Исходъ 23 Исходъ 23 разьдзел

¹ Да не приемлеши гласа лжива и ниже даси руки твоея, абы за неправымъ реклъ кривое сведение.

² Не поступиш за многими, да бы злое уделалъ, и ни в суде призволишъ многим судящимъ с тобою, абы отступилъ от справедливости.

³ Убогаго да не пожалуеши в суду.

⁴ Споткаешъ ли вола ближнего своего или осла, блудящего по полю, приведи его к нему.

⁵ Узриш ли осла того, онже тебе имать в ненависти, падшего со бреме немъ, да не минеши его, но воздвигнеши с нимъ.

⁶ Не уклонишися ко отсужению нищего.

⁷ Всякое лжи стеречися будешъ. Невинного и правого да не убие ши, понеже противлюся Азъ нелютостивому.

⁸ Не будеши приимати даровъ, ониже заслепяють мудрыхъ и превращають слова справедливыхъ.

⁹ Прихода не зобижайте, весте убо душу прихожу, понеже и сами были есте приходи в земли Египетской.

¹⁰ Шесть лет сеяти будешъ землю своюa и збирати жита ея,

¹¹ лета пакъ седмаго оставиши ю, да отпочинеть, да едять нищии людей твоихъ, и еже останется, да ядут звери польныи. По тому же вчиниши о винограде своемъ и о масличинии своемъ.

¹² Шесть дней делати будешъ, седмаго пакъ дня престанеши, да отпочинеть волъ и оселъ твой и да отдыхнеть сын рабы твоея и приходъ, еже ест у тебе.

¹³ Вся слова, еже глаголах к вам, сохраните, а имены боговъ чужих не присегайте и ниже будеть слышано з устъ ваших.

¹⁴ Трикрать на кождый годъ святити Ми будете празники.

¹⁵ Найпервей празникъ опресночный сохраниши, седмъ дней опресноки да ясте, якоже повелех вам часу месеца новыхъ плодовъ, внегда выйдосте из Египта. Не явишися предо Мною с празныма рукама.

¹⁶ Празникъ вторый да будеть месеца первых житъ роботы твоея, еже сеешъ на поли. Празникъ теже третий при сконании лета, егда збереши вся жита своя с поля.

¹⁷ Трикратъ в году да ся явить все поглавие мужеска полу предъ Господемъ, Богом твоимъ.

¹⁸ Да не принеси, имея квасъ, крови приношения своего, и ниже останет тукъ празника Моего даже до утрия.

¹⁹ Зачала первыхъ житъ земли твоея носити будеш до храму Господа, Бога твоего. Не будеши варити козьляти во млеце матери его.

²⁰ Се Азъ пошлю анъгела Моего, онже пойдеть пред тобою и сохранит тя на пути, и воведет тя на место, еже уготовахъ тобе.

²¹ Чти жъ и и послухай гласу его, а не ослухивайся пред ним, понеже не отпустит, внег да согрешиш, а ест имя Мое в нем.

²² Аще послушаеш гласу его и вчиниш все, еже глаголю, враг будет врагом твоим, и побиебиющих тя.

²³ И пойдеть пред тобою ангелъ Мой и воведет тя ко Аморею, Еттею, Феризею, Хананею, Еввею и Евузею, ихже потреблю Азъ.

²⁴ Да не поклонишися богом ихъ и ниже послужиши имъ, да не вчиниши по деломъ ихъ, но казити е будешъ, и сокрушишъ вся идолы ихъ,

²⁵ и поработаеш Господу, Богу своему, да благославлю хлебъ твой и воду твою и отойму немощи злые от среды васъ.

²⁶ Не будеть невжиточна и неплодна земля твоя. Число дней твоихъ совершено учиню.

²⁷ Страхъ Мой пущу предъ тобою и побию вся народы, до нихже ты входиши, и всихъ враговъ твоихъ предъ тобою хребты обращу.

²⁸ Выпущу шеръшневъ напредъ, ониже будуть изгоняти Еввея, Хананея и Еттея первей, нежели ты вниидеши.

²⁹ Не изжену ихъ от лица твоего в лете единомъ, да не опустееть земля, и наплодилися б на тебе звери дивии,

³⁰ но полегку выгоняти буду ихъ от лица твоего, дондеже розмножитеся и обладати будете землею.

³¹ И положу пределы ваша от моря Чермнаго даже до моря Палестымскаго, и от пустыни даже до реки предам в руце ваше живущихъ на земли и выжену ихъ от лица вашего.

³² Не будете чинити с ними миру и ни з боги ихъ завещаете завета,

³³ и да не живут на земли твоей, да не наведуть тебе согрешити предо Мною, работающи богомъ их, сие убо было бы вамъ на соблазнъ».