Лікі 2 разьдзел

 

 

І прамовіў ГОСПАД да Майсея і Аарона, кажучы:

 

І гукаў СПАДАР Масею а Аарону, кажучы:

«Няхай сыны Ізраіля разложаць табар, кожны пад сьцягам сваім, пад знакамі паводле дамоў бацькоў сваіх. Вакол Намёту Спатканьня на адлегласьці разложаць яны табар.

 

«Кажная людзіна ля сьцягу свайго і з гэрбамі дому айцоў сваіх разьлягуцца сынове Ізраелявы; насупроці будана сьветчаньня разьлягацца будуць.

Разложыць табар з усходу, дзе ўзыходзіць сонца, сьцяг табару Юды з дружынамі сваімі, а князем сыноў Юды [будзе] Нахшон, сын Амінадава.

 

Тымі, што разьлягліся на ўсход, на ўсход сонца, быў сьцяг табару Юдзінага, па войсках іхных, і князь сыноў Юдзіных Наасон Амінадавёнак;

Лік войска ягонага, паводле падліку, — семдзясят чатыры тысячы шэсьцьсот.

 

І ў войску ягоным, і палічаных ягоных семдзясят чатыры тысячы шасьцьсот.

Побач іх разложыцца табар пакаленьня Ісахара, а князем сыноў Ісахара [будзе] Натанаэль, сын Цуара.

 

І ля яго разьляжацца табарам плямя Іссасхарова, і князь сыноў Іссасхаровых Нафанаель Цуаронак;

Лік войска ягонага, паводле падліку, — пяцьдзясят чатыры тысячы чатырыста.

 

І ў войску ягоным, і палічаных ягоных пяцьдзясят чатыры тысячы чатырыста.

[Потым] пакаленьне Завулёна, а князем сыноў Завулёна [будзе] Эліяў, сын Хэлёна.

 

Адлі пакаленьне Завулонава, і князь сыноў Завулонавых Еляў Гэлонёнак;

Лік войска ягонага, паводле падліку, — пяцьдзясят сем тысячаў чатырыста.

 

І ў войску ягоным, і палічаных ягоных пяцьдзясят сем тысячаў чатырыста.

Усіх, палічаных у табары Юды паводле дружынаў іхніх, — сто восемдзясят шэсьць тысячаў чатырыста. Яны першыя будуць выходзіць.

 

Усіх палічаных у табару Юдзіным сто асьмідзясят шэсьць тысячаў чатырыста, па войсках іхных; яны крануцца першыя.

З поўдня будзе сьцяг табару Рубэна з дружынамі сваімі, а князем сыноў Рубэна [будзе] Эліцур, сын Шэдэура.

 

Сьцяг табару Рувінавага на паўдня, па войсках іхных, і князь сыноў Рувінавых Еліцур Шэдэўронак;

Лік войска ягонага, паводле падліку, — сорак шэсьць тысячаў пяцьсот.

 

І ў войску ягоным, і палічаных ягоных сорак шэсьць тысячаў пяцьсот.

Побач іх разложыцца табар пакаленьня Сымона, а князем сыноў Сымона [будзе] Шэлюміэль, сын Цурышадая.

 

І ля яго разьляжацца табарам плямя Сымонава, і князь сыноў Сымонавых Шэлумель Цурышаддаёнак;

Лік войска ягонага, паводле падліку, — пяцьдзясят дзевяць тысячаў трыста.

 

І ў войску ягоным, і палічаных ягоных пяцьдзясят дзевяць тысячаў трыста.

[Пасьля] пакаленьне Гада, а князем сыноў Гада [будзе] Эліясаф, сын Дэўэля.

 

Плямя Ґадава, і князь сыноў Ґадавых Елясаф Рэґуелёнак;

Лік войска ягонага, паводле падліку, — сорак пяць тысячаў шэсьцьсот пяцьдзясят.

 

І ў войску ягоным, і палічаных ягоных сорак пяць тысячаў шасьцьсот пяцьдзясят.

Усіх, палічаных у табары Рубэна паводле дружынаў сваіх, — сто пяцьдзясят адна тысяча чатырыста пяцьдзясят. Яны другімі будуць выходзіць.

 

Усіх палічаных у табару Рувінавым сто пяцьдзясят адна тысяча чатырыста пяцьдзясят, па войсках іхных; другімі яны маюць кратацца.

Пасля вырушыць Намёт Спатканьня і табар лявітаў у сярэдзіне другіх табараў. Паводле таго, як раскладаліся табарам, так і выходзіць будуць, кожны на месцы сваім, пад сьцягам сваім.

