Псалтыр 126 псалом — Пераклад Чарняўскага 2017 → Пераклад Вітаўта Тумаша

Псалтыр 126 псалом

Псалтыр
Пераклад Чарняўскага 2017 → Пераклад Вітаўта Тумаша

Песня ўзыходжання. Калі Госпад адмяняў няволю Сіёна, сталіся мы быццам ува сне.

Тады вусны нашыя былі поўныя смеху, а язык наш — радасці. Тады гаварылі між паганаў: «Вялікае ўчыніў з імі Госпад».

Вялікае ўчыніў Госпад з намі: сталіся мы радаснымі.

Адмяні, Госпадзе, няволю нашу, як ручаі ў паўднёвай зямлі.

Тыя, што сеюць са слязамі, з радасцю жаць будуць.

Ідучы ідуць і плачуць, несучы зерне на пасеў. Вяртаючыся ж, ідуць з радасцю, несучы свае снапы.