1 летапісаў 4 разьдзел

 

 

Сынове Юдзіны: Перэц, Гэцрон, Хармі а Гур а Шовал.

 

І Рэая Шовалёнак нарадзіў Ягафа; Ягаф нарадзіў Агумая а Лагада. Гэта радзімы Цоратавы.

 

І гэтыя з айца Етама: Ізрэель а Ішма а Ідбаш, і сястра іхная на ймя Гаццэлелпоні,

 

І Пенуель, айцец Ґедора, і Езэр, айцец Гуша. Гэтыя сынове Гуравы, першака Ефрафы, айца Бэтлеема.

 

І ўв Ахшура, айца Фекоі, былі дзьве жонкі: Гэла а Наара.

 

І Наара нарадзіла яму Агузама а Гэфера а Фемені а Гаагаштары; гэта сыны Наарыны.

 

І сыны Гэліны: Цэрэф а Іцгар а Ефнан.

 

І Коц нарадзіў Анува а Цовева а радзімы Агаргэля Гарумёнка.

 

І быў Явіс пачэсьліўшы за сваіх братоў. І маці назвала імя ягонае Явіс, кажучы: «Бо я радзіла яго з болям».

 

І Явіс гукаў да Бога Ізраелявага, кажучы: «О каб Ты шчодра дабраславіў мяне, і пашырыў межы мае, і каб рука Твая была з імною, і каб Ты крыў ад благога, каб я не гараваў!» І паслаў яму Бог тое, чаго ён прасіў.

 

І Хелуў, брат Шугі, нарадзіў Мэгіра, каторы айцец Ештона.

 

А Ештон нарадзіў Беф-Рафу а Пасэага а Тэгінну, айца Ірнагашавага; гэта людзі Рэскія.

 

І сыны Кеназавы: Офнель а Сэрая. І сыны Офнелявы: Гафаф.

 

І Меонофай нарадзіў Офру, і Сэрая нарадзіў Ёава, айца даліны рамесьнікаў, бо яны былі рамесьнікі.

 

І сыны Калева Ефунёнка: Іру, Ела а Наам. І сыны Еліны: Кеназ.

 

І сыны Егаллелелявы: Зыф а Зыфа, Фіра а Асарэль.

 

І сыны Езры: Ефер а Мерэд а Эфер а Ялон. І зацяжарыла а нарадзіла Мірыям а Шаммая а Ішбага, айца Ешфэмоі.

 

І жонка ягоная Юда нарадзіла Ерэда, айца Ґедора, а Гэвера, айца Сохо, а Екуфеля, айца Занаога. І гэта сынове Біфы, дачкі фараонавае, каторую ўзяў Мегэд.

 

І сыны жонкі ягонае Годы, сястры Нагама, айца Кеілы: Ґармі а Ешфемоа — Маахацянін.

 

І сыны Сымона: Амнон а Рынна, Бенганан а Хілон. Сыны Ішавы: Зогеф а Бензогеф.

 

Сынове Шэлы Юдзянка: Ір, айцец Лехі, а Лаада, айцец Марэшы а радзімы дому вырабляючых цянюсенькае палатно, з дому Ашбеі,

 

І Ёкім, і людзі Хозэвы, і Ёаш, і Сараф, што мелі дзяржаву ў Моаве, і Яшувілегем; яле гэтя рэчы старавечныя.

 

Яны ганчары, і жылі сярод садоў а гародаў; у караля дзеля работаў ягоных жылі яны там.

 

Сынове Сымонавы: Немуель а Ямін, Ярыў, Зэраг, Саўла;

 

Шалум, сын ягоны; Міўсам, сын ягоны; Мішма, сын ягоны.

 

І сыны Мішмы: Гамуель, сын ягоны; Закур, сын ягоны; Шымей, сын ягоны.

 

У Шымея шаснанцацёх сыноў і шэсьць дачок; у братоў жа ягоных сыноў ня шмат, і ўся радзіма іхная не такая была чысьленая, як радзіма сыноў Юдзіных.

 

Яны жылі ў Веер-Шэве а Моладзе а Гацаршуале

 

А ў Білзе а ў Ецэме а ў Фоладзе

 

А ў Бефуелю а ў Горме а Цыклазе

 

А ў Беф-Маркавофе а ў Гацарсусыме а ў Беф-Біры а ў Шаарыме. Гэта месты іхныя да гаспадарстваваньня Давідавага;

 

І сёлы іхныя: Етам а Аін, Рымон а Фокен а Ашан, — ля пяцёх местаў.

 

І ўсі сёлы іхныя, каторыя былі навокал гэтых местаў аж да Ваалу; гэта іхныя месцы жыхарства й радаводы іхныя.

 

Мешоваў а Ямлеха а Ёша Амацонак

 

А Ёель а Егу, сын Ёшывы, сына Сэраі Асялёнка,

 

А Елёенай а Якова а Ішогая а Асая а Адзель а Есымель а Веная,

 

А Зыза, сын Шыфа, сына Алёна, сына Едаі, сына Шымры Шэмаёнка.

 

Гэтыя, што ўвыйшлі наймя — князі радзімаў сваіх, і дом айцоў іхных надта пашырыўся.

 

І яны дайшлі да ўходу Ґедор, да ўсходняга боку даліны, шукаць пасьцьбішчаў чародам сваім;

 

І знайшлі пасьцьбішчы сытыя а добрыя, зямлю ж прасторную а супакойную а бясьпечную, бо з Хама жылі там да іх.

 

І прышлі гэтыя, запісаныя наймя, за дзён Гэзэкі, караля Юдэйскага, і разбурылі іхныя буданы а сялібы, каторыя знайшлі там, і аканавалі іх на заўсёды, і жывуць на іхных месцах; бо там было пасьцьбішча чародам іхным.

 

Зь іх жа, із сыноў Сымонавых, пяцьсот чалавекаў пайшлі на гару Сэір: Пелата а Неара а Рэфая а Узель Ішанкі на чале іх;

 

І пабілі там астачу Амалічан, што былі ўцёкшы, і жывуць там дагэтуль.