Нээміі 7 разьдзел

 

 

І сталася, калі мур быў пабудаваны, і я паставіў вароты, і былі прызначаныя прыдзьвернікі, і сьпевакі, і лявіты,

 

І было, як сьцяна была збудавана, і я ўстанавіў вароты, і прызначаны былі брамнікі а пяюны а Левітаве,

я прызначыў Ханані, брата майго, і Хананію, начальніка сталіцы, над Ерусалімам, бо ён быў чалавек праўдзівы і баяўся Бога [больш], чым шмат хто.

 

Што я паручыў брату свайму Гананяму, а Ганані начэльніку гораду апеку над Ерузалімам, бо ён быў верны чалавек і багабойліўшы за шмат каго,

І я, кажучы, сказаў ім: «Няхай ня будуць адчыненыя брамы Ерусаліму, пакуль не прыпячэ сонца; і пакуль [людзі] стаяць [на нагах], няхай зачыняюць вароты і замыкаюць. І прызначце варту з жыхароў Ерусаліму, кожнага на варту ягоную і кожнага насупраць дому ягонага».

 

І я сказаў ім: «Няхай не адчыняюць брамаў Ерузалімскіх, пакуль ня ўгрэе сонца, і пакуль яны стаяць, няхай зачыняюць вароты і завалююць. І прызначыць варты із жаўнераў Ерузаліму, кажнага на варту ягоную і кажнага супроці дому ягонага».

Але горад займаў абшар і быў вялікі, а народу [было] мала ў ім, і не было дамоў адбудаваных.

 

Але места займала вялікі прасьцяг, а люду мала ў сярэдзіне яго, і дамы ня былі збудаваны.

І палажыў мне Бог у сэрцы маім, і я сабраў шляхту, кіраўнікоў і народ, каб зрабіць попіс. І я знайшоў кнігу попісу тых, якія прыйшлі напачатку, і знайшоў, што напісана ў ёй:

 

І палажыў імне Бог на сэрца зьберці паноў а дзяржаўцаў а люд, каб зрабіць сьпісаньне подле радаводу. І знайшоў я радаводную кнігу тых, што ўзышлі спачатку, і знайшоў напісана ў ёй:

«Гэта сыны зямлі гэтай, якія прыйшлі з палону выгнаньня, якіх перасяліў Навухаданосар, валадар Бабілонскі, і яны вярнуліся ў Ерусалім і Юдэю, кожны ў горад свой.

 

«Гэта сынове краю, каторыя ўзышлі з узятых у палон, з тых, што былі пераселены Невухаднецарам, каралём Бабілёнскім, і зьвярнуліся да Ерузаліму а Юдэі, кажны да свайго места, —

Яны прыйшлі з Зэрубабэлем, Ешуам, Нээіміем, Азарыем, Рааміем, Нахаманіем, Мардэхаем, Більшанам, Міспэрэтам, Бігваем, Нэхумам, Баанаю. [Вось] лік мужчынаў народу Ізраіля:

 

Тыя, што пашлі із Зэрувавэлям, Ешуам, Негэмаю, Азараю, Раамаю, Нагманём, Мардэхаём, Білшаном, Місперэфам, Біґваём, Негумом, Ваанаю. Лік мужчын люду Ізраельскага:

сыноў Пароша — дзьве тысячы сто семдзясят два;

 

Сыноў Парошавых дзьве тысячы сто семдзясят двух;

сыноў Шэфатыі — трыста семдзясят два;

 

Сыноў Шэваціных трыста семдзясят двух;

сыноў Араха — шэсьцьсот пяцьдзясят два;

 

Сыноў Араговых шасьцьсот пяцьдзясят двух;

сыноў Пахат-Маава, з сыноў Ешуа і Ёава, — дзьве тысячы васемсот васямнаццаць;

 

Сыноў Пагаф-Моавовых, із сыноў Ешуі а Ёава, дзьве тысячы асьмісот асьмінанцацёх;

сыноў Эляма — тысяча дзьвесьце пяцьдзясят чатыры;

 

