Нээміі 10 разьдзел

 

 

Тыя, што прыклалі пячаткі: Нээмія-Тыршата, сын Гахаліі, і Сэдэкія,

 

Прыклалі пячаткі: Нээмія — Тыршата, сын Гахаліі, і Сэдэкія

Сэрая, Азарыя, Ярэмія,

 

Сэрая, Азарыя, Ерамія,

Пашхур, Амарыя, Малхія,

 

Пашхур, Амарыя, Малхія,

Хаттуш, Шэванія, Малух,

 

Хатуш, Шэванія, Малух,

Харым, Мэрэмот, Абадыя,

 

Харым, Мэрэмот, Авадыя,

Даніэль, Гіннэтон, Барух,

 

Данііл, Гінэтон, Варух,

Мэшулям, Абія, Міямін,

 

Мэшулам, Авія, Міямін,

Маазія, Білгай, Шэмая; гэта сьвятары.

 

Маазія, Вілгай, Шэмая: гэта сьвятары.

І лявіты: Ешуа, сын Азаніі, Біннуй з сыноў Хэнадада, Кадміэль,

 

Лявіты: Ісус, сын Азаніі, Вінуй, з сыноў Хэнадада, Кадмііл,

і браты іхнія: Шэванія, Годыя, Келіта, Пэлая, Ханан,

 

і браты іхнія: Шэванія, Гадыя, Кліта, Фэлая, Ханан,

Міха, Рэхоў, Хашавія,

 

Міха, Рэхоў, Хашавія,

Заккур, Шэрэвія, Шэванія,

 

Закхур, Шэрэвія, Шэванія,

Годыя, Бані, Бэніну.

 

Гадыя, Ваній, Вэнінуй.

Галовы народу: Парош, Пахат-Мааў, Элям, Затту, Бані,

 

Узначальцы народа: Парош, Пахат-Мааў, Элам, Зату, Ванія,

Буні, Азгад, Бэвай,

 

Вуній, Азгад, Бэвай,

Адонія, Бігвай, Адын,

 

Аданія, Бігвай, Адын,

Атэр, Хізкія, Азур,

 

Атэр, Эзэкія, Азур,

Годыя, Хашум, Бэцай,

 

Гадыя, Хашум, Бэцай,

Харыф, Анатот, Нэвай,

 

Харыф, Анатот, Рэвай,

Магпіяш, Мэшулям, Хэзір,

 

Магніяш, Мэшулам, Хэзір,

Мэшэзабэль, Цадок, Яддуа,

 

Мэшэзавэл, Садок, Ядуй,

Пэлятыя, Ханан, Аная,

 

Фэлатыя, Ханан, Ананія,

Осія, Хананія, Хашуў,

 

Асія, Хананія, Хашуў,

Галяхеш, Пільха, Шавэк,

 

Лахэш, Пілха, Шавэк,

Рэхум, Хашаўна, Маасэя,

 

Рэхум, Хашаўна, Маасэя,

Ахія, Ханан, Анан,

 

Ахія, Ханан, Анан,

Малух, Харым, Баана.

 

Малух, Харым, Ваана.

І іншы народ, сьвятары, лявіты, прыдзьвернікі, сьпевакі, нэтынэі і ўсе, якія аддзяліліся ад народаў зямлі [гэтай] дзеля Закону Божага, жонкі іхнія і дочкі іхнія, усе, якія маглі разумець,

 

І іншы люд, сьвятары, лявіты, брамнікі, сьпевакі, нэтынэі і ўсе, што аддзяліліся ад іншаземных народаў да закона Божага, жонкі іхнія, сыны іхнія і дочкі іхнія, усе, што маглі разумець,

далучыліся да братоў сваіх, слаўных сваіх, і абавязаліся клятваю і прысягаю хадзіць паводле Закону Божага, які быў дадзены праз рукі Майсея, слугі Божага, і захоўваць, і спаўняць усе прыказаньні ГОСПАДА, Госпада нашага, і прысуды Ягоныя, і пастановы Ягоныя,

 

прысталі да братоў сваіх, да самых ганаровых зь іх, і ўступілі ў абавязанасьць з прысягаю і праклёнам — рабіць паводле закона Божага, які дадзены рукою Майсея, раба Божага, і захоўваць і выконваць усе запаведзі Госпада Бога нашага, пастановы Яго і прадпісаньні Ягоныя,

І не аддаваць дочак нашых народам зямлі гэтай, і дочак іхніх ня браць для сыноў нашых,

 

і не аддаваць дачок сваіх іншаземным народам, і іх дачок ня браць за сыноў сваіх;

і калі народы зямлі гэтай прывязуць у суботу тавары або ўсялякае збожжа, каб продаць, ня браць у іх у суботу або ў дзень сьвяты, і пакінуць [сяўбу] ў сёмы год, і [дараваць] усе даўгі.

