Нээміі 10 разьдзел

 

 

А паставілі пячаткі: Нэгэмія намеснік, сын Гахаліі, і Сэдэцыя,

 

Прыклалі пячаткі: Нээмія — Тыршата, сын Гахаліі, і Сэдэкія

Сарая, Азарыя, Ярэмія,

 

Сэрая, Азарыя, Ерамія,

Пасур, Амарыя, Мэльхія,

 

Пашхур, Амарыя, Малхія,

Гат, Сэбанія, Мэлух,

 

Хатуш, Шэванія, Малух,

Гарым, Мэрамот, Абдзія,

 

Харым, Мэрэмот, Авадыя,

Даніэль, Гэнтан, Барух,

 

Данііл, Гінэтон, Варух,

Масалам, Абія, Міямін,

 

Мэшулам, Авія, Міямін,

Маазія, Бэльгай, Сямэя — гэта святары.

 

Маазія, Вілгай, Шэмая: гэта сьвятары.

Затым левіты: Ешуа, сын Азаніі, Бэнуй, адзін з сыноў Гэнадада, Кадмігэль

 

Лявіты: Ісус, сын Азаніі, Вінуй, з сыноў Хэнадада, Кадмііл,

і браты іх: Сэбанія, Годыя, Келіта, Палая, Ханан,

 

і браты іхнія: Шэванія, Гадыя, Кліта, Фэлая, Ханан,

Міха, Рагоб, Гасабія,

 

Міха, Рэхоў, Хашавія,

Закхур, Сэрэбія, Сэбанія,

 

Закхур, Шэрэвія, Шэванія,

Годыя, Бані, Баніну.

 

Гадыя, Ваній, Вэнінуй.

Кіраўнікі народа: Парос, Пагатмааб, Элам, Зэтуа, Бані,

 

Узначальцы народа: Парош, Пахат-Мааў, Элам, Зату, Ванія,

Буні, Азгад, Бэбай,

 

Вуній, Азгад, Бэвай,

Адонія, Бэгвай, Адзін,

 

Аданія, Бігвай, Адын,

Атэр, Эзэкія, Азур,

 

Атэр, Эзэкія, Азур,

Годыя, Гасум, Бэсай,

 

Гадыя, Хашум, Бэцай,

Гарэф, Анатот, Нэбай,

 

Харыф, Анатот, Рэвай,

Мэгпія, Масала, Гэзір,

 

Магніяш, Мэшулам, Хэзір,

Мэсазабэль, Садок, Едуа,

 

Мэшэзавэл, Садок, Ядуй,

Пэлція, Ханан, Аная,

 

Фэлатыя, Ханан, Ананія,

Осія, Хананія, Гасуб,

 

Асія, Хананія, Хашуў,

Алогас, Палея, Сабэк,

 

Лахэш, Пілха, Шавэк,

Рэгум, Хасабна, Маасія,

 

Рэхум, Хашаўна, Маасэя,

Ахія, Ханан, Анан,

 

Ахія, Ханан, Анан,

Мэлух, Гарым, Баана.

 

Малух, Харым, Ваана.

І астатнія з народа, святары, левіты, прыдзверныя і спевакі, нявольнікі ды ўсе, якія аддзяліліся ад чужых народаў дзеля закону Божага; жонкі іх, сыны іх і дочкі іх, — усе, хто мог зразумець,

 

І іншы люд, сьвятары, лявіты, брамнікі, сьпевакі, нэтынэі і ўсе, што аддзяліліся ад іншаземных народаў да закона Божага, жонкі іхнія, сыны іхнія і дочкі іхнія, усе, што маглі разумець,

далучыліся да выдатнейшых братоў сваіх, прысягаючы і абяцаючы, што будуць хадзіць паводле закону Божага, які дадзены праз руку Майсея, паслугача Божага, і што будуць спаўняць і пільнаваць усе прыказанні Госпада, Бога нашага, і пастановы Яго, і законы Яго,

 

прысталі да братоў сваіх, да самых ганаровых зь іх, і ўступілі ў абавязанасьць з прысягаю і праклёнам — рабіць паводле закона Божага, які дадзены рукою Майсея, раба Божага, і захоўваць і выконваць усе запаведзі Госпада Бога нашага, пастановы Яго і прадпісаньні Ягоныя,

і што не будзем аддаваць дачок сваіх за чужынцаў, і не будзем браць дачок іх за жонак для сыноў сваіх.

