1 летапісаў 27 разьдзел

 

 

І во сынове Ізраелявы подле ліку іх, галоўныя айцове а вайводцы тысячаў а сотняў і ўраднікі іхныя, што паслугавалі каралю ў кажнай справе радоўкамі, каторыя ўходзілі й выходзілі кажны месяц, усі месяцы году, кажны рад дваццаць чатыры тысячы.

 

Над першым радам, на першы месяц, Яшовеам Заўдзелёнак; у радзе ягоным было дваццаць чатыры тысячы;

 

Ён быў із сыноў Перэцавых, галоўны над усімі вайводцамі войска першага месяца.

 

І над радам другога месяца — Додай Агогіянін, і ў радзе ягоным Міклоф, таксама правадыр; у ягоным радзе дваццаць чатыры тысячы.

 

Трэйці вайводца войска на трэйці месяц — Веная, сын Егояды, галоўнага сьвятара; і ў радзе ягоным дваццаць чатыры тысячы.

 

Гэны Веная дужасіл сярод трыццацёх і над трыццацьма; і ў радзе ягоным Амізавад, сын ягоны.

 

Чацьверты на чацьвертым месяцу — Асагэль, брат Ёаваў, і за ім Зэвада, сын ягоны; і ў радзе ягоным дваццаць чатыры тысячы.

 

Пяты вайводца на пяты месяц — князь Шамгуф, Ізражанін; і ў радзе ягоным дваццаць чатыры тысячы.

 

Шосты на шосты месяц — Іра Іккешонак, Фекоянін; і ў радзе ягоным дваццаць чатыры тысячы.

 

Сёмы на сёмы месяц — Гэлец, Пелонянін, із сыноў Яхрэмавых; і ў радзе ягоным дваццаць чатыры тысячы.

 

Восьмы на восьмы месяц — Сыбехай, Гушацянін із Заргічаў; і ў радзе ягоным дваццаць чатыры тысячы.

 

Дзявяты на дзявяты месяц — Авезэр, Анафофянін, зь Венямінавічаў; і ў радзе ягоным дваццаць чатыры тысячы.

 

Дзясяты на дзясяты месяц — Магарай, Нетофафянін із Заргічаў; і ў радзе ягоным дваццаць чатыры тысячы.

 

Адзінанцаты на адзінанцаты месяц — Веная, Пірафофянін, ізь Яхрэмавічаў; і ў радзе ягоным дваццадь чатыры тысячы.

 

Двананцаты на двананцаты месяц — Гэлдай, Нетофафянін, з Офнеля; і ў радзе ягоным дваццаць чатыры тысячы.

 

А над плямёнамі Ізраелявымі: у Рувінавічаў — правадыр Елезэр Зыхранок; у Сымонавічаў — Шэфата Маашонак;

 

У Левітаў — Гашава Кемуеленак; ув Аарона — Садок;

 

У Юды — Елігу, з братоў Давідавых; у Іссасхара — Омры Міхайлёнак;

 

У Зэвулона — Ішмая Овадзёвак; у Наффаліма — Ерымоф Азрэленак;

 

У сыноў Яхрэмавых — Гося Азазёнак; у палуплямені Манасавага — Ёль Педаёнак;

 

У палуплямені Манасавага ў Ґілеадзе — Іддо Захаронак; у Веняміна — Яасель Аўнеронак;

 

У Дана — Азарэль Ерогамёнак. Гэта князі плямёнаў Ізраелявых.

 

Давід не палічыў тых, што былі ад дваццацёх год і ніжэй, бо СПАДАР сказаў, што Ён памножа Ізраеля, як зоры нябёсныя.

 

Ёаў Цэруёнак пачаў лічыць, але ня скончыў. І быў за гэта гнеў Божы на Ізраеля, і не ўвыйшло тое лічэньне ў лічэньне летапісу караля Давіда.

 

Над скарбамі каралеўскімі быў Азмавеф Адзелёнак, а над складамі ў полю, у местах а ў сёлах а ў замках — Ёнафан Узьзянок;

 

Над тымі, што займаліся палявымі работамі, ралейніцтвам — Езра Хелувёнак;

 

Над вінішчаш — Шымей, з Рамы; а над запасамі віна ў вінных скляпох — Заўд, із Шыфмы;

 

А над аліўнымі дзервамі і над фіґавымі дзервамі, каторыя ў даліне — Баал-Ганан, Ґедэранін; а над скляпамі аліўнымі — Ёаш;

 

Над буйным статкам, што пасьціўся ў Шароне — Шытрай Шаронянін; а над статкам у далінах — Шафат Адлаёнак;

 

Над вярблюдамі — Овіл Ізмайлавец; над асьліцамі — Егдэя Меронофянін;

 

Над драбным статкам — Языз Гаґранін. Усі гэтыя — князі над меньням, каторае ў караля Давіда.

 

Таксама Ёнафан, дзядзька Давідаў, быў параднікам, чалавек цямлівы й пісар; Егіель Гахмонёнак быў із сынамі каралеўскімі;

 

Агітофэль — параднік каралёў; Гушай, Архіцянін — прыяцель каралёў;

 

Просьле ж Агітофэля — Егояда Венаёнак а Авафар; а Ёаў быў вайводцам у караля.