Ісуса сына Нава 12 разьдзел

 

 

І во каралі тае зямлі, каторых зразілі сынове Ізраелявы і ўзялі на спадак зямлю іхную па тым баку Ёрдану на ўсход сонца, ад цур’я Арнона аж да гары Гэрмону, і ўсю раўніну на ўсход:

 

Вось цары той зямлі, якіх пабілі сыны Ізраілевыя і зямлю якіх узялі ў спадчыну па той бок Ярдана на ўсход сонца, ад патока Арнона да гары Эрмона, і ўсю раўніну на ўсход:

Сыгон, кароль Аморэйскі, што жыў у Гэшбоне, гаспадарстваваў ад Ароеру, каторы ля берагу цур’я Арнона, і ад сярэдзіны цур’я, і ад палавіцы Ґілеаду аж да цур’я Явока, граніцы сыноў Амонавых,

 

Сігон, цар Амарэйскі, які жыў у Эсэвоне і валодаў ад Араера, што каля берага патока Арнона, і ад сярэдзіны патока палавінаю Галаада, да патока Явока, мяжы Аманіцянаў,

І на раўніне аж да мора Хінерофскага на ўсход і аж да мора раўніны, мора Салонага, на ўсход па дарозе да Беф-Ешымофу, а на паўдня пад усхонамі Пісґі;

 

і раўнінаю да самага мора Хінэрэцкага на ўсход і да мора раўніны, мора Салёнага, на ўсход па дарозе да Бэт-Эшымота, а на поўдзень мясьцінамі каля падножжа Фасгі.

І прасьцягі Оґа, караля Вашанскага, із засталых Рэфаімаў, што жыў у Аштарофе а ў Едрэі,

 

Сумежны Ог, цар Васанскі, апошні з Рэфаімаў, які жыў у Астароце і ў Эдрэі,

І гаспадарстваваў на гары Гэрмоне а Салесе ў вусім Вашане, аж да граніцы Ґешурскае а Мааскае, і ў палавіцы Ґілеаду, аж да граніцы Сыгона, караля Гэшбонскага.

 

і валодаў гарою Эрмонам і Салхою, і ўсім Васанам, да мяжы Гесурскай і Маахскай, і палавінаю Галаада, да мяжы Сігона, цара Эсэвонскага.

Масей, слуга СПАДАРОЎ, і сынове Ізраелявы пабілі іх; і даў яе Масей, слуга СПАДАРОЎ, на спадак Рувінаваму а Ґадоваму а палавіцы плямені Манасавага.

 

Майсей, раб Гасподні, і сыны Ізраілевыя забілі іх; і даў яе Майсей, раб Гасподні, у спадчыну племю Рувімаваму, і Гадаваму і палавіне племя Манасіінага.

І во каралі зямлі, каторых зразіў Ігошуа а сынове Ізраелявы на гэтым баку Ёрдану на захад, ад Ваал-Ґаду на даліне Лібанскай аж да гары Галака, што ўзыходзе да Сэіру, — і аддаў Ігошуа яе плямёнам Ізраелявым на спадак, подле падзелу іх, —

 

І вось цары зямлі, якіх пабіў Ісус і сыны Ізраілевыя па гэты бок Ярдана на захад, ад Ваал-Гада ў даліне Ліванскай да Халака, гары, што прасьціраецца да Сэіра, якую аддаў Ісус плямёнам Ізраілевым у спадчыну, пасьля падзелу іх,

На гары й на нізіне, на раўніне, на схонах, і на пустыні, і на паўдні, Гэціча, Аморэя, Каананяніна, Ферэзэя, Гэвея а Евусэя:

 

на гары, на нізінных мясьцінах, на раўніне, на мясьцінах каля гор, і ў пустыні і на поўдні, Хэтэяў, Амарэяў, Хананэяў, Фэрэзэяў, Эвэяў і Евусэяў:

Адзін кароль Ерыхону, адзін кароль Гаю, каторы ля Бэт-Элю,

 

адзін цар Ерыхона, адзін цар Гая, што каля Вэтыля,

Адзін кароль Ерузаліму, адзін кароль Гэўрону,

 

адзін цар Ерусаліма, адзін цар Хэўрона,

Адзін кароль Ярмуфу, адзін кароль Лахісу,

 

адзін цар Ярмута, адзін цар Лахіса,

Адзін кароль Еґлону, адзін кароль Ґезэру,

 

адзін цар Эглона, адзін цар Газэра,

Адзін кароль Дэвіру, адзін кароль Ґедэру,

 

адзін цар Давіра, адзін цар Гадэра,

Адзін кароль Гормы, адзін кароль Арада,

 

адзін цар Хормы, адзін цар Арада,

Адзін кароль Ліўны, адзін кароль Одуламу,

 

адзін цар Ліўны, адзін цар Адалама,

Адзіл кароль Македу, адзін кароль Бэт-Элю,

 

адзін цар Македа, адзін цар Вэтыля,

Адзін кароль Таппуагу, адзіну кароль Гэферу,

 

адзін цар Тапуаха, адзін цар Хэфэра,

Адзін кароль Афеку, адзін кароль Лашарону,

 

адзін цар Афэка, адзін цар Шарона,

Адзін кароль Мадону, адзін кароль Гацору,

 

адзін цар Мадона, адзін цар Асора,

Адзін кароль Шымрон-Мерону, адзін кароль Ахшафу,

 

адзін цар Шымрон-Мэрона, адзін цар Ахсафа,

Адзін кароль Фаанаху, адзін кароль Меґідда,

 

адзін цар Таанаха, адзін цар Мэгідона,

Адзін кароль Кедэшу, адзін кароль Ёкнеаму ля Кармілу,

 

адзін цар Кедэса, адзін цар Ёкнэама каля Кармілы,

Адзін кароль Дору ля Нафар Дору, адзін кароль Ґоіму ў Ґілґале,

 

адзін цар Дора каля Нафат-Дора, адзін цар Гаіма ў Галгале,

Адзін кароль Фірцы. Усіх каралёў трыццаць адзін.

 

адзін цар Тырцы. Усіх цароў трыццаць адзін.