Выхад 25 разьдзел

 

 

І гукаў СПАДАР Масею, кажучы:

 

«Гукай сыном Ізраелявым, і возьмуць Імне дары; ад кажнага чалавека, каторы ад сэрца самахоць даў бы, бярыце дар Мой.

 

І во дар, каторы вы маеце ўзяць ад іх: золата а срэбла а медзь,

 

І васільковую, пурпуровую, і чырвовую, і цянюсенькае палатно, і ад козаў поўсьць,

 

І скуры баранія, пахварбаваныя на чырвана, і скуры барсуковыя, і дзерва акацу,

 

Аліву да сьвяценьня, пахі да алею памазаньня і пахнючага да кадзеньня,

 

Камяні оніксы і каменчыкі ўстаўныя ў наплечнік а нагруднік.

 

І зробяць Імне сьвятыню, і буду вітаць сярод іх.

 

Усе, як Я паказую табе, і зразу вітальні, і зразу ўсіх судзінаў яе, і так зрабіце.

 

І зрабіце скрыню зь дзерва акацы; два з палавіцаю локці ўдаўжкі ёй, і паўтара локця ўшыркі ёй, паўтара локця ўвышкі ёй.

 

І пацягні яе шчырым золатам; знутра й знадворку пацягні яе; і зрабіце наверсе наўкола залаты вянок.

 

І вылі да яе чатыры колцы залатыя, і прыладзь на чатырох ножках яе: і два колцы на адным баку яе, і два колцы на другім баку яе.

 

І зрабі нашулкі зь дзерва акацы, і пацягні іх золатам.

 

І ўвядзі нашуліны ў колцы па бакох скрыні, каб імі насіць скрыню.

 

У колцах скрыні маюць быць нашулкі, ня маюць іх адыймаць ад яе.

 

І ўкладзі ў скрыню сьветчаньне, каторае Я дам табе.

 

І зрабі века із шчырага золата, два локці з палавіцаю ўдаўжкі, а паўтара локця ўшыркі.

 

І зрабі двух херуваў із золата, з каванага зрабі іх з двух канцоў века.

 

І зрабі аднаго херува на гэтым канцу, і аднаго херува на гэным канцу; зь века зрабіце херувы на абодвых канцох яго.

 

І будуць херувы распусьціўшы крылы ўгару, нахінаючыся над векам крыламі сваімі, а відамі адзін да аднаго; да века будуць віды херуваў.

 

І палажы века на скрыню зьверху, і ў скрыню палажы сьветчаньне, каторае Я дам табе.

 

І Я буду сустракацца з табою там, і гукаць із табою над векам, памеж двух херуваў, каторыя над скрыняю сьветчаньня, праз усё, што буду расказаваць табою сыном Ізраелявым.

 

І зрабі стол ізь дзерва акацы, два локці ўдаўжкі, локаць ушыркі, а паўтара локця ўвышкі

 

І пацягні яго золатам шчырым, і зрабі яму залаты вянок наўкола.

 

І зрабі яму аблямаваньне на даланю наўкола, і зрабі залаты вянок да аблямаваньня ягонага наўкола.

 

І зрабі да яго чатыры колцы залатыя, і прыладзь колцы да чатырох рагоў, каторыя ў чатырох ножках ягоных.

 

Насупроці аблямаваньня маюць быць колцы як месцы нашулкам насіць імі стол.

 

І зрабі нашулкі зь дзерва акацы, і пацягні іх золатам, і будуць насіць гэты стол.

 

І зрабі да яго місы а ложкі а жбаны а коўні, каб узьліваць імі; із шчырага золата зрабі іх.

 

І лажы на стол хлябы Выкладу перад Імною штачасна.

 

І зрабі сьветач із золата шчырага, з каванага мае быць зроблены гэты сьветач; сьцябло яго, галузы, чарачкі яго, апучкі яго а кветкі яго маюць выходзіць ізь яго.

 

І шэсьць галузаў маюць выходзіць із бакоў яго: тры галузы сьветача з аднаго боку яго, і тры галузы сьветача з другога боку яго.

 

Тры чарачкі, падобныя да міндальнае кветкі, з апучкаю аднэй а з кветкаю, і тры чарачкі на друтой галузе, з апучкаю аднэй а кветкаю. Гэтак на шасьцёх галузах, што выходзяць ізь сьветача.

 

А на сьветачу маюць быць чатыры чарачкі, падобныя да міндальнае кветкі, з апучкамі іх а кветкамі іх.

 

І апучка пад дзьвюма галузкамі зь яго ж, і апучка пад дзьвюма галузкамі зь яго, апучка пад дзьвюма галузкамі зь яго, — на ўсіх шасьцёх галузках, што выходзяць ізь сьветача.

 

Апучкі й галузы іх ізь яго маюць быць; ён увесь суцэльна каваны із шчырага золата.

 

І зрабі лянпаў сем яго, і ўстанаві яго лянпы, каб сьвяцілі на пярэднім баку яго.

 

І абцужкі да яго, і папялянкі да яго із шчырага золата.

 

З цэнтнару золата шчырага няхай зробяць яго з усім гэтым судзьдзям.

 

І глядзі, і зрабі подле зразы іх, якую паказаў табе на гары.