Да Каласянаў 3 разьдзел

 

 

А калі вы з Хрыстусам паўсталі, дык шукайце-ж наўзгорнага, дзе засеў Хрыстус праваруч Бога;

 

Дык калі вы былі ўваскрэшаны разам з Хрыстом, шукайце таго, што ўгары, дзе Хрыстос сядзіць праваруч Бога;

аб узвышным думайце, не аб зямным;

 

думайце аб тым, што ўгары, не аб тым, што на зямлі.

бо вы ўмярлі і жыцьцё вашае утоена з Хрыстусам у Богу;

 

Бо вы памерлі, і ваша жыццё схавана з Хрыстом у Богу;

калі-ж Хрыстус, які жыцьцём ёсьць вашым, зьявіцца, тады й вы разам зь Ім пакажацеся ў славе.

 

калі з’явіцца Хрыстос, ваша жыццё, тады з’явіцеся і вы з Ім у славе.

Прахтыкуйце, восьжа, умор нізкапохатных чэлесаў вашых: блудадзейства, распуснага бясстыдзтва, злоснае жорсьці, зажэрлівай прагавітасьці аж да балванахвальства.

 

Дык умярцвіце [вашы] члены, што на зямлі: распусту, нечысціню, юр, ліхую пажадлівасцьі хцівасць, якая ёсць ідалапаклонства.

За ўсё бо гэта падае гнеў Божы на сыноў няверства;

 

з-за якіх прыходзіць гнеў Божы на сыноў непакорлівасці.

у якіх і вы калісь хадзілі, як жылі між імі.

 

У чым і вы калісьці хадзілі, як жылі ў гэтым3;

Цяпержа гэта ўсё адкіньце: гнеў, закатную лютасьць, брыдамоўства.

 

але цяпер і вы адкладзіце ўсё гэта: гнеў, раз’юшанасць, злосць, зневажанне, брыдкаслоўе з вашых вуснаў;

Лгарства адзін другому, скінуўшы з сябе старога чалавека зь ягонымі паступкамі,

 

не хлусіце адзін аднаму, зняўшы з сябе старога чалавека з яго ўчынкамі

а прыадзеўшыся ў новага, (ўсьцяж) упадабняючагася пазнаваннем вобразу свайго Стварыцеля;

 

і адзеўшыся ў новага чалавека, які абнаўляецца ў пазнанне паводле вобраза Таго, Хто стварыў яго,

тым-то й няма (ўжо) Грэка, Жыда, абразання й неабразання, ні барбара, ні Скіта, ні нявольніка, ні вольнага, а ўсё ў ва ўсім — Хрыстус.

 

дзе няма эліна і іудзея, абразання і неабразання, варвара, скіфа, раба, свабоднага, а ўсё і ва ўсім — Хрыстос.

Прыазнадобцеся, восьжа, як выбранцы Божыя, сьвятыя й любыя, ў міласэрдзе прачулае, дабрату ласкавую, пакору, ціхасьць, лагоднасьць,

 

Дык апраніцеся, як выбранцы Божыя — святыя і ўлюбёныя — у міласэрнасць, дабрыню, пакорамудрасць, лагоднасць, доўгацярплівасць,

церпячы адзін другога й выбачаючы ўзаемна, каліб хто на каго скардзіўся: Як Госпад вам дараваў, гэтак і вы.

 

падтрымліваючы адзін аднаго і выбачаючы адзін аднаму, калі хто на каго мае скаргу; як і Госпад4 дараваў вам, так і вы даруйце.

А над усё — (майце) любасьць, катора ёсьць вязьзю дасканальнасьці,

 

А па-над усім гэтым апраніцесяў любоў, якая — сувязь дасканаласці.

і супакой Хрыстусавы, да якога вы пакліканы з вадным целе, хай валадарыць у сэрцах вашых; дый будзьце ўдзячнымі.

 

І няхай мір Хрыста5 гаспадарыць увашых сэрцах, у які вы былі і пакліканы ў адным целе; і будзьце ўдзячныя.

Слова Хрыстуса хай жыве у вас з усёю шчодрасьцю: навучайце й настаўляйце адны другіх з усякай мудрасьцяй, пабуджаючыся псальмамі і гымнамі ды духоўнымі песьнямі, піаючы ў ласцы Богу шчырым сэрцам.

 

Няхай слова Хрыстова багата жыве ў вас ва ўсёй мудрасці, навучайце і настаўляйце адзін аднаго псалмамі, гімнамі, духоўнымі песнямі, у ласцы спяваючы ў вашых сэрцах Богу6;

Усё, штою вы ні рабілі словам, ці дзелам, усё рабеце ў імя Усеспадара Езуса, дзякуючы праз Яго Айцу Богу.

 

І ўсё, што вы робіце словам ці ўчынкам, усё рабіце ў імя Госпада Ісуса, дзякуючы праз Яго Богу Бацьку.

Сужэнкі, будзьце падуладнымі мужом вашым, як прыстоіць па-Божаму.

 

Жонкі, падпарадкуйцеся [сваім] мужам, як належыць у Госпадзе.

Мужы, любеце сужэнак (вашых) і ня будзьце для іх прыкрымі.

 

Мужы, кахайце [сваіх] жонак і не будзьце суровыя да іх.

Дзеці будзьце бацьком у ва ўсім паслухмянымі, бо гэта падабаецца Богу.

 

Дзеці, слухайцеся бацькоў ва ўсім, бо гэта даспадобы Госпаду.

Бацькі, ня будзьце для дзяцей згрызьлівымі, каб яны ня падалі духам.

 

Бацькі, не раздражняйце вашых дзяцей, каб яны не заняпалі духам.

Слугі, будзьце ў ва ўсім паслушнымі гаспадаром сваім зямным, працуючы не для вока толькі прыпадабальнага, але із шчырым богабоязным сэрцам.

 

Рабы, слухайцеся ва ўсім цялесных гаспадароў, нез паказной паслужлівасцю, як тыя, хто дагаджаюць людзям, а ў шчырасці сэрца, баючыся Госпада.

І ўсё, штоб ні дзеелі вы, дзейце ад душы, як (самому) Богу, а ня людзям;

 

Што ні рабілі б вы, рабіце ад душы, як для Госпада, а не для людзей,

ведаючы, што ад Бога атрымаеце заплату спадчыны, Хрыстусу Усеспадару служэце.

 

ведаючы, што ад Госпада атрымаеце ва ўзнагароду спадчыну, бо Вы служыце Госпаду Хрысту:

Хто бо крыўдзіць, атрымае адплату за тое, што паступаў крыўдна (нягодна), бо у Бога няма ўзірання на асобу.

 

бо той, хто робіць няправедна, атрымае тое, што зрабіў няправедна, у Яго няма аглядак на асобы.