Псалтыр 126 псалом — Пераклад Антонія Бокуна → Пераклад Рыма-Каталіцкага Касцёла

Псалтыр 126 псалом

Псалтыр
Пераклад Антонія Бокуна → Пераклад Рыма-Каталіцкага Касцёла

Сьпеў узыходжаньня. Калі ГОСПАД вярнуў палонных Сыёну, мы былі як у сьне.

Былі тады вусны нашыя поўныя сьмеху, і язык наш — сьпяваньня. Казалі тады між паганамі: «Вялікае ГОСПАД з імі ўчыніў!»

Вялікае ГОСПАД з намі ўчыніў, і мы былі радасныя.

Вярні, ГОСПАДЗЕ, нашых палонных, як ручаі на [зямлю] паўднёвую.

Той, хто ў сьлёзах сеяў, жаць будзе са сьпяваньнем.

Тыя, што несьлі насеньне на пасеў, ішлі плачучы, але, вяртаючыся, вернуцца са сьпяваньнем, снапы свае несучы.