Лукаша 3 разьдзел

 

 

У пятнаццаты ж год гаспадараньня Тыбэрыя кесара (і) гаспадаруючага Понція Пілата (у) Юдэі, і зьяўляючагася чацьвертаўладнікам Галілеі — Гірада, Піліпа ж, брата ягонага — зьяўляючагася чацьвертаўладнікам Ітурэі і Траханіцкай краіны, і Лісанія зьяўляючагася чацьвертаўладнікам (у) Абілінэі;

 

Пятнанцатага году дзяржавы цэсара Тыбэра, як Понт Пілат быў намесьнікам Юдэі, Гірад быў чацьвертнікам у Ґалілеі, а Піліп, брат ягоны, чацьвертнікам Ітурэі а Трахоніцкае краіны, а Лізан чацьвертнікам Абіленеі,

пры архірэях Ганьне і Каяхве было Слова Божае да Яана, Захаравага сына, у пустэльні.

 

За найвышшых сьвятароў Ганны а Каяпы, было слова Божае да Яана Захаронка на пустыні.

І (ён) прайшоў па ўсёй ваколіцы Ярдану, абвяшчаючы хрышчэньне пакаяньня дзеля дараваньня грахоў,

 

І ён праходзіў па ўсёй краіне ля Ёрдану, абяшчаючы хрэст каяты дзеля дараваньня грахоў,

як напісана ў кнізе слоў Гісаі прарока, які кажа: голас крычачага ў пустэльні: прыгатуйце шлях Госпада, простымі зрабіце сьцежкі Яму;

 

Як напісана ў кнізе словаў Ісаі прарокі, кажучы: «Голас гукаючага на пустыні: гатуйце дарогу Спадарову, прастайце сьцелжі Ягоныя;

кожны дол няхай напоўніцца, і кожная гара і ўзгорак няхай панізіцца, і крывулі стануць простымі, і няроўныя дарогі (стануць) гладкімі;

 

Кажная даліна напоўніцца, і кажная гара а ўзгорак паніжыцца, і скрыўленыя выпрастаюцца, і драгкія дарогі стануць гладкімі;

і ўбачыць кожнае цела збаўленьне Божае.

 

І кажнае цела абача спасеньне Божае».

І вось казаў (ён) людзям, якія прыходзілі хрысьціцца ад яго: спародзьзе яхідзінавае! хто нахіліў вас уцякаць ад надыходзячага гневу?

 

Тады сказаў ён гурбе, што прыходзіла хрысьціцца ў яго: «Родзе яшчарыны! хто перасьцярог вас уцякаць ад надыходзячага гневу?

Зрабіце ж плады годныя пакаяньня, і ня думайце гаварыць самі сабе: ба́цьку маем Абрагама, бо кажу вам, што Бог можа з каменьняў гэтых стварыць дзяцей Абрагаму.

 

Дык радзіце плады гожыя каяты. І не пачынайце гукаць сабе: "Айцец у нас Абрагам"; бо кажу вам, што Бог можа з камянёў гэтых узьняць дзеці Абрагаму.

Бо ўжо і сякера каля караня дрэваў ляжыць; усякае дрэва, якое плоду добрага ня прыносіць, сьсякаецца й кіда́ецца ў вагонь.

 

Ужо й сякіра да караня дзерваў прыложана; дык кажнае дзерва, што ня родзе добрага плоду, сякуць а кідаюць у цяпло».

І пыталіся ў яго людзі, кажучы: што ж (нам) рабіць?

 

І пыталіся ў яго гурбы, кажучы: «Дык што маем рабіць?»

Адказаўшы ж (ён) ім гаворыць: хто мае дзьве адзежыны, той няхай дасьць таму, хто ня мае, і, хто мае ежу, няхай робіць гэтаксама.

 

Ён, адказуючы, сказаў ім: «Хто мае дзьве адзежы, дай нямаючаму; і хто мае ежу, рабі тое самае».

Прыйшлі ж і мытнікі ахрысьціцца і сказалі яму: настаўнік! што на́м рабіць?

 

Тады прышлі таксама мытнікі хрысьціцца і сказалі яму: «Вучыцелю, што мы маем рабіць?»

Ён жа адказаў ім: нічога большага за загаданае вам ня спаганяйце.

 

І сказаў ім: «Нічога не вымагайце балей за прызначанае вам».

Пыталіся ў яго таксама і жаўнеры, кажучы: а нам што рабіць? І сказаў ім: ні ў ко́га ня вымагайце грошы і ня паклёпнічайце, і будзьце задаволены сваёй платай.

 

І пыталіся ў яго таксама жаўнеры, кажучы: «А мы што маем рабіць?» І ён адказаў ім: «Не рабіце ўсілства нікому ані вінуйце хвальшыва, і будзьце здаволіўшыся з платы свае».

Калі ж народ мучыўся думкай, і разважалі ўсе ў сэрцах сваіх пра Яана, ці ня Хрыстос ён,

 

І як люд спадзяваўся, і думалі ўсі ў сэрцах сваіх празь Яана, ці ня быў можа ён Хрыстос,

адказаў Яан усім, кажучы: я сапраўды хрышчу вас вадою. Але ідзе Дужэйшы за мяне, у Якога я ня варты разьвязаць рамень абутку Ягонага; Ён будзе хрысьціць вас Духам Сьвятым і агнём;

 

Яан адказаў, кажучы ўсім: «Я запраўды хрышчу вас вадою, але йдзець дужшы за мяне, у Каторага я ня гожы разьвязаць рэменьчыка ў вобую Ягоным; Ён будзе хрысьціць вас Духам Сьвятым а агнём.

