Біблія Францішка Скарыны ў сучастнай графічнай адаптацыі. Укладанне, падрыхтоўка тэкстаў і каментары — Алеся Бразгунова.
Бивлиа греческим языком, порускии сказуется книги. Тако убо святый Матфей починаеть Христово благовествование: Бивлос Генезеосъ Ісус Христу. То естъ порускии: Книга родства Ісус Христова. А можете тым именемъ называти вси Книги Ветхаго и Новаго Закону для достойности его, понеже Бивлия зуполная все то в собе замыкаеть. О сей Книзе пишеть Евангелиста наперстникъ Христовъ во узъявлении своемъ глаголя: и видехъ во десници седящего на престоле Книги написаны внутрь и зовнутрь. Написаны суть воистинну сие Книги внутрь духовне е разумеющимъ о тайнахъ превеликихъ Божиихъ. Якоже пишеть Апостолъ: о глубино богатества премудрости и разума Божия, яко неиспытаны сут судове Его, и неизследованы пути Его. Написаны теж и зовнутрь, понеже не толико докторове а люди вченые в нихъ разумеють. Но всякий человек простый и посполитый чтучи их или слухаючи можеть поразумети что естъ потребно к душному спасению его. Самому Спасителю глаголющу: исповедаю Ти ся Отче Господи небеси и земли, яко утаилъ еси сия от премудрыхъ и разумныхъ. И открилъ еси тая младенцемъ.
Протожъ добре Григорей Великий учитель вселенский о сей Книзе пишеть, глаголя: Святое Писмо все иные науки превышаеть, понеже егда бываеть чтено под простыми словы замыкаеть тайну. И тако младенцемъ и людемъ простымъ естъ наука, учителомъ же и людем мудрымъ подивление. Яко река дивная: мелка, по нейже Агнець брести можеть, а глубока, слонъ убо пливати мусить.
В сей Книзе всее прироженое мудрости зачало и конець, Богъ Вседержитель познаванъ бываеть. В сей Книзе вси законы и права, имиже люде на земли справоватися имають пописаны суть. В сей Книзе вси лекарства душевные и телесные зуполне знайдете. Ту навчение филозофии добронравное яко любити Бога для самого себе, и ближнего для Бога имамы. Ту справа всякого собрания людского и всякого града еже верою со единениемъ ласки и згодою посполитое доброе помножено бываеть. Ту научение седми наукъ вызволеныхъ достаточное.
Хощеши ли умети граматику или порускы говорячи грамоту еже добре чести и мовити учить, знайдеши в зуполной Бивлии Псалтыру чти ее. Пак ли ти ся любить разумети лоику, онаже учить з доводом розознати правду от кривды. Чти книгу светого Іова или послания светого Апостола Павла. Аще ли же помыслиши умети риторику, еже естъ красномовность, чти книги Саломоновы. А то суть три науки словесные. Восхощеш ли пакъ учитися музики тоестъ певници, премножество стиховъ и песней светыхъ, по всей Книзе сей знайдеши. Любо ли ти ест умети аритметику, еже вократце а неомылне считати учить. Четвертыи книги Моисеевы часто чти. Пак ли же имаши предъ очима науку геометрию, еже поруски сказуется землемерение, чти книги Ісуса Наувина. Естъ ли астрономии или звездочети, найдеш на початку книги сее о сотворении солнеца и месеца и звездъ, найдешъ во Исусе Наувине, яко стояло солнеце на единомъ месте за целый день. Знайдешъ во книгахъ Царствъ, иже солнеце воспять поступило неколико ступневъ. Знайдешъ во светомъ Еувангелии о новосотвореной звезде часу нарожения нашего Спасителя Ісуса Христа, более воистинну чудитися превеликой Божией моци мусишъ нижли учитися. А то суть седмъ наукъ вызволеныхъ.
