Быццё 36 разьдзел

 

 

І вось радавод Эзава, ён жа Эдом.

 

І гэта радавод Ісаваў, ён жа Едом.

Эзаў узяў сабе жонак з дачок Ханаану: Аду, дачку Элёна Хета, і Агаліваму, дачку Аны, дачку Цывеона Хівея,

 

Ісаў узяў сабе жонкі з дачок Канаанскіх: Аду, дачку Елона Гэціча, а Оголіваму, дачку Аны, дачку Цывеона Гэвяніна,

і Басэмат, дачку Ізмаэля, сястру Наваёта.

 

А Васэмафу, дачку Ізмайлаву, сястру Наваёфаву.

І нарадзіла Ада Эзаву Эліфаза, а Басэмат нарадзіла Рэўэля,

 

І нарадзіла Ада Ісаву Еліфаза; А Васэмафа нарадзіла Рагуеля.

а Агалівама нарадзіла Евуша, Яляма і Караха. Гэта сыны Эзава, якія нарадзіліся ў яго ў зямлі Ханаан.

 

А Оголівама нарадзіла Евуша а Елома а Кору. Гэта сынове Ісававы, што нарадзіліся яму ў зямлі Канаанскай.

І ўзяў Эзаў жонак сваіх, і сыноў сваіх, і дочак сваіх, і ўсе душы дому свайго, і статкі свае, і ўсю скаціну сваю, і ўсю маёмасьць сваю, якую ён прыдбаў у зямлі Ханаан, і пайшоў у іншую зямлю ад аблічча Якуба, брата свайго,

 

І ўзяў Ісаў жонкі свае, і сыноў сваіх, і дачкі свае, і ўсі душы дамовы свае, і стада свае, і ўвесь статак свой, і ўсю маемасьць сваю, каторую ён прыдбаў у зямлі Канаанскай, і пайшоў да іншае зямлі ад віду Якава, брата свайго;

бо была маёмасьць іхняя вялікая, каб яны маглі жыць разам, і не магла зямля вандраваньня іхняга насіць іх з прычыны статкаў іхніх.

 

Бо была маемасьць іхная вялікая, каб яны маглі жыць разам, і не магла зямля падарожжаваньня іхнага насіць іх з прычыны стадаў іхных.

І пасяліўся Эзаў на гары Сэір, Эзаў, ён жа Эдом.

 

І асяліўся Ісаў на гары Сэір, Ісаў, ён жа Едом.

І вось радавод Эзава, бацькі Эдому на гары Сэір.

 

І во гэта роды Ісававы, айца Едумееў, на гары Сэір;

Вось імёны сыноў Эзава: Эліфаз, сын Ады, жонкі Эзава; Рэўэль, сын Басэмат, жонкі Эзава.

 

Во гэта ймёны сыноў Ісававых: Еліфаз, сын Ады, жонкі Ісававае; Рагуель, сын Васэмафы, жонкі Ісававае.

І былі сыны Эліфаза: Тэман, Амар, Цэфо, Гатам і Кеназ.

 

І былі сынове Еліфазавы: Феман, Омар, Цефо а Ґафам а Кеназ.

А Тымна была наложніцай Эліфаза, сына Эзава, і яна нарадзіла Эліфазу Амалека. Гэта сыны Ады, жонкі Эзава.

 

А Фамна была мамошка Еліфаза, сына Ісававага; і нарадзіла Еліфазу Амаліка. Гэта сынове Ады, жонкі Ісававае.

І вось сыны Рэўэля: Нахат, Зэрах, Шамма і Міза. Гэтыя былі сынамі Басэмат, жонкі Эзава.

 

А во, гэта сыны Рагуелявы: Нагаф а Зэраг, Шамма а Міза. Гэта былі сынове Васэмафы, жонкі Ісававае.

І вось сыны Агалівамы, дачкі Аны, дачкі Цывеона, жонкі Эзава. Яна нарадзіла Эзаву Евуша, Яляма і Караха.

 

І во гэтыя былі сыны Огалівамы, дачкі Аны, дачкі Цывеона, жонкі Ісававае: і яна нарадзіла Ісаву Евуша а Елома, а Кору.

Вось князі сыноў Эзава. Сыны Эліфаза, першароднага Эзава: князь Тэман, князь Амар, князь Цэфо, князь Кеназ,

 

Во гэта князі сыноў Ісававых. Сынове Еліфаза, першароднага Ісававага: князь Феман, князь Омар, князь Цефо, князь Кеназ,

князь Карах, князь Гатам, князь Амалек. Гэта князі Эліфаза ў зямлі Эдом, гэта сыны Ады.

 

Князь Кора, князь Ґафам, князь Амалік. Гэтыя князі Еліфазовы ў зямлі Едомовае; гэта сынове Адзіны.

А вось сыны Рэўэля, сына Эзава: князь Нагат, князь Зэрах, князь Шамма, князь Міза. Гэта князі Рэўэля ў зямлі Эдом, гэта сыны Басэмат, жонкі Эзава.

 

І гэтыя сыны Рагуеля, сына Ісававага: князь Нагаф, князь Зэраг, князь Шамма, князь Міза. Гэтыя князі Рагуелявы ў зямлі Едомавае; гэтыя сынове Васэмафы, жонкі Ісававае.

А вось сыны Агалівамы, жонкі Эзава: князь Евуш, князь Ялям, князь Карах. Гэта князі Агалівамы, дачкі Аны, жонкі Эзава.

 

І гэтыя сыны Огалівамы, жонкі Ісававае: князь Евуш, князь Елом, князь Кора. Гэтыя князі Огалівамы, дачкі Аны, жонкі Ісававае.

Вось сыны Эзава, і вось князі іхныя. Гэта Эдом.

