1 летапісаў 2 разьдзел

Першая кніга летапісаў
Пераклад Васіля Сёмухі → Пераклад Антонія Бокуна

 
 

Вось сыны Ізраіля: Рувім, Сімяон, Левій, Юда, Ісахар, Завулон,
 
Гэта сыны Ізраіля: Рубэн, Сымон, Левій, Юда, Ісахар, Завулён,

Дан, Язэп, Веньямін, Нэфталім, Гад і Асір.
 
Дан, Язэп, Бэн’ямін, Нэфталі, Гад і Асэр.

Сыны Юды: Ір, Анан і Сілом, — трое нарадзіліся ў яго ад дачкі Шуевай, Хананэянкі. І быў Ір, першынец Юдаў, незаўгодны ў вачах Госпада, і Он забіў яго.
 
Сыны Юды: Ер, Анан і Шэля — тры нарадзіліся ў яго ад дачкі Шуа, Ханаанянкі. І быў Ер, першародны Юды, ліхі ў вачах ГОСПАДА, і Ён усьмерціў яго.

І Тамар, нявестка ягоная, нарадзіла яму Фарэса і Зару. Усіх сыноў у Юды было пяцёра.
 
А Тамар, нявестка ягоная, нарадзіла яму Пэрэса і Зараха. Усіх сыноў у Юды было пяць.

Сыны Фарэса: Эсром і Хамул.
 
Сыны Пэрэса: Хецрон і Хамуль.

Сыны Зары: Зімры, Этан, Эман, Халкол і Дара; усіх іх пяцёра.
 
Сыны Зараха: Зімры, Этан, Гэман, Хальколь і Дара; усіх іх пяцёра.

Сыны Хармі: Ахар, які навёў бяду на Ізраіля, парушыўшы заклён.
 
Сыны Хармі: Ахар, які прынёс засмучэньне Ізраілю, бо быў няверны ў заклятым.

Сын Этана: Азарыя.
 
Сыны Этана: Азарыя.

Сыны Эсрома, якія нарадзіліся ў яго: Ерахмэіл, Арам і Хэлувай.
 
Сыны Хецрона, якія нарадзіліся ў яго: Ерахмээль, Рам і Хелувай.

А Арам спарадзіў Амінадава; Амінадаў спарадзіў Наасона, князя сыноў Юдавых;
 
Рам нарадзіў Амінадава; Амінадаў нарадзіў Нахшона, князя сыноў Юды;

Наасон спарадзіў Салмона, Салмон спарадзіў Ваоза;
 
Нахшон нарадзіў Сальму; Сальма нарадзіў Боаза;

Ваоз спарадзіў Авіда, Авід спарадзіў Есэя;
 
Боаз нарадзіў Абэда; Абэд нарадзіў Есэя;

Есэй спарадзіў першынца свайго Эліява, другога — Амінадава, трэцяга — Саму,
 
Есэй нарадзіў першароднага свайго Эліява, другога — Амінадава, трэцяга — Шыму,

чацьвёртага — Натанаіла, пятага — Радая,
 
чацьвёртага — Нэтанэля, пятага — Раддая,

шостага — Ацэма, сёмага — Давіда.
 
шостага — Оцэма, сёмага — Давіда.

Сёстры іхнія: Саруя і Авігея. Сыны Саруі: Авэса, Ёаў і Азаіл, трое.
 
І былі сёстры іхнія: Цэруя і Абігайль. Сыны Цэруі: Абішай, Ёаў і Асаэль, тры.

Авігея нарадзіла Амэсу; а бацька Амэсы — Етэр, Ізмаільцянін.
 
Абігайль нарадзіла Амасу; а бацька Амасы — Этэр Ізмаэлец.

Халеў, сын Эсрома, спарадзіў ад Азувы, жонкі, і ад Ерыоты, і вось сыны ягоныя: Ешэр, Шаваў і Ардон.
 
А Халеў, сын Хецрона, нарадзіў ад Азувы, жонкі сваёй, і ад Ероты. І гэта сыны ягоныя: Ешэр, Шаваў і Ардон.

І памерла Азува; і ўзяў сабе Халеў Эфрату, і яна нарадзіла яму Хура.
 
І памерла Азува; і ўзяў сабе Халеў Эфрату, і яна нарадзіла яму Хура.

Хур спарадзіў Урыя, Урый спарадзіў Вэсэлііла.
 