Аще ли же кохание имаши ведати о военных а о богатырских делехъ, чти книги Судей или книги Махавеевъ. Более и справедливее в нихъ знайдеш нежели во Александрии, или во Тройи. Пак ли же вократце сведати хощеши много тысещей летъ летописець, чти книги Паралипомена. Тамъ поченши от Адама даже до Седехии останочного царя Іудина роды положены суть. Потребуеши ли науки и мудрости добрыхъ мравовъ, часто прочитай книги Ісуса Сирахова. А Притчи Саломоновы. Надо все надъ то мы христиане, ведаючи все науки быти минущие, потребуемъ речи вечное душного спасения. Чтимы жъ уставичне светое Еувангелие, а чтучи е, наследуймы делы нашего Избавителя Ісуса Христа. А тако с помощию Его вниидемъ в животъ вечный и въ Царство Небесное уготованное ізбранным Божиим. Потреба тежъ естъ ведати иже Бивлиа делиться на двое, у Ветхий законъ и у Новый. Законъ Ветхий имать въ собе двадесеть и четыре книгъ.
Книги первые Моисеевы суть Бытья. В нихже пишеть о сотворении света, о зачале людского поколения, о розделении языковъ и земли, и о роде Еврейском и вниитии их даже до Египту. Вторыи книги Исходъ, еже суть написаны о нарожении Моисееве, о десети язвахъ фараоновых, о выштии изъ Египту сыновъ Ізраилевыхъ, о десятеру приказании Божиемъ и о многих иныхъ судехъ Его. Третие книги Леувитъ пишуть, о храме Божиемъ, о ризахъ Аароновыхъ, о жертвахъ и о службахъ леувитских. Четвертые книги Числа кажуть, о считании сыновъ Ізраилевых, о дарехъ князей, о пророцстве Валаамове, и о четерехдесяти а о дву станехъ игдеже отпочивали суть на пустыни. Пятые книги Моисеевы рекомые Вторый Законъ, вызнаменають бо светое Еувангелие, и что у преднихъ книгах положено ест широце, то сие кратце в собе замыкають. То ест Пентатеухон гречески, или Пятеры книги Моисеевы. О сих пяти книгахъ Апостол пишеть глаголя: но во церкви хощу пят словес умом моим глаголати, да иных научу, нежели тму словесъ языкомъ.
Затымъ книги светого Іова зерцало долготерпения, вси слова в немъ полны суть розуму, стихами и гаданиемъ е пишеть. И о воскресении телъ наших из мертвыхъ наясней пророкуеть. Потомъ Ісусъ Наувинъ преходить Іорданъ, уводить сыновъ Ізраилевыхъ в землю обетованную, приемлеть Ерихон градъ, поразивъ царей многихъ, землю людемъ по жребиехъ розделилъ. Книги пакъ Судей, Офонииля, Аиофа, Варака, Гедеона, Ептая и Самсона, мужей пресилныхъ и богатыревъ смелость выписуеть. При них книжка Руфъ, прабабы царя Давыдовы, положена ест. По сей книги четырехъ Царствъ сыновъ Ізраилевыхъ у Бивлии положены суть. Передние двое называются от Евреи Шмуелъ. В тыхъ пишеть о нарожении Самуилове, о помазании на царство Саулове, о боехъ и о царстве Давыдове. Задние пакъ двое называють Евреи Млохимъ. В нихже знайдеши поченши от Саломона царя даже до Ехонии. И от Еровоама сына Навафова царя даже до Осии егоже плениша до Асирии. Царей Іудиныхъ, и царей Ізраилевыхъ четырьдесети справу выписану.
Затымъ двое книги Паралипоменона, еже опущеное во книгахъ Царствъ, и к тому поченши от Адама даже до пленения Ерусалимля Навходносором, царемъ премногие роды Еврейские почитаеть. К тому двое книги Ездры о выпущении з неволи Перское людей Еврейскихъ, о ставлении удругое Ерусалима и храму Светая Светыхъ, розделне по народехъ жиждушихъ что которыи делали суть. И о леувитах вышедших выписуеть. Потом книжка Товифъ науку отцем яко имають учити сыны своя кажеть. Паки книжка Юдифа вдовици онаже для высвобожения Отчизны, взоръ на собе мужем даючи, не лютовала естъ живота своего. По ней иная книжка Есфира царице еже с Мардохеем збавили от побитий людей Ізраилевыхъ.