Сыноў Еламовых тысяча дзьвесьце пяцьдзясят чатырох;

сыноў Затту — васемсот сорак пяць;

 

Сыноў Зафуевых асьмісот сорак пяцёх;

сыноў Заккая — семсот шэсьцьдзясят;

 

Сыноў Закаевых сямсот шасьцьдзясят;

сыноў Біннуя — шэсьцьсот сорак восем;

 

Сыноў Біннуевых шасьцьсот сорак асьмёх;

сыноў Бэвая — шэсьцьсот дваццаць восем;

 

Сыноў Бебаёвых шасьцьсот дваццаць асьмёх;

сыноў Азгада — дзьве тысячы трыста дваццаць два;

 

Сыноў Азґадзіных дзьве тысячы трыста дваццаць двух;

сыноў Аданікама — шэсьцьдзясят сем;

 

Сыноў Адонікамовых шасьцьсот шасьцьдзясят сямёх;

сыноў Бігвая — дзьве тысячы шэсьцьсот сем;

 

Сыноў Біґваёвых дзьве тысячы шасьцьсот сямёх;

сыноў Адына — шэсьцьсот пяцьдзясят пяць;

 

Сыноў Адыновых шасьцьсот пяцьдзясят пяцёх;

сыноў Атэра з [сыноў] Хізкіі — дзевяноста восем;

 

Сыноў Атэравых із Гэзэкі дзевяцьдзясят асьмёх;

сыноў Хашума — трыста дваццаць восем;

 

Сыноў Гашумовых трыста дваццаць асьмёх;

сыноў Бэцая — трыста дваццаць чатыры;

 

Сыноў Бецаёвых трыста дваццаць чатырох;

сыноў Харыфа — сто дваццаць;

 

Сыноў Гарыфовых сто двананцацёх;

сыноў Гібэона — дзевяноста пяць;

 

Сыноў Ґівеону дзевяцьдзясят пяцёх;

людзей з Бэтлеему і Нэтофы — сто восемдзясят восем;

 

Людзёў Бэтлеему а Нетофы сто асьмідзясят асьмёх;

людзей з Анатоту — сто дваццаць восем,

 

Людзёў Анафофу сто дваццаць асьмёх,

людзей з Бэт-Азмавэту — сорак два;

 

Людзёў Беф-Азмавефу сорак двух;

людзей з Кірыят-Ярыму, Кэфіры і Бээроту — семсот сорак тры;

 

Людзёў Кіраф-Еарыму, Кефіры а Беерофу сямсот сорак трох;

людзей з Рамы і Гевы — шэсьцьсот дваццаць адзін;

 

Людзёў Рамы а Ґевы шасьцьсот дваццаць адзін;

людзей з Міхмасу — сто дваццаць два;

 

Людзёў Міхмаса сто дваццаць двух;

людзей з Бэтэлю і Гаю — сто дваццаць тры;

 

Людзёў Бэт-Элю а Аю сто дваццаць трох;

людзей з Нэво другога — пяцьдзясят два;

 

Людзёў Нева другога пяцьдзясят двух;

сыноў Эляма другога — тысяча дзьвесьце пяцьдзясят чатыры;

 

Сыноў Елама другога тысяча дзьвесьце пяцьдзясят чатырох;

сыноў Харыму — трыста дваццаць;

 

Сыноў Гарыму трыста дваццацёх;

сыноў Ерыхону — трыста сорак пяць;

 

Сыноў Ерыхону трыста сорак пяцёх;

сыноў Лоду, Хадыду і Она — семсот дваццаць адзін;

 

Сыноў Лоду, Гадыду а Она сямсот дваццаць адзін;

сыноў Сэнаі — тры тысячы дзевяцьсот трыццаць;

 

Сыноў Сэнаі тры тысячы дзевяцьсот трыццацёх;

сьвятары: сыноў Едая, з дому Ешуа — дзевяцьсот семдзясят тры;

 

Сьвятароў: сыноў Едаіных, з дому Ешуінага, дзевяцьсот семдзясят трох;

сыноў Імэра — тысяча пяцьдзясят два;

 