 

і калі іншаземныя народы будуць прывозіць тавары і ўсё прадажнае ў суботу, ня браць у іх у суботу і ў сьвяты дзень, і ў сёмы год пакідаць пазыкі ўсялякага роду.

І прынялі мы для сябе прыказаньне, каб даваць ад кожнага трэцюю частку сыкля на служэньне ў Доме Бога нашага,

 

І паставілі мы сабе ў закон — даваць ад сябе па траціне сікля ў год на патрэбы дома Бога нашага:

на хлябы пакладныя, на штодзённую ахвяру хлебную і на штодзённае цэласпаленьне, на суботы, на маладзікі, на сьвяты, на рэчы сьвятыя і на ахвяры за грэх, каб перамольваць за Ізраіля, і на ўсякую працу ў Доме Бога нашага.

 

на хлябы пакладныя і на заўсёднае хлебнае прынашэньне і на заўсёднае цэласпаленьне, на суботы, на новыя месяцы, на сьвяты, на сьвятыя рэчы і на ахвяры за грэх дзеля ачышчэньня Ізраіля, і на ўсё, што робіцца ў доме Бога нашага.

І кінулі мы жэрабя пра ахвяраваньне дроваў, сьвятары, лявіты і народ, каб прыносіць іх у Дом Бога нашага ў вызначаны час, з году ў год, паводле дамоў бацькоў нашых, каб спальваць іх на ахвярніку ГОСПАДА, Бога нашага, як напісана ў Законе.

 

І кінулі мы жэрабі пра дастаўку дроў, сьвятары, лявіты і люд, калі якому пакаленьню нашаму ў назначаны час, год у год, прывозіць іх да дома Бога нашага, каб яны гарэлі на ахвярніку Госпада Бога нашага паводле напісанага ў законе.

І мы [прысягнулі] прыносіць пяршыны зямлі нашай і пяршыны ўсіх пладоў усіх дрэваў, з году ў год, у Дом ГОСПАДА,

 

І абавязаліся мы кожны год прыносіць у дом Гасподні пачаткі зь зямлі нашай і пачаткі ўсякіх пладоў з усяго дрэва;

і першародных сыноў нашых і са скаціны нашай, як напісана ў Законе, першародных валоў нашых і авечак нашых прыводзіць у Дом Бога нашага для сьвятароў, якія служаць у Доме Бога нашага.

 

таксама прыводзіць у дом Бога нашага да сьвятароў, якія служаць у доме Бога нашага, першынцаў з сыноў нашых і з быдла нашага, як напісана ў законе, і першароднае ад буйнога і дробнага быдла нашага.

і пачаткі цеста нашага, і дароў нашых, і плод усіх дрэваў, віна і алею прыносіць для сьвятароў у каморы Дому Бога нашага, і дзесяціны зямлі нашай [прыносіць] для лявітаў, і гэтыя лявіты будуць браць дзесяціны ў-ва ўсіх гарадах працы нашай.

 

І пачаткі з молатага хлеба нашага і прынашэньняў нашых, і пладоў з усякага дрэва, віна і алею мы будзем дастаўляць сьвятарам у кладоўкі пры доме Бога нашага і дзесяціну зь зямлі нашай лявітам. Яны, лявіты, будуць браць дзесяціну ва ўсіх гарадах, дзе ў нас земляробства.

І сьвятар, сын Аарона, будзе пры лявітах, калі лявіты будуць браць дзесяціны, і лявіты дадуць дзесяціну з дзесяцінаў у Дом Бога нашага, у каморы дому скарбніцы;

 

Пры лявітах, калі яны будуць браць лявіцкую дзесяціну, будзе прысутны сьвятар, сын Аарона, каб лявіты дзесяціну з сваіх дзесяцінаў вазілі ў дом Бога нашага ў пакоі, аддзеленыя ад кладоўкі,

бо ў гэтыя каморы будуць прыносіць сыны Ізраіля і сыны Левія дары збожжа, віна і алею; і там [таксама] начыньне, якое асьвячонае, сьвятары, якія служаць, прыдзьвернікі і сьпевакі. І мы не пакінем Дому Бога нашага!

 

бо ў гэтыя пакоі як сыны Ізраілевыя, так і лявіты павінны дастаўляць прынашэньні ў дарунак: хлеб, віно і алей. Так сьвятыя сасуды і службіты-сьвятары і брамнікі і сьпевакі. І мы не пакінем дома Бога нашага.