Да Каласянаў 3 разьдзел

 

 

А калі вы з Хрыстусам паўсталі, дык шукайце-ж наўзгорнага, дзе засеў Хрыстус праваруч Бога;

 

Дык калі вы ўваскрэслі з Хрыстом, шукайце таго, што ўгары ёсць, дзе Хрыстос сядзіць праваруч Бога;

аб узвышным думайце, не аб зямным;

 

пра ўзгорнае думайце, а не пра зямное.

бо вы ўмярлі і жыцьцё вашае утоена з Хрыстусам у Богу;

 

Бо вы — памерлыя, і жыццё ваша пахавана з Хрыстом у Богу!

калі-ж Хрыстус, які жыцьцём ёсьць вашым, зьявіцца, тады й вы разам зь Ім пакажацеся ў славе.

 

Калі аб’явіцца Хрыстос, жыццё ваша, тады і вы аб’явіцеся з Ім у хвале.

Прахтыкуйце, восьжа, умор нізкапохатных чэлесаў вашых: блудадзейства, распуснага бясстыдзтва, злоснае жорсьці, зажэрлівай прагавітасьці аж да балванахвальства.

 

Дык мярцвіце члены вашыя, што на зямлі: распусту, нячыстасць, чужаложства, ліхія пажаданні і сквапнасць, якая ёсць балванапаклонства,

За ўсё бо гэта падае гнеў Божы на сыноў няверства;

 

праз якія надыходзіць гнеў Божы на дзяцей нявер’я,

у якіх і вы калісь хадзілі, як жылі між імі.

 

сярод якіх і вы калісьці жылі, калі былі між імі.

Цяпержа гэта ўсё адкіньце: гнеў, закатную лютасьць, брыдамоўства.

 

Але цяпер адкіньце і вы ўсё: гнеў, мсцівасць, злосць, блюзненні і брыдкія словы з вуснаў вашых.

Лгарства адзін другому, скінуўшы з сябе старога чалавека зь ягонымі паступкамі,

 

Не хлусіце адзін аднаму вы, што скінулі з сябе старога чалавека з яго ўчынкамі

а прыадзеўшыся ў новага, (ўсьцяж) упадабняючагася пазнаваннем вобразу свайго Стварыцеля;

 

і прыадзеліся ў новага, які несупынна аднаўляецца ў пазнанні па ўзоры Таго, Які яго стварыў,

тым-то й няма (ўжо) Грэка, Жыда, абразання й неабразання, ні барбара, ні Скіта, ні нявольніка, ні вольнага, а ўсё ў ва ўсім — Хрыстус.

 

дзе ўжо няма грэка і юдэя, абрэзанага ці неабрэзанага, іншаземца, скіфа, нявольніка і вольнага, але ўсё і ва ўсім Хрыстос.

Прыазнадобцеся, восьжа, як выбранцы Божыя, сьвятыя й любыя, ў міласэрдзе прачулае, дабрату ласкавую, пакору, ціхасьць, лагоднасьць,

 

Дык апраніцеся як выбраннікі Божыя, святыя і ўлюбёныя, у сэрца спагаднае, ласкавасць, пакорлівасць, сціпласць, цярплівасць,

церпячы адзін другога й выбачаючы ўзаемна, каліб хто на каго скардзіўся: Як Госпад вам дараваў, гэтак і вы.

 

церпячы адны адных і прабачаючы адны адным, калі хто да каго мае жаль; як Госпад дараваў вам, так і вы.

А над усё — (майце) любасьць, катора ёсьць вязьзю дасканальнасьці,

 

А па-над усё апраніцеся ў любоў, якая ёсць вузел дасканаласці.

і супакой Хрыстусавы, да якога вы пакліканы з вадным целе, хай валадарыць у сэрцах вашых; дый будзьце ўдзячнымі.

 

І супакой Хрыстоў, да якога вы і пакліканы ў адным целе, хай пануе ў сэрцах вашых. І будзьце ўдзячныя.

Слова Хрыстуса хай жыве у вас з усёю шчодрасьцю: навучайце й настаўляйце адны другіх з усякай мудрасьцяй, пабуджаючыся псальмамі і гымнамі ды духоўнымі песьнямі, піаючы ў ласцы Богу шчырым сэрцам.

 

Хай шчодра прабывае ў вас слова Хрыста, каб з усёю мудрасцю адны адных навучалі і настаўлялі ды каб з удзячнасцю Богу ў сэрцах вашых спявалі вы псалмы, гімны і песні духоўныя.

Усё, штою вы ні рабілі словам, ці дзелам, усё рабеце ў імя Усеспадара Езуса, дзякуючы праз Яго Айцу Богу.

 

І ўсё, што робіце словам ці дзеяннем, усё ў імя Госпада Ісуса, дзякуючы праз Яго Богу Айцу.

Сужэнкі, будзьце падуладнымі мужом вашым, як прыстоіць па-Божаму.

 

Жонкі, будзьце паслухмянымі мужам, як належыць у Госпадзе.

Мужы, любеце сужэнак (вашых) і ня будзьце для іх прыкрымі.

 

Мужы, любіце жонак і не будзьце для іх прыкрымі.

Дзеці будзьце бацьком у ва ўсім паслухмянымі, бо гэта падабаецца Богу.

 

Дзеці, слухайце бацькоў ва ўсім, бо гэта падабаецца Госпаду.

Бацькі, ня будзьце для дзяцей згрызьлівымі, каб яны ня падалі духам.

 

Бацькі, не раздражняйце дзяцей вашых, каб яны не слабелі духам.

Слугі, будзьце ў ва ўсім паслушнымі гаспадаром сваім зямным, працуючы не для вока толькі прыпадабальнага, але із шчырым богабоязным сэрцам.

 

Нявольнікі, слухайцеся ва ўсім гаспадароў цялесных, не на вачах служачы, каб людзям падабацца, але ў прастаце сэрца, баючыся Бога.

І ўсё, штоб ні дзеелі вы, дзейце ад душы, як (самому) Богу, а ня людзям;

 

Усё, што ні робіце, ад душы рабіце, як Богу, а не людзям,

ведаючы, што ад Бога атрымаеце заплату спадчыны, Хрыстусу Усеспадару служэце.

 

ведаючы, што ў Госпада атрымаеце ва ўзнагароду спадчыну, бо вы служыце Госпаду Хрысту.

Хто бо крыўдзіць, атрымае адплату за тое, што паступаў крыўдна (нягодна), бо у Бога няма ўзірання на асобу.

 

Хто чыніць несправядлівасць, атрымае тое, што зрабіў нягодна, бо ў Бога няма зважання на асобы.