 

і не аддаваць дачок сваіх іншаземным народам, і іх дачок ня браць за сыноў сваіх;

І калі ў дзень суботні чужынцы выставяць тавары і ўсякія харчы на продаж, дык не будзем браць ад іх у суботу і ў дзень асвячоны; а ў сёмы год мы даруем усякі доўг.

 

і калі іншаземныя народы будуць прывозіць тавары і ўсё прадажнае ў суботу, ня браць у іх у суботу і ў сьвяты дзень, і ў сёмы год пакідаць пазыкі ўсялякага роду.

І ўстанаўліваем сабе законы, каб штогод даваць трэцюю частку сікля на патрэбу дома Бога нашага,

 

І паставілі мы сабе ў закон — даваць ад сябе па траціне сікля ў год на патрэбы дома Бога нашага:

на пакладныя хлябы і на заўсёдную ахвяру з ежы, на заўсёднае цэласпаленне на суботы, на дні маладзіка, на святы і на асвячонае, і на ахвяру за грэх, каб атрымаць ачышчэнне для Ізраэля, ды на ўсякую патрэбу дома Бога нашага.

 

на хлябы пакладныя і на заўсёднае хлебнае прынашэньне і на заўсёднае цэласпаленьне, на суботы, на новыя месяцы, на сьвяты, на сьвятыя рэчы і на ахвяры за грэх дзеля ачышчэньня Ізраіля, і на ўсё, што робіцца ў доме Бога нашага.

Такім чынам, кінулі мы жэрабя пра ахвяру з дроў сярод святароў, і левітаў, і народа, каб па пакаленнях бацькоў нашых у вызначаны час, з года ў год дастаўляць дровы ў дом Бога нашага, каб яны гарэлі на ахвярніку Госпада, Бога нашага, як напісана было ў законе,

 

І кінулі мы жэрабі пра дастаўку дроў, сьвятары, лявіты і люд, калі якому пакаленьню нашаму ў назначаны час, год у год, прывозіць іх да дома Бога нашага, каб яны гарэлі на ахвярніку Госпада Бога нашага паводле напісанага ў законе.

і каб з года ў год мы прыносілі першароднае зямлі нашай і першыя плады з кожнага дрэва ў дом Госпада,

 

І абавязаліся мы кожны год прыносіць у дом Гасподні пачаткі зь зямлі нашай і пачаткі ўсякіх пладоў з усяго дрэва;

і, як напісана было ў законе, каб першароднае з сыноў нашых, і з жывёлы нашай, і з валоў нашых, і з авечак нашых прыносіць у дом Бога нашага для святароў, якія служаць у доме Бога нашага;

 

таксама прыводзіць у дом Бога нашага да сьвятароў, якія служаць у доме Бога нашага, першынцаў з сыноў нашых і з быдла нашага, як напісана ў законе, і першароднае ад буйнога і дробнага быдла нашага.

і пяршыні харчоў нашых, і ўзліванняў нашых, і плады з кожнага дрэва, таксама пяршыні вінаграду і аліўкавага алею мы будзем прыносіць святарам у камору дома Бога нашага, і дзесяціну з нашай зямлі — левітам. Самі левіты атрымоўваюць дзесяціны з усіх гарадоў гаспадаркі нашай.

 

І пачаткі з молатага хлеба нашага і прынашэньняў нашых, і пладоў з усякага дрэва, віна і алею мы будзем дастаўляць сьвятарам у кладоўкі пры доме Бога нашага і дзесяціну зь зямлі нашай лявітам. Яны, лявіты, будуць браць дзесяціну ва ўсіх гарадах, дзе ў нас земляробства.

А святар, сын Аарона, хай будзе разам з левітамі, калі яны будуць збіраць дзесяціны, і хай левіты прынясуць дзесятую частку дзесяціны ў камору скарбоўні ў доме Бога нашага.

 

Пры лявітах, калі яны будуць браць лявіцкую дзесяціну, будзе прысутны сьвятар, сын Аарона, каб лявіты дзесяціну з сваіх дзесяцінаў вазілі ў дом Бога нашага ў пакоі, аддзеленыя ад кладоўкі,

Бо ў камору павінны прыносіць сыны Ізраэля і сыны Леві пяршыні збожжа, віна і аліўкавага алею; і там хай будуць пасвечаныя пасудзіны, і святары, якія служаць, і прыдзверныя, і спевакі. І мы не пакінем дом Бога нашага.

 

бо ў гэтыя пакоі як сыны Ізраілевыя, так і лявіты павінны дастаўляць прынашэньні ў дарунак: хлеб, віно і алей. Так сьвятыя сасуды і службіты-сьвятары і брамнікі і сьпевакі. І мы не пакінем дома Бога нашага.