Сыноў Імеравых тысяча пяцьдзясят двух;

сыноў Пашхура — тысяча дзьвесьце сорак сем;

 

Сыноў Пашгуровых тысяча дзьвесьце сорак сямёх;

сыноў Харыма — тысяча сямнаццаць;

 

Сыноў Гарымовых тысяча семнанцацёх;

лявіты: сыны Ешуа [з дому] Кадміэля, сыны Гадава — семдзясят чатыры;

 

Левітаў: сыноў Ешуіных, Кадмелявых, сыноў Годэніных семдзясят чатырох;

сьпевакі: сыны Асафа — сто сорак восем;

 

Пяюноў: сыноў Асафовых сто сорак асьмёх;

прыдзьвернікі: сыны Шальлюма, сыны Атэра, сыны Тальмона, сыны Аккува, сыны Хатыты, сыны Шавая — сто трыццаць восем;

 

Брамнікі: сынове Шалумовы, сынове Атэравы, сынове Талмановы, сынове Аккувовы, сынове Гатыціны, сынове Шоваёвы — сто трыццаць асьмёх;

нэтынэі: сыны Цыхі, сыны Хасуфы, сыны Табаота,

 

Нефінеі: сынове Цэжыны, сынове Гасуфовы, сынове Табаофавы,

сыны Кероса, сыны Сіі, сыны Падона,

 

Сынове Кіросавы, сынове Сыіны, сынове Падонавы,

сыны Лебана, сыны Хагавы, сыны Шальмая,

 

Сынове Левановы, сынове Гаґавовы, сынове Шалмаёвы,

сыны Ханана, сыны Гіддэля, сыны Гахара,

 

Сынове Ганановы, сынове Ґіддэлявы, сынове Ґагаровы,

сыны Рэаі, сыны Рэцына, сыны Нэкоды,

 

Сынове Рэаіны, сынове Рэцынавы, сынове Некодзіны,

сыны Газама, сыны Уззы, сыны Пасэаха,

 

Сынове Ґазамовы, сынове Узіны, сынове Пасэаговы,

сыны Бэсая, сыны Мэуніма, сыны Нэфушэсіма,

 

Сынове Бесаёвы, сынове Меунімовы, сынове Нефушэсымовы,

сыны Бакбука, сыны Хакуфа, сыны Хархура,

 

Сынове Вакбуковы, сынове Гакуфовы, сынове Гаргуровы,

сыны Бацліта, сыны Мэхіды, сыны Харшы,

 

Сынове Бацліфовы, сынове Мегідзіны, сынове Гаршыны,

сыны Баркоса, сыны Сісэры, сыны Тамаха,

 

Сынове Баркосавы, сынове Сысэрыны, сынове Фемагавы,

сыны Нэцаяха, сыны Хатыфы;

 

Сынове Нецагавы, сынове Гатыфіны.

сыны слугаў Салямона: сыны Сатая, сыны Сафэрэта, сыны Пэрыды,

 

Сынове слугаў Салямонавых: сынове Сотаёвы, сынове Соферэфавы, сынове Перыдзіны,

сыны Яалы, сыны Даркона, сыны Гіддэля,

 

Сынове Яаліны, сынове Дарконавы, сынове Ґіддэлявы,

сыны Шэфатыі, сыны Хатылы, сыны Пахэрэт-Гацэбаіма, сыны Амона.

 

Сынове Шэфаціны, сынове Гатылавы, сынове Похерэф-Гацэбаімавы, сынове Амонавы.

Усіх нэтынэяў, сыноў слугаў Салямона — трыста дзевяноста два».

 

Усіх нефінеяў а сыноў слугаў Салямонавых трыста дзевяцьдзясят двух».

А вось тыя, якія прыйшлі з Тэль-Мэляху, Тэль-Харшы, Керуб-Адону і Іммэру, але яны не маглі паказаць дому бацькоў сваіх і насеньня свайго, ці яны з Ізраілю:

 

І гэтыя, што ўзышлі з Тэлмелагу, Тэлгаршы, Херуб-Адону а Імеру, але яны не маглі паказаць дому айцоў сваіх ані насеньня свайго, ці яны з Ізраелю:

сыны Дэлаі, сыны Товіі, сыны Нэкоды — шэсьцьсот сорак два.