 

Гэтыя сынове Ісававы, і гэтыя князі іхныя. Гэта Едом.

Вось сыны Сэіра Харэя, жыхары зямлі той: Лётан, Шаваль, Цывеон, Ана,

 

Гэтыя сынове Сэіра Горэяніна, жыхары зямлі тае: Лотан а Шовал а Цывеон а Ана

Дышон, Эцэр і Дышан. Гэта князі Харэяў, сыны Сэіра ў зямлі Эдом.

 

А Дышон а Ецэр а Дышан. Гэтыя князі Горэйскія, сыноў Сэіравых, у зямлі Едома.

І былі сыны Лётана: Хоры і Геман, а сястра Лётана — Тымна.

 

І былі сыны Лотановы: Горы а Гэман; а сястра ў Лотана: Хімна.

А вось сыны Шаваля: Альван, Манахат, Эваль, Шэфо і Анам.

 

І гэта сынове Шоваловы: Алван а Манагаф а Евал, Шэфо а Онам.

А вось сыны Цывеона: Ая і Ана. Гэта той Ана, які знайшоў гарачыя крыніцы ў пустыні, калі пасьвіў аслоў Цывеона, бацькі свайго.

 

А гэтыя сыны Цывеонавы: Ая а Ана. Гэта Ана, каторы знайшоў цёплыя жаролы на пустыні, як пасьціў аслы Цывеона, айца свайго.

А вось сыны Аны: Дышон і Агалівама, дачка Аны.

 

І гэтыя дзеці Аніны: Дышон а Оголівама, дачка Аніна.

А вось сыны Дышона: Хемдан, Эшбан, Ітран, і Херан.

 

І гэтыя сыны Дышонавы: Гэмдан а Эшбан а Іфран а Херан.

Вось сыны Эцэра: Більган, Зааван і Акан.

 

Гэтыя сыны Эцэравы: Білган а Зааван а Акан.

Вось сыны Дышана: Уц і Аран.

 

Гэтыя сыны Дышановы: Уц а Аран.

Вось князі Харэяў: князь Лётан, князь Шаваль, князь Цывеон, князь Ана,

 

Гэтыя князі Горэйскія: князь Лотан, князь Шовал, князь Цывеон, князь Ана,

князь Дышон, князь Эцэр, князь Дышан. Гэта князі Харэяў паводле княстваў сваіх у зямлі Сэір.

 

Князь Дышон, князь Эцэр, князь Дышан. Во, гэта князі Горэйскія подле князстваў сваіх у зямлі Сэір.

А вось валадары, якія валадарылі ў зямлі Эдом, раней за валадараньне валадароў у сыноў Ізраіля.

 

І во каралёве, што каралявалі ў зямлі Едомавай, пярвей за караляваньне каралёў у сыноў Ізраелявых.

І валадарыў у Эдоме Бэла, сын Бэора, а імя гораду ягонага — Дынгава.

 

І караляваў у Едоме Бела, сын Веораў, а імя места ягонага Дынгава.

І памёр Бэла, і валадарыў пасьля яго Ёваў, сын Зэраха, з Боцры.

 

І памер Бела, і караляваў замест яго Ёваў, сын Зэрагаў, з Восоры.

І памёр Ёваў, і валадарыў пасьля яго Хушам, з зямлі Тэман.

 

І памер Ёваў, і караляваў замест яго Гушам, ізь зямлі Феманскае.

І памёр Хушам, і валадарыў пасьля яго Гадад, сын Бэдада, які пабіў Мадыянцаў на полі Мааўскім; а імя гораду ягонага — Авіт.

 

І памер Гушам, і караляваў замест яго Гадад, сын Бедадаў, каторы паразіў Мідзянян на полю Моаўскім; а імя места ягонага Авіф.

І памёр Гадад, і валадарыў пасьля яго Самла з Масрэкі.

 

І памер Гадад, і караляваў замест яго Самла з Масрэкі.

І памёр Самла, і валадарыў пасьля яго Шауль з Рэхавота, што каля ракі.

 

І памер Самла, і караляваў замест яго Саўла з Рэговофа, ля ракі.

І памёр Шауль, і валадарыў пасьля яго Баал-Ханан, сын Ахбора.

 

І памер Саўла, і караляваў замест яго Баал-Ганан, сын Ахбораў.

І памёр Баал-Ханан, сын Ахбора, і валадарыў пасьля яго Гадар, а імя гораду ягонага — Паў; а імя жонкі ягонае — Мэгетавэль, дачка Матрэды, дачкі Мэзагава.

 

І памер Баал-Ганан, сын Ахбораў, і караляваў замест яго Гадар; а імя места ягонага Пагу; імя жонкі ягонае Мегетавель, дачка Матрэды, дачкі Мезагавае.

А вось імёны князёў Эзава, паводле плямёнаў іхніх, паводле мясцовасьцяў іхніх, [названых] імёнамі іхнімі: князь Тымна, князь Альва, князь Етэт,

 

І гэтыя ймёны князёў Ісававых, подле радзімаў іхных, подле месцаў іхных, у ймёнах іхных: князь Фімна, князь Алва, князь Етэф,

князь Агалівама, князь Эла, князь Пінон,

 

Князь Оголівама, князь Эла, князь Пінон,

князь Кеназ, князь Тэман, князь Міўцар,

 

князь Кеназ, князь Феман, Міўцар,

князь Магдыель, князь Ірам. Вось князі Эдому, паводле сялібаў іхніх, у зямлі ўласнасьці іхняй. Гэта Эзаў, бацька Эдому.

 

Князь Магдыель, князь Ірам. Гэтыя князі Едомскія, подле слялібаў іхных, у зямлі дзяржаньня іхнага, Ён Ісаў, ацец Едомічаў.