Хур нарадзіў Урыю; Урыя нарадзіў Бэцалеэля.

Пасьля Эсром увайшоў да дачкі Махіра, бацькі Галаадавага, і ўзяў яе, а было яму шэсьцьдзясят гадоў, і яна нарадзіла яму Сэгува.
 
Потым Хецрон прыйшоў да дачкі Махіра, бацькі Гілеада, і ўзяў яе, а ён меў шэсьцьдзясят гадоў, і яна нарадзіла яму Сэгува.

Сэгуў спарадзіў Яіра, і было ў яго дваццаць тры гарады ў зямлі Галаадскай.
 
Сэгуў нарадзіў Яіра, і было ў яго дваццаць тры гарады ў зямлі Гілеад.

Але Гесуране і Сірыйцы ўзялі ў іх селішчы Яіра. Кенат і залежныя ад яго гарады, — шэсьцьдзясят гарадоў. Усе гэтыя гарады сыноў Махіра, бацькі Галаадавага.
 
І забраў Гешур і Арам у іх паселішчы Яіра, Кенат з вёскамі ягонымі, шэсьцьдзясят гарадоў. Гэтыя ўсе — сыны Махіра, бацькі Гілеада.

Пасьля сьмерці Эсрома ў Халеў-Эфраце, жонка Эсромава, Авія, нарадзіла яму Ашхура, бацьку Тэкоі.
 
І памёр Хецрон у Халеў-Эфраце, і была жонка Хецрона, Ава, і яна нарадзіла яму Ашхура, бацьку Тэкоа.

Сыны Ерахмэіла, першынца Эсромавага, былі: першынец Рам, за ім Вуна, Арэн, Ацэм і Ахія.
 
І былі сыны Ерахмээля, першароднага Хецрона: першародны Рам, Буна, Орэн, Оцэм, Ахія.

Была ў Ерахмэіла і другая жонка, імя яе Атара; яна маці Анама.
 
І была ў Ерахмээля іншая жонка, імя ейнае — Атара; яна — маці Онама.

Сыны Рама, першынца Ерахмэілавага, былі: Маац, Ямін і Экер.
 
І былі сыны Рама, першароднага Ерахмээля: Маац, Ямін і Экер.

Сыны Анама былі: Шамай і Яда. Сыны Шамая: Надаў і Авішур.
 
І былі сыны Онама: Шаммай і Яда. Сыны Шаммая: Надаў і Абішур.

Імя жонкі Авішуравай Авіхаіль, і яна нарадзіла яму Ахбана і Маліда.
 
А імя жонкі Абішура — Абігайль; і яна нарадзіла яму Ахбана і Маліда.

Сыны Надава: Сэлед і Афаім. І памёр Сэлед бязьдзетны.
 
Сыны Надава: Сэлед і Аппаім. І памёр Сэлед бязьдзетным.

Сын Афаіма: Ішый. Сын Ішыя: Шэшан. Сын Шэшана: Ахлай.
 
Сыны Аппаіма: Іш. Сын Іша: Шэшан. Сын Шэшана: Ахлай.

Сыны Яды, брата Шамаевага: Етэр, Ёнатан. Етэр памёр бязьдзетным.
 
Сыны Яды, брата Шаммая: Етэр і Ёнатан. І памёр Етэр бязьдзетным.

Сыны Ёнатана: Пэлет і Заза. Гэта сыны Ерахмэіла.
 
Сыны Ёнатана: Пэлет і Заза. Гэта былі сыны Ерахмээля.

У Шэшана ня было сыноў, а толькі дочкі. У Шэшана быў раб, Егіпцянін, імя яго Ярха;
 
І не было ў Шэшана сыноў, адно дочкі. У Шэшана быў слуга Эгіпцянін, імя ягонае — Ярха.

І Шэшан аддаў дачку сваю Ярху за жонку, і яна нарадзіла яму Атая.
 
І даў Шэшан дачку сваю Ярху, слузе свайму, за жонку, і яна нарадзіла яму Аттая.

