Исходъ 36 Исходъ 36 разьдзел

¹ Тогда делалъ естъ Везелеилъ и Олиавъ и каждый мужъ разумный, имже далъ ест Господь мудрость и науку, абы умели смышлене делати, еже к потребамъ Святыни надобна суть, елика повеле Господь.

² И внегда их позвал Моисей и каждого мужа умелого, емуже далъ Господь мудрость, и к тому самъ доброволне поддался, абы делалъ дело,

³ подалъ естъ имъ вси дары сыновъ Ізраилевыхъ. Они же егда с пилностию делаша на каждый день, порану пак людие приношаху оброки своя,

⁴ и для того делатели, принуждены суще, идоша к Моисею

⁵ и рекоша: Более приносять людие, нежели потреба естъ к делу.

⁶ И тако повеле Моисей вопити проповедателем, глаголя: «Мужи и жены более да не приносять даровъ к делу Святыни». И престаша людие приносити к тому,

⁷ понеже принесеныхъ речей было много и збывало от них.

⁸ И вделали суть вси мудрии серцемъ ко поставлению храма опонъ десет со лну белого пресукиваного и с шолку синего и черъвчетаго, двакрать крашенаго, и злата тягненаго делом разноличнымъ, имже ся взоры вышивають;

⁹ от нихъ же едина опона имела вдолжъ двадесеть и осмъ лакотъa и вширъ четыре локти, едина мера была ест всехъ опонъ.

¹⁰ И припоилъ опонъ пять едину ко другой, и иныхъ пять по тому же восполок сложил.

¹¹ Наделалъ и петелекъ с шолку синего по краехъ отпоныb единое обоего боку,

¹² и по краехъ опоны другое по тому же, абы противу собе схожалися петелки и вкупу ся споили.

¹³ К тому жъ и по петдесяти слилъ пугъвиць златыхъ, ониже вхожали до петелек опоновых, да бы был храмъ единъ.

¹⁴ Уделал и гуней одиннадесеть с шерстей козиих ко прикритию стрехъ храмовыхъ;

¹⁵ едина гуня в должиню имела локтей тридесеть и в шириню локти четыри; единостайное меры были вси гуни,

¹⁶ от нихже пять споилъ вкупу, и шесть иныхъ особе.

¹⁷ И вделал петелекъ пятдесят по краехъ гуни единое и пятдесятъ по краехъ гуни второе, дабы ся ими могли совокупляти,

¹⁸ и пуговок медяных по пятидесят, имиже споивалися стрехи храмовы, абы едно прикритие со всих гуней было.

¹⁹ Вчинилъ и иный прикровъ храму с кожей бараних червеныхъ, и над тотъ еще иный с кожей синих.

²⁰ Наделалъ теже и доскъ храму от древа сефимъ стоящихъ:

²¹ десети локтей была естъ должиня доски единое и полтора локтя шириня деръжала;

²² двое вытесание было естъ по всихъ доскахъ, абы ся едина з другою споивала; и тако вделал на всих доскахъ храмовыхъ.

²³ От них же двадесеть были поставлены ко стране полуденной, от ветру полуденного,

²⁴ и четыредесят подставковъ сребреныхъ: две подставки подъ едину дъску кладены бывали со обою сторонъ угловъ, игдеже вытесание боковъ дощаных на углех ся конало. 25 Ко стране пак храму, еже зрить к полунощи, уделалъ двадесеть дощекъ

²⁶ и четыредесятъ подставок сребреныхъ, две подставки подъ каждую доску.

²⁷ Противу западу же, то естъ ко стране храмове, еже зрить к морю, уделалъ шесть дощекъ,

²⁸ и две иныхъ при обоихъ углехъ храму созаду, ониже были споены от низу даже до верху;

²⁹ и во единое споение купно такъ учинилъ со обу странъ по углехъ,

³⁰ дабы осмъ дощекъ было посполу а имели подставокъ сребреныхъc шестьнадесеть, то ест две подставки под каждую доску.

³¹ Поделал и жердкы от древа сефимъ пять, да бы содерживали доски со единое страны храму,

³² и пять иныхъ, абы з другое страны доски споити могли, и окроме тых иныхъ пять жеръдок к западней стране храму противу моря.

³³ Уделалъ теже заворы иные, иже серединою дощекъ от угла единаго даже до другаго прохожали.

³⁴ А тое вытесание златомъ оковалъ, сливъ подставки их сребреные, а колца их вделалъ златы, скрозеd нихъ жердкы провлачеваны имели быти, и ты жердкы оковалъ златом.

³⁵ Вчинилъ теже завесу от злата тягненаго, шолку синего и черчетаго, двакрать крашенаго, и со лну белого пресукиваного, деломъ вышиваным взороватымъ;

³⁶ и четыре столпы от древа сефимъ уделал и с маковицами их златомъ оковалъ, сливъ подставки имъ сребреные.

³⁷ Учинилъ пакъ и опону во дверехъ храмовыхъ с шолку синего и черчетаго и злата тягненаго, и со лну белого пресукиваного, делом вышиваным,

³⁸ и столпов пять с маковицами их, и оковал е златом; подставки же имъ слил медяные и позлатил е.