ПОЧИНАЮТЬСЯ ПЕРЪВЫИ КНИГИ МОИСЕОВЫ,
рекомыи от Евреи Брешисъa, по-греческии же и по латине Енезеосъ, а по-рускии Бытья, и замыкають в собе главъ 50.
О сотворении неба и земли и иныхъ всехъ речей, еже в шести днехъ учинилъ Господь Богъ, и на конци созъдалъ человека по образу Своему и дал всем благославение.
1 В начале сотвори Бог небо и землю.
2 Земля же бе неплодна и неукрашенна, и тмы были по верху бездны, и духъ Божий ношашеся по верху водъ.b
3 И рече Богъ: «Да будеть светъ!» И бысть свет.
4 И виде Богъ светъ, яко добро, и разлучи Богъ межи светом и межи тмою.c
5 И нарече светъ день и тму нощъ. И бысть вечеръ и утро: день единъ.
6 И рече Богъ: «Да будеть твердь посреди водъ, и да разделить воды от водъ».
7 И сотвори Богъ твердь и раз де лилъ воды, еже беша подъ твердию, от техъ, еже беша надъ твердию. И бысть тако.
8 И нарече Богъ твердь небо. И бысть вечер и утро: день вторый.
9 И рече Богъ: «Да соберутся воды, еже суть под небесемъ, в место едино, и да явится суша».d И бысть тако.
10 И нарече Богъ сушу земля и собрание водъ назове море. И виде Богъ, яко добро,
11 и рече: «Да изнесеть земля былие зеленое и чинящее семя и древо плодовитое, дающее плодъ по роду своему, егоже бы семя в немъ было на земли». И бысть тако.
12 И знесе земля былие зеленое и чинящее семя по роду своему и древо, родящее плодъ и имеюще едино кажно семя по роду своему. И виде Богъ, яко добро.
13 И бысть вечеръ и утро: день третий.
14 И рече Богъ: «Да будуть светила на тверди небесной и да разлучають день и нощъ, и будуть во знаме на и в часы днемъ и летомъ,
15 светяще на тверди небесной, и да просвещають землю». И бысть тако.
16 И сотвори Бог два светила велика: светило болшее во область дню и светило меншее во область нощи, и звезды;e
17 и постави е на тверди небесной, да светять на землю
18 и владеют днемъ и нощью и разделяють межи светомъ и тмою. И виде Богъ, яко добро.
19 И бысть вечеръ и утро: день четвертый.
20 И рече Богъ: «Да росплодять воды гмызы,f душъ живыхъ и птици по земли подъ твердию небесною».
21 И сътвори Богъ киты великие и всяку душу живу и движущуся, еже изведоша воды по плоду своему, и все птице по роду ихъ. И виде Богъ, яко добро.
22 И благославилъ имъ, глаголя: «Ростите жъ и множтеся, и наполните воды морския, и птице да умножатся на земли».
23 И бысть вечеръ и утро: день пятый.
24 И рече Богъ: «Да изведеть земля душу живу по роду своему, скоты и гады, и звери земные по подобию своему». И бысть тако.
25 И сътвори Богъ звери земныя по подобию ихъ, скоты и вся гады земли по роду ихъ. И виде Богъ, яко добро,
26 и рече: «Сотворимо человека по образу и по подобию Нашему; и да обладаеть рыбами морскими, и птицами небесными, и зверми, и всею землею, и всеми гады, ползающими по земли».
27 И створилъ ест Богъ человека по образу своему и по подобию, по образу Божию сътворилъ и, мужа и жену створилъ ихъ.g
28 И благослави е Богъ, и рече: «Ростите жъ и множитеся и наполните землю, и владейте ею, и обладайте рыбами морскими и птицами небесными, и всеми животными, двизающимися по земли».h
29 И рече Богъ: «Се, дахъ вамъ всяку былину, приношающу семя на земли, и вся древа, имеющая в собе плод се мени своего, да будуть вамъ во снедь,
30 и всемъ животнымъ земли, и всемъ птицамъ небеснымъ, и всемъ гадомъ, пресмыкающимся по земли, в нихже есть душа жива, да будеть имъ во снедь. И бысть тако».
31 И виде Богъ вси речи, еже сътвори, и быша велми добры. И бысть вечеръ и утро: день шестый.
a Брешисъ — Бе-рэшыт.
b Ераміі, 1[:5]; Псалом 32[:6-9], 88[:10,12], 92[:2], 101[:26].
c Псалом 148[:3-5]; Прытчаў, 8[:22-29]; Псалом 103[:2-5].
d Псалом 94[:5]; Іова, 38[:4].
e Псалом 135[:7-9].
f гмызы — насякомыя.
g Мудрасці, 2[:23]; Ісуса, сына Сіраха, 15[:14], 17[:1], 33[:10].
h Мудрасці, 10[:1-2]; спасылка на Марка, 3 памылковая.
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 1 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.