Выслоўяў Саламонавых 3 разьдзел
Кніга выслоўяў Саламонавых
Пераклад Васіля Сёмухі → Пераклад Чарняўскага 2017
Сыне мой! навукі маёй не забывай, і запаведзі мае хай захоўвае сэрца тваё;
Сыне мой, не забывайся на закон мой, і хай сэрца тваё беражэ прыказанні мае;
бо даўжыні дзён, гадоў жыцьця і міру яны памножаць табе.
бо яны табе прыбавяць працягласць дзён, гады жыцця і супакой.
Літасьцівасьць і праўда хай не пакідаюць цябе; абвяжы імі шыю тваю, напішы іх на скрыжалі сэрца твайго:
Хай міласэрнасць і праўда не пакідаюць цябе; абвяжы імі шыю сваю і запішы на скрыжалях сэрца свайго,
і здабудзеш мудрасьць і ласку ў вачах Бога і людзей.
і знойдзеш ты ласку і спагаду ў вачах Бога і людзей.
Спадзявайся на Госпада ўсім сэрцам тваім і не кладзі надзеі на розум твой.
Спадзявайся на Госпада ад усяго сэрца свайго і не спадзявайся на разважлівасць сваю.
На ўсіх дарогах тваіх спазнавай Яго, і Ён выпрастуе шляхі твае.
Думай аб Ім на ўсіх шляхах тваіх, і Ён накіруе крокі твае.
Ня будзь мудрацом у вачах тваіх; бойся Госпада, і пазьбягай ліха;
Не будзь мудрацом перад самім сабою; шануй Бога і пазбягай ліха,
Гэта будзе здароўе целу твайму і ежа касьцям тваім.
бо гэта будзе здароўем для цела твайго і падсілкоўваннем для касцей тваіх.
Шануй Госпада ад імя твайго і ад пачаткаў усіх прыбыткаў тваіх;
Ушаноўвай Госпада ад усёй маёмасці тваёй і ад пачаткаў усіх пладоў тваіх,
і напоўняцца засекі твае зь верхам, і чавільні твае будуць налівацца новым віном.
і напоўняцца свірны твае збожжам, а давільні твае будуць багатыя на віно.
Пакараньня Гасподняга, сыне мой, не адхіляй, і ня лічы за лішніцу перасьцярогі Ягоныя;
Не адкідай, сыне мой, настаўленне Госпадава і не пагарджай ім, калі Ён будзе караць цябе,
бо, каго любіць Гасподзь, таго карае і дабра зычыць таму, як бацька сыну свайму.
бо каго любіць Госпад — таго карае і, як бацька, спагадае сыну Свайму.
Шчасны той чалавек, які надбаў мудрасьць, і чалавек, які здабыў розум!
Шчасны чалавек, які знайшоў мудрасць і які звярнуўся да разважлівасці:
Бо здабываньне яе лепшае за здабываньне срэбра, і прыбытку зь яе больш, чым ад золата.
набыццё яе лепш за гандаль срэбрам, а прыбытак — хутчэй, чым ад золата.
Яна даражэйшая за каштоўныя камяні; і нішто з таго, што жадана табе, не зраўняецца зь ёю.
Яна каштоўнейшая за ўсе самацветы; і не могуць з ёй параўнацца ніякія твае каштоўнасці;
Даўгадзённасьць у правіцы ў яе, а ў лявіцы багацьце і слава;
працягласць дзён — у яе правай руцэ, а ў яе левай руцэ — багацце і слава.
шляхі яе — шляхі прыемнасьці, і ўсе сьцежкі яе — мірныя.
Дарогі яе — дарогі прыгожыя, і ўсе яе сцежкі — мірныя.
Яна — дрэва жыцьця тым, што называюць яе, — і шчасныя тыя, што маюць яе!
Яна — дрэва жыцця для тых, хто авалодвае ёю, і шчасны той, хто трымаецца яе.
Гасподзь мудрасьцю ўтварыў зямлю, нябёсы паставіў розумам;
Госпад мудрасцю заснаваў зямлю, нябёсы ўмацаваў разважлівасцю;
Яго мудрасьцю адчыніліся бездані, і воблакі кропяць расою.
з Яго мудрасці парасчыніліся бездані і аблокі струменяцца расою.
Сыне мой, ня ўпускай з вачэй тваіх гэтага; захоўвай здаровае мысьленьне і разважлівасьць:
Сыне мой, не ўпускай іх з вачэй сваіх; беражы разважлівасць і розум —
і яны будуць жыцьцём душы тваёй і акрасаю шыі тваёй.
і будзе жыццё для душы тваёй і ласка для шыі тваёй;
Туды бясьпечна пойдзеш шляхам тваім і нага твая не спатыкнецца.
тады пойдзеш упэўнена па дарозе сваёй і нага твая не спатыкнецца.
Калі ляжаш спаць, ня будзеш баяцца; і як засьнеш, сон твой салодкі будзе.
Калі заснеш, не будзеш мець страху, будзеш адпачываць — і сон твой будзе прыемны.
Не збаішся раптоўнага страху і пагібелі ад бязбожных, калі яна прыйдзе;
Не бойся раптоўнага страху і збянтэжанасці, што ахоплівае цябе з-за бязбожнікаў, калі яна прыйдзе.
бо Гасподзь будзе надзеяй тваёй і ўтрымае нагу тваю ад пасткі.
Бо Госпад будзе на тваім баку і захавае нагу тваю, каб цябе не захапілі.
Не адмаўляйся рабіць дабро, калі яно трэба, калі рука твая можа зрабіць гэта.
Не адмаўляй у дабрадзействе таму, каму яно патрэбна, калі ва ўладзе рукі тваёй, каб ты зрабіў гэта.
Не кажы сябру твайму: «ідзі і прыйдзі зноў, і заўтра я дам», калі маеш з сабою.
Не кажы сябру свайму: «Ідзі і прыйдзі зноў, заўтра дам табе», — калі можаш даць зараз.
Не намышляй супроць блізкага твайго ліха, калі ён бясьпечна жыве з табою.
Не задумвай ліха супраць сябра свайго, калі ён з даверам сядзіць побач з табою.
Не сварыся з чалавекам бяз прычыны, калі ён не зрабіў табе благога.
Не сварыся з чалавекам без прычыны, калі ён сам не зрабіў табе нічога благога.
Не зайздросьці посьпехам гвалтаўніка і не бяры сабе за прыклад шляхі ягоныя,
Не зайздросці чалавеку несправядліваму і не наследуй шляхам яго,
бо Гасподзь грэбуе тым, хто распусны, а справядлівага даверам Сваім адарае.
бо агіднасць для Госпада — усякі крывадушны чалавек, а з сумленнымі — сяброўства Яго.
Праклён Гасподні на дом бязбожніка, а дом пабожнага Ён дабраслаўляе.
Праклён Госпада — на доме бязбожніка, а жыллё справядлівых будзе Ім дабраслаўляцца.
Калі з блюзьнераў Ён насьміхаецца, дык пакорным дае мілату.
Ён Сам пасмяецца з кпліўцаў і дасць ласку пакорлівым;
Мудрыя спадкуюць славу, а непапраўныя немысьлі — ганьбу.
мудрыя будуць мець славу, веліч бязглуздых — ганьба.