За ними суть Песни царя Давыдовы книги рекомые погречески Псалтирион, а поеврейскии Тилим. Еже имають в собе кафизмъ двадесеть, псалмовъ полтораста, стишковъ или припеловъ две тысещи и шестьсотъ. По Псалтыри кладутся трое книжки Саломоновы, Притчи, Еклезиастъ, и Песни Песнемъ. Въ первых науку младенцемъ. Во вторыхъ мужем. Во третихъ старымъ выписуеть. За тыми суть книги Ісуса сына Сирахова рекомые Церковникъ всю науку о добрыхъ мравехъ в собе замыкающе. Подле нихъ естъ книга Премудрость Божия, понеже найболей пишеть в ней о страсти мученикъ Божиихъ, и о житии светыхъ Его.
Потомъ суть книги шестьнадесети пророков Господьнихъ. Исаия первый, сей не толико пророчество пишеть о Христе, но подобенъ естъ в немъ евангелистомъ. Вторый пророк Божий Еремиа во утробе материне посвященый во младости своей начал пророковати. К тому теже написалъ книжку, еже словеть Плачь Еремиинъ. Третий пророкъ великий Езекииль, сей на початку книгъ своихъ пророковал о четырехъ евангелистахъ Христовыхъ, и на конци о храме Божиемъ а то велми сокрите. Четверты пророкъ болший Даниилъ временъ познаватель и всего света царствъ исказатель. Часъ истый пришествия на землю Христова, и смерть Его ясней иныхъ ознамуеть.
Пророци пакъ менъшие суть: Осия сынъ Вериинъ первый. Іоиль сын Фатуилевъ вторый. О сошествии Светого Духа на Апостолы являеть. Амосъ пастырь и пророк Господень третий. Авдей онже исказуется раб Господень четвертый. Іона сынъ Амафовъ, той три дни сущи во чреве китове, тридневное Христово воскресение преобразовалъ пятый. Михей от Морасхи шестый пророк посреди меншими, о том пишеть во книгахъ Царствъ. Наумъ седмый пророкуя о Христе глаголеть: се на горахъ ноги исповедующего и благовестующего миръ. Аввакумъ осмый пророкуеть глаголя: Богъ от полудня приидеть, и святый от горы Фаранъ. Прикрила естъ небеса слава Его, и хвалы Его полна естъ земля. Софония сынъ Хузиевъ девятый. Агей десятый пишеть: се еще мало и порушу небо и землю, и море и сушу, и погну всеми народы, и приидет чааный всемъ языком. Захария одиннадесятый пришествие Господьне во Ерусалимъ, седящего на осляти, пророкуеть. Малахия дванадесятый а останочный от пророков менших.
На конци же Ветхаго Завета положены суть двое книги Махавеев.
А тако имате первую часть Бивлии высловену.
Другая пакъ часть Бивлии еже ест Новый Закон спасителный. Суть книги четырехъ Еувангелистовъ или светое Благовествование. Матфея, Марка, Луки, Іоана. По четырехъ странахъ света имя Господьне несуще яко колесница и престолъ живоначалное Троици.
Затымъ Павелъ Апостолъ ко седма церквамъ пишеть послания, осмое ко Евреемъ, Тимофея, и Тита, и Филомона научаеть. Сосудъ избранный и вчитель всехъ народовъ.
Потомъ Деания Апостолская, о Церкви Христове множащейся светый Лука Евангелистъ лекарь к душному здравию пиша науку даеть.
Потомъ светыи Яковъ, Петръ, Іоанъ, Іуда седмъ соборныхъ посланией написали краткими словами великое поучение намъ оставляюще.
На конци Бивлии Апокалипсия или Возъявления книга светого Іоана положена естъ. Колико словъ имуще, толико таинъ в собе замыкающе.
О сихъ книгах всея Бивлии подле малости розуму моего розделы вократце положих. А в чем бых ся омылих, разумнейшие поправте прошу вас, для Бога и для посполитого доброго.
Конець Предсловию всея Бивлии.
Public Domain — народны здабытак.
2022, укладальнік — Бразгуноў Алесь.
