1 летапісаў 11 разьдзел

 

 

І зьберліся ўсі Ізраяляне да Давіда да Гэўрону, кажучы: «Вось, мы косьць твая й цела твае.

 

Таксама ўчора, таксама заўчора, таксама, як яшчэ Саўла быў каралём, ты выводзіў і ўводзіў Ізраеля, і СПАДАР, Бог твой, сказаў табе: "Ты будзеш пасьвіць люд Мой, Ізраеля, і ты будзеш князям над людам Маім Ізраельскім"».

 

І прышлі ўсі старцы Ізраелявы да караля да Гэўрону, і зрабіў зь імі Давід змову ў Гэўроне перад відам СПАДАРОВЫМ; і яны памазалі Давіда за караля над Ізраелям, подле слова СПАДАРОВАГА Самуйлам.

 

І пайшоў Давід а ўвесь Ізраель да Ерузаліму, значыцца да Евусу. А там Евусэі, жыхары тае зямлі.

 

І сказалі жыхары Евусу Давіду: «Ня ўвыйдзеш сюды». Але Давід узяў горад Сыён, значыцца, места Давідава.

 

І сказаў Давід: «Хто бы найпершы паразіў Евусэяў, тый будзе галавою а вайводцам». І ўзышоў найперш Ёаў Цэруёнак, і стаў галавою.

 

Давід жыў у тым горадзе, затым і звалі яго местам Давідавым.

 

І ён забудаваў места навокал, нават ад Міло навокал, а Ёаў паправіў астачу места.

 

Дык Давід дужэў болей а болей, і СПАДАР войскаў ізь ім.

 

І во галавы з дужых у Давіда, што мацнілі зь ім каралеўства ягонае, з усім Ізраелям, каб устанавіць яго за караля, подле слова СПАДАРОВАГА над Ізраелям.

 

І во лік харобрых, што былі ў Давіда: Яшовеам Гахмонёнак, галоўны з трыццацёх. Ён падняў дзіду сваю на трыста чалавекаў і пабіў іх у вадным часе.

 

А за ім Елеазар, сын Дода Агогіцкага, з трох харобрых.

 

Ён быў із Давідам у Пас-Даміме, куды Пілішчане зьбіраліся на вайну. Тамака часьць поля была поўная ячменю, і люд уцёк ад Пілішчан.

 

Але яны сталі сярод дзелі, усьцераглі яе й паразілі Пілішчан. І дараваў СПАДАР выбаўленьне вялікае.

 

І зышлі трох із гэтых трыццацёх вайводцаў на скалу да Давіда, у пячору Одулам, як табар Пілісцкі быў разьлёгшыся ў даліне Рэфаімаў.

 

Давід тады быў у горадзе а застава Пілісцкая была тады ў Бэтлееме.

 

І надта ўсьмяг Давід, і ён сказаў: «Хто дасьць імне піць вады із студні Бэтлеемскае, каторая ля брамы?»

 

Тады гэтыя трох прабілісл скрозь табар Пілісцкі і засілілі вады із студні Бэтлеемскае, каторая ля брамы, і панесьлі, і прынесьлі Давіду. Але Давід не захацеў піць яе, і выліў яе на аброк СПАДАРУ,

 

І сказаў: «Крый мяне, СПАДАРУ, каб я зрабіў гэта! Ці буду я піць кроў мужоў гэтых, што ставілі ў небясьпечнасьць душы свае? Бо зь небясьпечнасьцю собскага жыцьця яны прынесьлі». І не захацеў яе піць. Во што зрабілі трох гэтых харобрых.

 

І Авішай, брат Ёаваў, быў галоўны над трыма; ён падняў дзіду сваю на трыста чалавекаў, каторых паразіў, і быў у славе ў тых трох.

 

З трох ён быў выдатнейшы за двух, бо быў іх вайводцам; не раўня адылі першым тром.

 

Веная, сын Егояды, мужа гоя, вялікіх дзеяньняў, з Каўцэелю. Ён забіў двух дужых, бы леў, Моаўлян; ён жа зышоў і забіў лява ў яме сьнежнага дня.

 

Ён жа забіў Егіпцяніна, чалавека ростам пяцёх локцяў. У руццэ Егіпцяніна была дзіда, як навой у ткачоў; а ён зышоў да яго зь кіям, і вырваў дзіду з рукі Егіпцяніна, і забіў яго ягонаю ж дзідаю.

 

Во што зрабіў Веная Егоядзёнак! І ён быў у славе ў тых трох харобрых.

 

Ён быў выдатнейшы за трыццацёх, але не раўня тром. І Давід пастанавіў яго над старожаю сваёй.

 

Таксама дужыя з войска: Асагэль, брат Ёаваў; Елганан Додзянок з Бэтлеему;

 

Шамоф Гародзянін; Гэлец Пелонянін;

 

Іра Ікешонак Фекоянін; Евезэр Анафофянін;

 

Сывехай Гушацянін; Ілай Агожанін;

 

Магарай Нетофянін; Гэлед Ваанёнак Нетофянін;

 

Іфай Рыбаёнак із Ґівы Веняміновае; Веная Пірафонянін;

 

Гурай з Нагале-Ґааша; Авель із Арвавы;

 

Азмавеф Багурамянін; Елягба Шаалбонянін;

 

Сынове Гашэма Ґізоняніна; Ёнафан Шажанок Гараранін;

 

Агіям Сахаронак Гараранін; Еліфал Уранок;

 

Гэфер із Мехеры; Агія Пелонянін;

 

Гэцро Кармілянін; Наарай Езбаёнак;

 

Ёель, брат Нафаноў; Міўгар Гаґранок;

 

Цэлек Амонянін; Нагарай Берофянін, збрайноша Ёава Цэруёнка;

 

Іра Іфранін; Ґарэў Іфранін;

 

Ура Гэціч; Завад Аглаёнак;

 

Адына Шызанок Рувініч, галава Рувінічаў, і ў яго трыццацёх;

 

Ганан Маашонак; Ясапат Міфнянін;

 

Узя Аштэрафянін; Шама а Еель — сыны Гофама Ароэраніна;

 

Едзяель Шымранок а Ёга, брат ягоны, Фіцанін;

 

Еель із Магавіму а Ерывай а Ёшава Елнаамёнкі а Іфма Моаўлянін;

 

Елель а Овед а Яасель ізь Мецоваі.