і гархва Ягоная ў Руцэ Ягонай, і (Ён) ачысьціць гумно Сваё і зьбярэ пшаніцу ў сьвіран Свой, а мяккіну спаліць агнём няпагасным.

 

Веялка Ягоная ў руццэ Ягонай, і Ён ачысьце такаўню Сваю, і пшонку зьбярэць у сьвіран, а ўмецьце спале агнём няўгасным».

І вось, і многае другое, навучаючы, дабравесьціў (ён) народу.

 

І шмат чаго іншага напамінаючы, даваў дабравесьць люду.

Гірад жа чацьвертаўладнік, дакараны ім за Гірадзіяду, жонку брата ягонага Піліпа, і за ўсё, што Гірад зрабіў благога,

 

Гірад жа чацьвертнік, ганены ім за Гіродзяду, жонку брата свайго Піліпа, і за ўсе ліха, што Гірад зрабіў,

дадаў да ўсяго і тое, што пасадзіў Яана ў вязьніцу.

 

Дадаў яшчэ да ўсяго тое, што пасадзіў Яана ў вязьніцу.

І сталася, як хрысьціўся ўвесь народ, і Ісус ахрысьціўшыся маліўся, адчынілася неба,

 

І сталася, як хрысьціўся ўвесь люд, і Ісус, ахрысьціўшыся, маліўся, нябёсы рашчыніліся,

і зыйшоў на Яго Дух Сьвяты ў цялесным выглядзе, як галуб, і быў голас зь неба, ка́жучы: Ты Сын Мой улюблены, Цябе (Я) упадабаў!

 

І ісступіў Дух Сьвяты на Яго ў цялесным выглядзе, як галуба, і прышоў голас ізь неба, кажучы: «Ты Сын Мой любовы; Цябе Я ўпадабаў!»

І Сам Ісус быў гадоў каля трыццаці, пачынаючы (Сваё служэньне), і быў, як думалі, Сын Язэпаў, Íліяў,

 

А Самому Ісусу, як пачынаў, было год трыццаць веку, будучы, як думалі, сынам Язэпа Гілянка,

Маттатаў, Ле́віяў, Ме́льхіяў, Яанаў, Язэпаў,

 

Матфацёнка, Левянка, Мельшанка, Янянка, Язэпенка,

Маттаціяў, Амо́саў, Навумаў, Ясьлімаў, Нагеяў,

 

Маттафёнка, Амасёнка, Нагумёнка, Есьлянка, Наґґаёнка,

Маатаў, Маттаціяў, Самеяў, Язэпаў, Юдаў,

 

Маафёнка, Матгафёнка, Сэмеёнка, Язэпенка, Юдзянка,

Яананаў, Рысаяў, Зараба́бэляў, Салятыілаў, Нірыяў,

 

Яанёнка, Рысаёнка, Зэрувавеленка, Шэалфіеленка, Ніранка,

Мэльхіяў, Адзіяў, Касамаў, Ялмадамаў, Іраў,

 

Мельшанка, Адзьдзянка, Косамёнка, Елмодамёнка, Іранка,

Ясіяў, Яліязэраў, Іярымаў, Маттатаў, Ле́віяў,

 

Ёсянка, Елезэранка, Ёрыменка, Матфацёнка, Левянка,

Сымонаў, Юдаў, Язэпаў, Яананаў, Яліякімаў,

 

Сыманёнка, Юдзянка, Язэпенка, Ёнанёнка, Елякімёнка,

Мэлеаяў, Маінанаў, Маттатаяў, Натанаў, Давідаў,

 

Малеаёнка, Менанёнка, Маттафёнка, Нафанёнка, Давідзёнка,

Ясеяў, Абідаў, Баозаў, Салмонаў, Наасонаў,

 

Есянка, Овідзёнка, Воозёнка, Салмонёнка, Наасонёнка,

Амінадабаў, Арамаў, Ясромаў, Хварэсаў, Юдаў,

 

Амінадавенка, Арамёнка, Есромёнка, Фарэсёнка, Юдзянка,

Якубаў, Ісагакаў, Абрагамаў, Тараў, Нахораў,

 

Якавёнка, Ісачонка, Абрагаменка, Фаранка, Нахаронка,

Сэрухаў, Рагабаў, Хвалекаў, Ябераў, Салаў,

 

Сэрушонка, Раґавёнка, Фалечонка, Еверонка, Салянка,

Каінанаў, Архваксадаў, Сэмаў, Нояў, Ламехаў,

 

Каінанёнка, Арфаксадзенка, Сэмянка, Ноянка, Ламёшанка,

Матусалаў, Янохаў, Ярэдаў, Малеляіляў, Каінанаў,

 

Мефусаленка, Енашонка, Ярэдзёнка, Малелееленка, Каінанёнка,

Яносаў, Сэтаў, Адамаў, Божы.

 

Еносёнка, Сыфянка, Адамёнка, каторы быў Божы.