 

І кранецца вітальня збору, табар Левітаў будзе ў сярэдзіне табараў. Як разьлягаюцца, так і маюць кратацца, кажны на сваім месцу ля сьцягоў сваіх.

З захаду будзе сьцяг табару Эфраіма з дружынамі сваімі, а князем сыноў Эфраіма [будзе]Элішама, сын Амігуда.

 

Сьцяг табару Яхрэмавага, па войсках іхных, у кірунку мора, і князь сыноў Яхрэмавых Елішама Амігудзёнак;

Лік войска ягонага, паводле падліку, — сорак тысячаў пяцьсот.

 

І ў войску ягоным, і палічаных ягоных сорак тысячаў пяцьсот.

Побач іх пакаленьне Манасы; а князем сыноў Манасы [будзе] Гамаліэль, сын Пэдагсура.

 

І ля яго плямя Манасава, і князь сыноў Манасавых Ґамалель Педацуронак;

Лік войска ягонага, паводле падліку, — трыццаць дзьве тысячы дзьвесьце.

 

І ў войску ягоным, і палічаных ягоных трыццаць дзьве тысячы дзьвесьце.

[Потым] пакаленьне Бэн’яміна; а князем сыноў Бэн’яміна [будзе] Абідан, сын Гідэоні.

 

І плямя Венямінова, і князь сыноў Веняміновых Авідан Ґідэонёнак;

Лік войска ягонага, паводле падліку, — трыццаць пяць тысячаў чатырыста.

 

І ў войску ягоным, і палічаных ягоных трыццаць пяць тысячаў чатырыста.

Усіх, палічаных у табары Эфраіма паводле дружынаў іхніх, — сто восем тысячаў сто. Яны трэція будуць выходзіць.

 

Усіх палічаных у табару Яхрэмавым сто восьмі тысячаў сто, па войсках іхных; і трэйція яны маюць кратацца.

З поўначы будзе сьцяг табару Дана з дружынамі сваімі, а князем сыноў Дана [будзе]Ахіезэр, сын Амішадая.

 

Сьцяг табару Дановага на поўнач, па войсках іхных, і князь сыноў Дановых Агіезэр Амішаддаёнак;

Лік войска ягонага, паводле падліку, — шэсьцьдзясят дзьве тысячы семсот.

 

І ў войску ягоным, і палічаных ягоных шасьцьдзясят дзьве тысячы сямсот.

Побач іх разложыцца табарам пакаленьне Асэра, а князем сыноў Асэра [будзе] Пагіэль, сын Акрана.

 

І ля яго разьляжацца табарам плямя Ашэрава, і князь сыноў Ашэравых Паґіель Охранёнак;

Лік войска ягонага, паводле падліку, — сорак адна тысяча пяцьсот.

 

І ў войску ягоным, і палічаных ягоных сорак адна тысяча пяцьсот.

[Потым] пакаленьне Нэфталі, а князем сыноў Нэфталі [будзе] Ахіра, сын Энана.

 

І плямя Неффалімова, і князь сыноў Неффалімовых Агіра Енанёнак;

Лік войска ягонага, паводле падліку, — пяцьдзясят тры тысячы чатырыста.

 

І ў войску ягоным, і палічаных ягоных пяцьдзясят тры тысячы чатырыста.

Усіх, палічаных у табары Дана, — сто пяцьдзясят сем тысячаў шэсьцьсот. Яны як апошнія будуць выходзіць пад сьцягамі сваімі.

 

Усіх палічаных у табару Дановым сто пяцьдзясят сем тысячаў шасьцьсот; яны маюць кратацца апошнія ля сьцягоў сваіх».

Гэта палічаныя сыны Ізраіля паводле дамоў бацькоў сваіх. Усіх, палічаных у табары паводле дружынаў сваіх, — шэсьцьсот тры тысячы пяцьсот пяцьдзясят.

 

Гэта палічаныя сынове Ізраелявы па дамох айцоў іхных. Усіх палічаных у табарах, па войсках іхных, шасьцьсот тры тысячы пяцьсот пяцьдзясят.

Лявіты не былі палічаныя сярод сыноў Ізраіля, як загадаў ГОСПАД Майсею.

 

А Левіты не палічаныя із сынамі Ізраеля, як расказаў СПАДАР Масею.

Сыны Ізраіля зрабілі ўсё, што загадаў ГОСПАД Майсею: раскладаліся табарам пад сьцягамі сваімі і выходзілі паводле сем’яў сваіх і дамоў бацькоў сваіх.

 

І зрабілі сынове Ізраелявы ўсе, што расказаў СПАДАР Масею; гэтак разьлягліся табарамі ля сьцягоў сваіх і гэтак краталіся кажны па радзімах сваіх і кажны па дамох айцоў сваіх.