1948, 1985, 1991) друкавалісь без зьменаў (акрамя зьменаў стылю тытульнай старонкі у 3−4 выданьнях, выгляду вокладкі і дадзеных пра друк). Але, пачыная з выдання 1985 года знемы былі. Напрыклад: чорт → дэман, сатана → шатан. У рэдакцыі 2021 года былі таксама дададзены змены: ацец → айцец, жыд → юдэй (габрэй), ня → не, чэрв → чарвяк, любві → любові, Ісая → Ісайя, роблю → раблю, балей → болей, і іншыя, а таксама шмат арфаграфічных правак.