Атай спарадзіў Натана. Натан спарадзіў Завада;
 
Аттай нарадзіў Натана; Натан нарадзіў Завада;

Завад спарадзіў Эфлала, Эфлал спарадзіў Авіда;
 
Завад нарадзіў Ефлала; Ефлал нарадзіў Абэда;

Авід спарадзіў Еуя, Еуй спарадзіў Азарыю;
 
Абэд нарадзіў Егу; Егу нарадзіў Азарыю;

Азарыя спарадзіў Хэлеца, Хэлец спарадзіў Элеасу;
 
Азарыя нарадзіў Халеца; Халец нарадзіў Элясу;

Элеаса спарадзіў Сісмая, Сісмай спарадзіў Салума;
 
Эляса нарадзіў Сісмая; Сісмай нарадзіў Шальлюма;

Салум спарадзіў Екамію, Екамія спарадзіў Элішаму.
 
Шальлюм нарадзіў Екамію; Екамія нарадзіў Элішаму.

Сыны Халева, брата Ерахмэілавага: Мэша, першынец ягоны, — ён бацька Зіфа; і сыны Марэшы, бацькі Хэўрона.
 
Сыны Халева, брата Ерахмээля: Мэша, першародны ягоны, ён — бацька Зіфа; і сыны Марэшы, бацькі Хеўрона.

Сыны Хэўрона: Карэй і Тапуах, і Рэкем і Шэма.
 
Сыны Хеўрона: Карах, Тапуах, Рэкем і Шэма.

Шэма спарадзіў Рахама, бацьку Ёркеамавага, а Рэкем спарадзіў Шамая.
 
Шэма нарадзіў Рахама, бацьку Яркаама; а Рэкем нарадзіў Шаммая.

Сын Шамая Маон, а Маон — бацька Бэт-Цура.
 
Сын Шаммая: Маон, а Маон — бацька Бэт-Цура.

І Эфа, наложніца Халелава, нарадзіла Харана, Моцу і Газэза. І Харан спарадзіў Газэза.
 
І Эфа, наложніца Халева, нарадзіла Харана, Моцу і Газэза. А Харан нарадзіў Газэза.

Сыны Егдая: Рэгем, Ётам, Гешаўн, Пэлет, Эфа і Шааф.
 
Сыны Ягдая: Рэгем, Ётам, Гешан, Пэлет, Эфа і Шааф.

Наложніца Халевава, Мааха, нарадзіла Шэвера і Тырхану;
 
Наложніца Халева, Мааха, нарадзіла Шэвэра і Тырхану.

яна ж нарадзіла Шаафа, бацьку Мадманы, Шэву, бацьку Махэны і бацьку Гівэі. А дачка Халева — Ахса.
 
І нарадзіла яна Шаафа, бацьку Мадманны, Шэву, бацьку Махбэны і бацьку Гівы. А дачка Халева — Ахса.

Вось сыны Халева: сын Хур, першынец Эфраты: Шавал, бацька Кірыят-Ярыма;
 
Гэта былі сыны Халева, сына Хура, першароднага Эфраты: Шаваль, бацька Кірыят-Ярыма,

Салма, бацька Віфляема; Харэф, бацька Бэтгадэра.
 
Сальма, бацька Бэтлеема, Харэф, бацька Бэт-Гадэра.

У Шавала, бацькі Кірыят-Ярыма, былі сыны: Гарое, Хацы, Галмэнюхот.
 
І былі сыны ў Шаваля, бацькі Кірыят-Ярыма: Гароэ, Хацы, Мэнухот.

Плямёны Кірыят-Ярыма: Ітрыяны, Футыяны, Шуматаны і Мідраіцяны. Ад гэтых пайшлі Царанэі і Эштааляне.
 
І [вось] сем’і Кірыят-Ярыма: Ітрычы, Путычы, Шуматычы і Мішраічы. Ад іх паходзяць Царацяне і Эштааляне.

Сыны Салмы: Віфляемляне і Нэтафацяне, вянок дома Ёававага і палавіна Энухацян — Царане,
 
Сыны Сальмы: Бэтлеем і Нэтафацяне, Атрот, Бэт-Ёваў і палова Мэнахцічаў, і Царане.

і плямёны Сафэрыйцаў, якія жылі ў Ябэцы, Тырэйцы, Шымэйцы, Сухайцы: гэта кінэяне, якія паходзілі ад Хамата, бацькі Бэтрэхава.
 
Сем’і кніжнікаў, якія жылі ў Ябэцы: Тырацічы, Шымацічы, Сухацічы. Гэта Кіняне, якія паходзяць ад Хамата, бацькі дому Рэхава.