Выслоўяў Саламонавых 29 разьдзел
Кніга выслоўяў Саламонавых
Пераклад Яна Станкевіча → Пераклад Леаніда Галяка
Часта ганены, каляне завыек, будзе зьнецікі зьнішчаны, ды без вылячэньня.
Чалавек, які будучы абвінавачываны, зацьвярджае свой карак, раптоўна заламаецца і ня будзе яму посьпеху.
Як справядлівыя множацца, люд цешыцца; але як нягодныя маюць уладу, люд стогне.
Калі памнажаюцца справядлівыя, народ весяліцца, а калі пануе бязбожны, народ стогне.
Хто любе мудрасьць, цеша айца свайго; але хто карагодзіцца зь бязулямі, тый згубе маемасьць.
Чалавек, які любіць мудрасьць, цешыць свайго бацьку, але хто трымаецца з распусьніцамі, той раскідоміць маемасьць.
Кароль мацніць зямлю судам, але хто адзержуе падаркі, бурае яе.
Кароль справядлівым судом узмацняе зямлю, а хто бярэ хабары, руйнуе яе.
Людзіна, што падлыгуе прыяцелю свайму, станове сетку на ногі яго.
Чалавек, які пахлебляе свайму прыяцелю, расьцягівае сетку пад ягонымі нагамі.
У выступку пасадка благой людзіне, але справядлівы пяець а цешыцца.
Злачынства благога зьяўляецца яму сілом, а справядлівы пяе і весяліцца.
Справядлівы знае права галечы, нягодны не разумее пазнаньня.
Справядлівы чалавек старанна ўнікае ў судовы апор бедных, а бязбожны не разглядае справы.
Зьдзеклівыя прыносяць месту пасадку, але мудрыя адварачаюць злосьць.
Распусныя людзі ўзбураюць места, а мудрыя суцішаюць гнеў.
Як мудрая людзіна правуецца зь людзіною дурною, ці злуецца, ці сьмяецца, ня мае супакою.
Разумны чалавек судзячыся з дурным ня будзе мець супакою, ці будзе гневацца ці сьмяяцца.
Прагавітыя крыві ненавідзяць беззаганнага, але пасьцівыя рупяцца праз душу ягоную.
Людзі, што ў крыві, ненавідзяць бяззаганнага, а справядлівы дбае аб ягонае жыцьцё.
Дурны выказуе ўвесь свой дух, але мудры дзяржыць яго на пасьлей.
Дурны выяўляе ўвесь гнеў свой, а мудры паўстрымліваецца.
Калі дзяржаўца слухае слова манюкі, усі слугі ягоныя нягодныя.
Калі валадар слухае манлівыя словы, дык усе слугі яго бязбожныя.
Бедны й уцісканьнік сустракаюцца, СПАДАР асьвячае вочы абодвых.
Бедны і зьдзерца сустракаюцца, але сьвет вачом аднаго і другога даў Гаспод.
Калі кароль судзе подле праўды галечу, пасад ягоны будзе ўмацаваны назаўсёды.
Калі кароль справядліва судзіць, дык ягоны пасад узмацуецца на векі.
Дубец а ўпікі даюць мудрасьць, але дзяцё пакіненае сарамаціць маці сваю.
Розга і абвінавачаньне даюць мудрасьць, але сваевольнае дзіцянё сароміць сваю матку.
Як нягодныя множацца, выступку множыцца, але справядлівыя абачаць упад іх.
Калі памнажаюцца бязбожныя, памнажаецца і злачынства, але справядлівыя пабачаць іх упадак.
Навучай сына свайго, і ён дасьць табе супакой, і дасьць ласонікі душы тваёй.
Карай твайго сына і ён дасьць табе супакой і радасьць тваёй душы.
Ідзе няма відзені, люд няўзьдзержлівы; але шчасьлівы тый, што дзяржыць права.
Бяз адкрыцьця згары народ няўстрыманы, але хто заховывае закон — шчасьлівы.
Слугі не зазырыш словамі, бо, дарма што ён цяме, не адкажа.
Слуга не папраўляецца словамі, бо хаця ён разумее, але ня слухаецца.
Ці бачыў мужа хаплівага ў словах сваіх? Болей надзеі зь неразумнага, чымся зь яго.
Ці бачыў ты чалавека неасьцярожнага ў сваіх словах? На дурнога больш надзеі, чым на яго.
Хто кунежа з маленства слугу свайго, наапошку ён стане валадаром да яго.
Калі ад дзіцячых гадоў узгадовываць нявольніка ў раскошы, дык пасьля ён захоча быць сынам.
Гняўлівая людзіна ўзрушае ваду, і апрысклівая багатая выступкам.
Гнеўлівы чалавек узьнімае сварку, а палкі шмат грашыць.
Гордасьць людзіны паніжае яе, але пакорны духам адзяржыць чэсьць.
Гордасьць чалавека паніжае яго, а пакорны духам асягае славу.
Хто сябруе із злодзеям, ненавідзе душу сваю; чуе кляцьбу і не выяўляе.
Хто супольнічае са злодзеем, ненавідзіць сваю душу, таксама той, хто чуе праклён, але не выяўляе яго.
Дрыжэньне чалавека станове пасадку, але хто спадзяецца на СПАДАРА, будзе ўзьвялічаны.
Страх перад людзьмі стаўляе сеткі, але хто мае надзею на Госпада, той будзе ўзьвялічаны.
Шмат хто шукае віду дзяржаўцы, але суд людзіны ад СПАДАРА.
Многія шукаюць ласкавага твару пана, але лёс кожнага ад Госпада.
Агіда справядлівым людзіна несправядлівая, і агіда нягодным пасьцівы дарогаю.
Для справядлівага агідны бязбожны чалавек, а для бязбожнага агідны той, хто ідзе простым шляхам.
