2-ы Карынфянаў 3 2 да Карынфянаў 3 разьдзел

¹ Няўжо нам зноў знаёміцца з вамі? Няўжо мы маем патрэбу, як некаторыя, у рэкаендацыйных лістах да вас ці ад вас?

² Вы — наш ліст, напісаны ў нашых сэрцах, які пазнаецца і чытаецца ўсімі людзьмі, —

³ вы паказваеце сабою, што вы — ліст Хрыстовы, праз наша служэнне, напісанае не чарнілам, а Духам Жывога Бога; не на каменных скрыжалях, а на цялесных скрыжалях сэрцаў.

⁴ І такую ўпэўненасць мы маем праз Хрыста перад Богам.

⁵ Не таму, што мы здольныя нешта думаць, як бы ад сябе, але наша здольнасць ад Бога,

⁶ Які і зрабіў нас здатнымі быць слугамі Новага Запавету, не літары, а Духа; бо літара забівае, а Дух ажыўляе.

⁷ Калі ж служэнне смерці, літарамі выбітае на камянях, праявілася ў славе, так што сыны Ізраілевы не маглі зірнуць на твар Маісея з-за славы яго аблічча, славы, якая мінае, —

⁸ як жа служэнне Духа не будзе болей у славе?

⁹ Бо калі служэнне асуджэння слаўнае, то тым болей багатым славаю будзе служэнне апраўдання.

¹⁰ Бо і праслаўленае не праславілася ў гэтай частцы з прычыны большай славы наступнага.

¹¹ Бо калі слаўнае, што прамінае, то тым больш слаўнае, што застаецца.

¹² Дык, маючы такую надзею, мы праяўляем вялікую адвагу,

¹³ і не як Маісей, які клаў пакрывала на свой твар, каб сыны Ізраілевы не ўглядаліся на канец таго, што мінае.

¹⁴ Ды іх розум прытупіўся; бо да сённяшняга дня тое самае пакрывала застаецца пры чытанні Старога Запавету: ім не адкрываецца, што пакрывала знішчаецца ў Хрысце.

¹⁵ Але па сённяшні дзень, калі яны чытаюць Маісея, пакрывала ляжыць на іх сэрцы.

¹⁶ Але калі іх сэрца звяртаецца да Госпада, пакрывала здымаецца.

¹⁷ А Госпад ёсць Дух; а дзе Дух Гасподні, [там] свабода.

¹⁸ Мы ж усе з адкрытым тварам, аглядаючы і адлюстрўваючы, як люстэрка, славу Гасподнюю, пераўтвараемся ў той самы вобраз ад славы ў славу так, як ад Гасподняга Духа.