 

Сынове Дэлаіны, сынове Товіны, сынове Некодзіны — шасьцьсот сорак двух.

А са сьвятароў: сыны Хабая, сыны Гаккоца, сыны Барзілая, які ўзяў жонку з дачок Барзілая з Гілеаду і быў названы імем іхнім.

 

Ізь сьвятароў: сынове Гобаіны, сынове Гаккоцавы, сынове Варзыляявы, каторы ўзяў жонку з дачок Варзыляя Ґілеадзяніна і пачаў звацца імям іхным.

Яны шукалі свайго запісу ў сьпісах, і ён не знайшоўся; і яны былі адлучаны ад сьвятарства,

 

Яны шукалі сваіх запісаў радаводных, і не знайшліся яны; затым і да сьвятарства сталі нячыстыя,

І Тыршата сказаў ім, каб яны ня елі са сьвятога сьвятых, пакуль не паўстане сьвятара з урымам і тумімам.

 

І Тыршафа сказаў ім, каб яны ня елі найсьвятшых рэчаў, пакуль ня стане сьвятар із урымам а туммімам.

Уся царква [налічвала] разам сорак дзьве тысячы трыста шэсьцьдзясят [чалавек],

 

Уся грамада разам сорак дзьве тысячы трыста шасьцьдзясят,

апрача слугаў іхніх і служак іхніх, якіх [было] сем тысячаў трыста трыццаць сем; і яны мелі дзьвесьце сорак пяць сьпевакоў і сьпявачак.

 

Апрача слугаў іхных а служэбак іхных, — гэтых было сем тысячаў трыста трыцць сем; і яны мелі дзьвесьце сорак пяць пяюноў а пяюльляў.

Коней іхніх [было] семсот трыццаць шэсьць, мулаў іхніх — дзьвесьце сорак пяць,

 

Коні іхных сямсот трыццаць шэсьць, мулаў іхных дзьвесьце сорак пяць,

вярблюдаў — чатырыста трыццаць пяць, аслоў — шэсьць тысячаў семсот дваццаць.

 

Вярблюдоў чатырыста трыццаць пяць, аслоў шэсьць тысячаў сямсот дваццаць.

І некаторыя з галоваў [дамоў] бацькоў далі [сродкі] на працы. Тыршата даў у скарбніцу тысячу драхмаў золата, пяцьдзясят келіхаў, пяцьсот трыццаць шатаў сьвятарскіх.

 

І часьць із галоваў айцоў далі на работу. Тыршафа даў да скарбу тысяча драхмаў золата, пяцьдзясят чараў, пяцьсот трыццаць сьвятарскіх адзецьцяў.

І галовы [дамоў] бацькоў далі ў скарбніцу на працы дваццаць тысячаў драхмаў золата і дзьве тысячы дзьвесьце мінаў срэбра.

 

Із галоваў айцоў далі да скарбу работы дваццаць тысячаў драхмаў золата й дзьве тысячы дзьвесьце мінаў срэбра.

І рэшта народу далі дваццаць тысячаў драхмаў золата, і дзьве тысячы мінаў срэбра, і шэсьцьдзясят сем шатаў сьвятарскіх.

 

І засталыя зь люду далі дваццаць тысячаў драхмаў золата, і дзьве тысячы мінаў срэбра, і шасьцьдзясят сем сьвятарскіх адзецьцяў.

І жылі сьвятары, і лявіты, і прыдзьвернікі, і сьпевакі, і нэтынэі, і [некаторыя] з народу, і ўвесь Ізраіль у гарадах сваіх. І калі настаў сёмы месяц, сыны Ізраіля [былі] ў гарадах сваіх.

 

Дык сьвятарове а Левітаве а брамнікі а пяюны а зь люду а нефінеі а ўвесь Ізраель жылі ў местах сваіх. І як настаў сёмы месяц, дык сынове Ізраелявы былі ў местах сваіх.