Да Эфэсянаў 5 разьдзел
Пасланьне да Эфэсянаў
Пераклад Васіля Сёмухі → Пераклад Праваслаўнай Царквы
Дык вось, сьледуйце Богу, як дзеці любасныя,
Дык вось, будзьце перайма́льнікамі Бога, як дзеці ўзлю́бленыя,
і жывеце ў любові, як і Хрыстос палюбіў нас і аддаў Сябе за нас у прынашэньне і ахвяру Богу, на пахошчы прыемныя.
і жывіце ў любові, як і Хрыстос узлюбіў нас і аддаў Сябе за нас у прынашэнне і ахвяру Богу як пах водарны.
А распуста і ўсялякая нечысьць і любазьдзірства не павінны нават упамінацца ў вас, як гэта прыстойна сьвятым.
А блуд і ўсялякая нечыстата́ або хцівасць не павінны нават зга́двацца сярод вас, як гэта ма́е быць у святых;
Таксама і брыдкаслоўе і пустаслоўе і пакепства не да гонару вам; а наадварот, хай лепш будзе падзяка;
таксама бессаромнасць і бязглу́здыя размовы ці непрысто́йныя жарты — гэта нягожа, а лепш падзяка;
бо ведайце, што ніякі распусьнік, альбо нячысты, альбо любазьдзірца, які ёсьць ідаласлужэнец, ня мецьме спадчыны ў Царстве Хрыста і Бога.
бо тое ведайце, што ніякі блуднік, альбо нячысты, альбо хцівец, гэта значыць ідаласлужыцель, не ма́е спадчыны ў Царстве Хрыста і Бога.
Хай ніхто ня зводзіць вас пустымі словамі, бо за гэта прыходзіць гнеў Божы на сыноў бунтоўных:
Няхай ніхто не падманвае вас пустымі словамі, бо за гэта прыходзіць гнеў Божы на сыноў праціўлення:
дык жа ня будзьце супольнікамі іхнімі.
дык не майце нічога супольнага з імі.
Вы былі колісь цемра, а цяпер — сьвятло ў Госпадзе: дык паводзьцеся, як дзеці сьвятла,
Вы калісьці былі цемраю, а цяпер — святло ў Госпадзе: паводзьце сябе, як дзеці святла,
бо плод Духа — ва ўсякай даброці, праведнасьці і ісьціне.
бо плод Духа — ва ўсякай добрасці, праведнасці і ісціне;
Шукайце таго, што да спадобы Богу,
распазнавайце, што́ даспадобы Богу,
і не бярэце ўдзелу ў бясплённых дзеях цемры, а яшчэ і выкрывайце,
і не ўдзельнічайце ў бясплодных справах цемры, а, наадварот, выкрывайце.
бо пра тое, што яны робяць таемна, сорамна і казаць.
Бо пра тое, што яны тайна робяць, сорамна і гаварыць.
А ўсё, што выкрываецца, выяўляецца ў сьвятле, бо ўсё, што робіцца яўным, ёсьць сьвятло.
А ўсё вы́крытае робіцца яўным ад святла, бо ўсё, што робіцца яўным, — гэта святло;
Таму сказана: «устань, хто сьпіць, і ўваскрэсьні зь мёртвых, і асьветліць цябе Хрыстос!».
таму ска́зана: «устань, хто спіць, і ўваскрэсні з мёртвых, і асве́тліць цябе Хрыстос».
Дык глядзеце, дзейце асьцярожна, не як неразумныя, а як мудрыя,
Дык глядзіце, наколькі асцярожна вы паводзіце сябе, будзьце не як неразумныя, а як мудрыя,
цэнячы дорага час, бо дні — ліхія.
даражыце часам, бо дні ліхія.
Дык ня будзьце ж неразважныя, а спазнавайце, што ёсьць воля Божая.
Таму не будзьце неразва́жнымі, а спасціга́йце, у чым воля Божая.
І ня ўпівайцеся віном, ад якога бывае распуста; а напаўняйцеся Духам,
І не ўпівайцеся віном, ад якога бывае распуснасць; а напаўняйцеся Духам,
настаўляючы саміх сябе псальмамі і славаслоўем і духоўнымі сьпевамі, сьпяваючы і апяваючы ў сэрцах вашых Госпада,
звяртаючыся адзін да аднаго псалмамі, і гімнамі, і песнямі духоўнымі, спяваючы і апяваючы ў сэрцах вашых Госпада,
дзякуючы заўсёды за ўсё Богу і Айцу, у імя Госпада нашага Ісуса Хрыста,
дзякуючы заўжды за ўсё Богу і Айцу, у імя Госпада нашага Іісуса Хрыста,
слухаючыся адно аднаго ў страху Божым.
падпарадко́ўваючыся адзін аднаму ў страху Божым.
Жонкі, упакорвайцеся сваім мужам, як Госпаду,
Жонкі, падпарадкоўвайцеся сваім мужам, як Госпаду,
бо муж ёсьць галава жонкі, як і Хрыстос — галава Царквы, і Ён жа Збаўца цела.
бо муж ёсць галава жонкі, як і Хрыстос — галава Царквы, і Ён жа Спасіцель цела.
Але як Царква слухаецца Хрыста, так і жонкі сваіх мужоў ва ўсім.
Але як Царква падпарадкоўваецца Хрысту, так і жонкі сваім мужам ва ўсім.
Мужы, любеце сваіх жонак, як і Хрыстос палюбіў Царкву і аддаў Сябе за яе,
Мужы, любíце сваіх жонак, як і Хрыстос узлюбіў Царкву і аддаў Сябе за яе,
каб асьвяціць яе, ачысьціўшы мыцьцём водным, праз слова;
каб асвяціць яе, ачы́сціўшы ў купелі воднай праз слова;
каб прадставіць яе Сабе слаўнаю Царквою, бяз плямы, без заганы, або чаго-небудзь падобнага, а каб яна была сьвятая і беззаганная.
каб паставіць яе перад Сабой як слаўную Царкву, якая не ма́е пля́мы, ці зага́ны, ці чаго-небудзь падобнага, а каб яна была святой і бездакорнай.
Так павінны мужы любіць сваіх жонак, як сваё цела: хто любіць сваю жонку, любіць самога сябе.
Так павінны мужы любíць сваіх жонак, як свае целы: хто лю́біць сваю жонку, той лю́біць самога сябе.
Бо ніхто ніколі ня меў нянавісьці да сваёй плоці, а корміць і грэе яе, як і Гасподзь Царкву;
Бо ніхто ніколі не меў нянавісці да сваёй плоці, а корміць і грэе яе, як і Гасподзь Царкву,
бо мы часткі Цела Ягонага, ад плоці Ягонай і ад касьцей Ягоных.
таму што мы члены Цела Яго, ад плоці Яго і ад касцей Яго.
Таму «пакіне чалавек бацьку свайго і маці і прылепіцца да жонкі сваёй, і будуць двое адна плоць».
Таму пакіне чалавек бацьку свайго і маці і прыле́піцца да жонкі сваёй, і будуць двое адной плоццю.
Тайна гэтая вялікая; я кажу пра Хрыста і пра Царкву.
Тайна гэтая вялікая; а гавару я ў адносінах да Хрыста і да Царквы.
Так кожны з вас хай любіць сваю жонку, як самога сябе; а жонка хай баіцца свайго мужа.
Так кожны з вас няхай лю́біць сваю жонку, як самога сябе; а жонка няхай баіцца свайго мужа.
