Ёіля 3 разьдзел
Кніга прарока Ёіля
Пераклад Чарняўскага 2017 → Пераклад Яна Пятроўскага
Бо, вось жа, у тыя дні і ў той час, калі Я змяню лёс Юды і Ерузаліма,
Бо вось, у тыя дні і ў тым самым часе, калі вярну з палону народ Юды і Ерузаліму,
Я збяру ўсе народы і завяду іх у даліну Язафата, і там учыню суд над імі за народ Мой і за спадчыну Маю, ізраэльцаў, якіх яны раскідалі паміж народамі, а зямлю Маю падзялілі.
Я зьбяру ўсе народы і прывяду іх на Ёзафатавую даліну і тамака ўчыню над імі суд за народ Мой і за спадчыну Маю, Ізраіля, якога яны расьцярушылі паміж народамі, і падзялілі зямлю Маю.
І пра народ Мой кідалі жэрабя, і аддавалі юнака за блудніцу, а дзяўчыну прадавалі за віно, каб пілі.
І аб народзе Маім яны кідалі лёсы і аддавалі юнака за блудніцу, і прадавалі дзяўчыну за віно, каб было што піць.
І што Мне вы, Тыр і Сідон, і ўсе акругі філістынскія? Ці вы хочаце адпомсціць Мне? Калі вы Мне такую помсту чыніце, вельмі хутка Я вашу помсту павярну на галаву вашу.
І што вы Мне, Тыр і Сыдон і ўсе акругі філістынскія? Мо' хочаце вы памставаць на Мяне? ці хочаце адплаціць Мне? лёгка і хутка Я кіну помсту вашую на голавы вашыя,
Забралі вы срэбра Маё і золата, і забралі каштоўнасці Мае, і занеслі ў святыні вашы.
Бо вы ўзялі серабро Маё і золата Маё, і найлепшыя каштоўнасьці Мае занесьлі ў бажніцы вашыя,
Сыноў Юды і сыноў Ерузаліма прадавалі вы сынам Грэцыі, каб аддаліць іх ад межаў сваіх.
А сыноў Юды і сыноў Ерузаліму прадавалі сынам Грэкаў, каб загнаць іх далёка ад межаў роднае зямлі іх.
Вось жа, Я выведу іх з месца, у якое вы іх прадалі, і помсту вашу павярну на галаву вашу.
Вось, Я ўзбуджу іх із таго месца, куды вы прадалі іх, і абярну помсту вашую на галаву вашую.
І прадам сыноў вашых і дачок вашых у рукі сыноў Юды, а яны прададуць іх сабэйцам, народу, які жыве далёка, бо так сказаў Госпад».
І аддам сыноў вашых і дачок вашых ў рукі сыноў Юды, і яны прададуць іх Сабэям, народу далёкаму; гэтак сказаў Госпад.
Абвясціце гэта між народамі, прыгатуйцеся да святой вайны, склічце волатаў! Хай прыходзяць і хай выступаюць усе ваяры.
Апавясьцеце гэта паміж народамі, падрыхтуйцеся да вайны, пабудзеце адважных; няхай выйдуць, падымуцца ўсе ваяры.
Перакуйце плугі вашы на мечы, і сярпы вашы — на дзіды; хай слабы кажа: «Я моцны».
Перакуйце лемяшы вашыя на мячы і сярпы вашыя — на копіі; слабы няхай кажа: я дужы!
Збярыцеся і прыйдзіце, усе народы сумежныя, ды збярыцеся там! Вядзі, Госпадзе, Тваіх волатаў.
Сьпяшэце і зыходзьцеся, усе народы сумежныя, і зграмадзьцеся; вядзі, Гогпадзе, туды ваяроў Тваіх дужых.
Хай паўстануць народы і сыдуць у даліну Язафата, там бо сяду Я, каб судзіць усе сумежныя народы.
Няхай паўстануць народы і зыйдуць на даліну Ёзафатавую; бо тамака Я сяду, каб судзіць усе народы зусюль.
Пашліце сярпы, бо наспела жніво, ідзіце і таўчыце, бо поўная тоўчня і выліваецца з тоўчні, бо вялікая ліхота іх.
Пусьцеце ў рух сярпы, бо жніва дасьпела, ідзеце, спусьцецеся ўніз, бо ціск поўны і пасуды пераліваюцца, бо злосьць іх вялікая.
Народы, народы ў даліне Прысуду, бо блізкі дзень Госпада ў даліне Прысуду.
Натоўпы, натоўпы ў даліне вырашэньня! бо блізкі дзень Госпадавы ў даліне суду!
Сонца і месяц пацямнелі, і зоркі страцілі бляск свой.
Сонца і месяц зацьмяцца і зоркі згубяць бліск свой.
І Госпад загрыміць з Сіёна, і з Ерузаліма падыме голас Свой; і ўзварухнуцца нябёсы і зямля, Госпад жа будзе прытулкам народу Свайму і цвярдыняй для сыноў Ізраэля.
І загрыміць Госпад з Сыону і дасьць пачуць голас Свой зь Ерузаліму; задрыжаць неба і зямля; але Госпад будзе абаронаю для народу Свайго і крэпасьцю для сыноў Ізраілевых.
«Дык пазнаеце тады, што Я — Госпад, Бог ваш, Які жыве на Сіёне, гары Маёй святой; і Ерузалім будзе месцам святым, і чужынцы больш не будуць праходзіць праз яго.
Тады пазнацімеце, што Я — Госпад Бог ваш, што жыве на Сыоне, на сьвятой гары Сваёй; і будзе Ерузалім сьвятыняю, і ня будуць ужо чужынцы праходзіць празь яго.
І станецца таго дня: горы будуць сцякаць вінаградным сокам, і ўзгоркі аплываць будуць малаком, і па ўсіх ручаях Юдэі пабягуць воды, а з дома Госпада выцячэ крыніца і напоіць даліну Сэтым.
І станецца ў той дзень: горы будуць капаць віном і ўзгоркі пацякуць малаком і ўсе патокі Юдэйскія напоўняцца вадою, а з дому Госпада выйдзе крыніца і будзе расіць даліну Шыцім.
Егіпет пойдзе на спусташэнне, і Эдом станецца бязлюднай пустыняй, таму што ліха чынілі адносна сыноў Юды і пралівалі кроў бязвінную ў зямлі іх.
Эгіпет станецца тады пустыняю і Эдом будзе пустым стэпам — за тое, што яны ўціскалі сыноў Юдавых і пралівалі непавінную кроў на іхнай зямлі.
А зямля Юдэйская будзе заселеная вечна, а Ерузалім — з пакалення ў пакаленне.
А Юда будзе жыць вечна і Ерузалім — з роду ў род.
І адпомшчу за кроў іх, не пакіну без пакарання, і Госпад зажыве на Сіёне».
Я змыю кроў іх, якое ня змыў яшчэ, і Госпад будзе прабываць на Сыоне.