Быццё 5 разьдзел
Быццё
Пераклад Яна Станкевіча → Пераклад Антонія Бокуна
Гэта кніга родаў Адамовых: у дзень, як Бог стварыў чалавека, подле падобнасьці Божае ўчыніў яго.
Вось кніга радаводу Адама. У дзень, калі Бог стварыў Адама, зрабіў яго на падабенства Божае,
Мужчыну й жонку стварыў іх, і дабраславіў іх, і назваў іх імя: людзіна, у дзень стварэньня іх.
мужчыну і жанчыну стварыў іх, і дабраславіў іх, і назваў іх імя “чалавек” у дзень стварэньня іх.
І Адам жыў сто трыццаць год, і нарадзіў на падобнасьць сваю і подле абраза свайго, і назваў імя ягонае: Сыф.
І жыў Адам сто трыццаць гадоў, і нарадзіў [сына] на падабенства сваё, як вобраз свой, і назваў імя яго Сэт.
І былі дні Адамовы, па нараджэньню ягоным Сыфа, асьмісот год, і радзіў сыноў і дачкі.
І было дзён Адама па нараджэньні Сэта васемсот гадоў, і нарадзіў ён сыноў і дачок.
І былі ўсі дні Адамовы, каторыя жыў, дзевяцьсот трыццаць год; і ён памер.
І былі ўсе дні Адама, якія ён жыў, дзевяцьсот трыццаць гадоў, і ён памёр.
І жыў Сыф сто пяць год і нарадзіў Еноса.
І жыў Сэт сто пяць гадоў, і нарадзіў Эноса.
І жыў Сыф, па ягоным нараджэньню Еноса, асьмісот год, і радзіў сыноў і дачкі.
І жыў Сэт па нараджэньні Эноса васемсот сем гадоў, і нарадзіў сыноў і дачок.
І былі ўсі дні Сыфавы дзевяцьсот двананцаць год; і ён памер.
І былі ўсе дні Сэта дзевяцьсот дванаццаць гадоў, і ён памёр.
І жыў Енос дзевяцьдзясят год, і нарадзіў Каінана.
І жыў Энос дзевяноста гадоў, і нарадзіў Кейнана.
І жыў Енос, па нараджэньню ягоным Каінана, асьмісот пятнанцаць год, і радзіў сыноў і дачкі.
І жыў Энос па нараджэньні Кейнана васемсот пятнаццаць гадоў, і нарадзіў сыноў і дачок.
І былі ўсі дні Еносавы дзевяцьсот пяць год; і ён памер.
І былі ўсе дні Эноса дзевяцьсот пяць гадоў, і ён памёр.
І жыў Каінан семдзясят год, і нарадзіў Магалал’эля.
І жыў Кейнан семдзясят гадоў, і нарадзіў Магалялеэля.
І жыў Каінан, па ягоным нараджэньню Магалал’эля, асьмісот сорак год, і радзіў сыноў і дачкі.
І жыў Кейнан па нараджэньні Магалялеэля васемсот сорак гадоў, і нарадзіў сыноў і дачок.
І былі ўсі дні Каінановы дзевяцьсот дзесяць год; і ён памер.
І былі ўсе дні Кейнана дзевяцьсот дзесяць гадоў, і ён памёр.
І жыў Магалал’эль шасьцьдзясят пяць год, і нарадзіў Ярэда.
І жыў Магалялеэль шэсьцьдзясят пяць гадоў, і нарадзіў Ярэда.
І жыў Магалал’эль, па ягоным нараджэньню Ярэда, асьмісот трыццаць год, і радзіў сыноў і дачкі.
І жыў Магалялеэль па нараджэньні Ярэда васемсот трыццаць гадоў, і нарадзіў сыноў і дачок.
І былі ўсі дні Магалал’эля асьмісот дзевяцьдзясят пяць год; і ён памер.
І былі ўсе дні Магалялеэля васемсот дзевяноста пяць гадоў, і ён памёр.
І жыў Ярэд сто шасьцьдзясят два гады, і нарадзіў Гэноха.
І жыў Ярэд сто шэсьцьдзясят два гады, і нарадзіў Эноха.
І жыў Ярэд, па нараджэньню ягоным Гэноха, асьмісот год, і радзіў сыноў і дачкі.
І жыў Ярэд па нараджэньні Эноха васемсот гадоў, і нарадзіў сыноў і дачок.
І былі ўсі дні Ярэдавы дзевяцьсот шасьцьдзясят два гады; і памер.
І былі ўсе дні Ярэда дзевяцьсот шэсьцьдзясят два гады, і ён памёр.
І жыў Гэнох шасьцьдзясят пяць год, і нарадзіў Мафусала.
І жыў Энох шэсьцьдзясят пяць гадоў і нарадзіў Мэтушэляха.
І хадзіў Гэнох із Богам, па нараджэньню Мафусала, трыста год, і радзіў сыноў і дачкі.
І хадзіў Энох з Богам па нараджэньні Мэтушэляха трыста гадоў, і нарадзіў сыноў і дачок.
І былі ўсі дні Гэнохавы трыста шасьцьдзясят пяць год.
І былі ўсе дні Эноха трыста шэсьцьдзясят пяць гадоў.
І хадзіў Гэнох із Богам; і ня было яго болей, бо ўзяў яго Бог.
І хадзіў Энох з Богам, і ня стала яго, бо забраў яго Бог.
І жыў Мафусал сто асьмідзясят сем год, і нарадзіў Ламеха.
І жыў Мэтушэлях сто восемдзясят сем гадоў, і нарадзіў Лямэха.
І жыў Мафусал, па нараджэньню ягоным Ламеха, сямсот асьмідзясят два гады, і радзіў сыноў і дачкі.
І жыў Мэтушэлях па нараджэньні Лямэха семсот восемдзясят два гады, і нарадзіў сыноў і дачок.
І былі ўсі дні Мафусалавы дзевяцьсот шасьцьдзясят дзевяць год; і ён памер.
І былі ўсе дні Мэтушэляха дзевяцьсот шэсьцьдзясят дзевяць гадоў, і ён памёр.
І жыў Ламех сто асьмідзясят два гады, і нарадзіў сына.
І жыў Лямэх сто восемдзясят два гады, і нарадзіў сына,
І назваў імя ягонае: Ной, кажучы: «Гэты пацеша нас ад работы нашае і ад атугі рук нашых ад зямлі, каторую пракляў СПАДАР.
і назваў яго імя Ной, кажучы: «Ён пацешыць нас у рабоце нашай і ў працы рук нашых на зямлі, якую пракляў ГОСПАД».
І жыў Ламех, па нараджэньню ягоным Ноя, пяцьсот дзевяцьдзясят пяць год, і радзіў сыноў і дачкі.
І жыў Лямэх па нараджэньні Ноя пяцьсот дзевяноста пяць гадоў, і нарадзіў сыноў і дачок.
І былі ўсі дні Ламехавы сямсот семдзясят сем год; і ён памер.
І былі ўсе дні Лямэха семсот семдзясят сем гадоў, і ён памёр.
І было Ною пяцьсот год, і нарадзіў Сэма, Хама а Яфэта.
І было Ною пяцьсот гадоў, і нарадзіў Ной Сэма, Хама і Яфэта.
