Да Каласянаў 3 разьдзел
Пасланьне да Каласянаў
Пераклад Анатоля Клышкi → Пераклад Чарняўскага 2012
Дык калі вы былі ўваскрэшаны разам з Хрыстом, шукайце таго, што ўгары, дзе Хрыстос сядзіць праваруч Бога;
Дык калі вы ўваскрэслі з Хрыстом, шукайце таго, што ўгары ёсць, дзе Хрыстос сядзіць праваруч Бога;
думайце аб тым, што ўгары, не аб тым, што на зямлі.
пра ўзгорнае думайце, а не пра зямное.
Бо вы памерлі, і ваша жыццё схавана з Хрыстом у Богу;
Бо вы — памерлыя, і жыццё ваша пахавана з Хрыстом у Богу!
калі з’явіцца Хрыстос, ваша жыццё, тады з’явіцеся і вы з Ім у славе.
Калі аб’явіцца Хрыстос, жыццё ваша, тады і вы аб’явіцеся з Ім у хвале.
Дык умярцвіце [вашы] члены, што на зямлі: распусту, нечысціню, юр, ліхую пажадлівасцьі хцівасць, якая ёсць ідалапаклонства.
Дык мярцвіце члены вашыя, што на зямлі: распусту, нячыстасць, чужаложства, ліхія пажаданні і сквапнасць, якая ёсць балванапаклонства,
з-за якіх прыходзіць гнеў Божы на сыноў непакорлівасці.
праз якія надыходзіць гнеў Божы на дзяцей нявер’я,
У чым і вы калісьці хадзілі, як жылі ў гэтым3;
сярод якіх і вы калісьці жылі, калі былі між імі.
але цяпер і вы адкладзіце ўсё гэта: гнеў, раз’юшанасць, злосць, зневажанне, брыдкаслоўе з вашых вуснаў;
Але цяпер адкіньце і вы ўсё: гнеў, мсцівасць, злосць, блюзненні і брыдкія словы з вуснаў вашых.
не хлусіце адзін аднаму, зняўшы з сябе старога чалавека з яго ўчынкамі
Не хлусіце адзін аднаму вы, што скінулі з сябе старога чалавека з яго ўчынкамі
і адзеўшыся ў новага чалавека, які абнаўляецца ў пазнанне паводле вобраза Таго, Хто стварыў яго,
і прыадзеліся ў новага, які несупынна аднаўляецца ў пазнанні па ўзоры Таго, Які яго стварыў,
дзе няма эліна і іудзея, абразання і неабразання, варвара, скіфа, раба, свабоднага, а ўсё і ва ўсім — Хрыстос.
дзе ўжо няма грэка і юдэя, абрэзанага ці неабрэзанага, іншаземца, скіфа, нявольніка і вольнага, але ўсё і ва ўсім Хрыстос.
Дык апраніцеся, як выбранцы Божыя — святыя і ўлюбёныя — у міласэрнасць, дабрыню, пакорамудрасць, лагоднасць, доўгацярплівасць,
Дык апраніцеся як выбраннікі Божыя, святыя і ўлюбёныя, у сэрца спагаднае, ласкавасць, пакорлівасць, сціпласць, цярплівасць,
падтрымліваючы адзін аднаго і выбачаючы адзін аднаму, калі хто на каго мае скаргу; як і Госпад4 дараваў вам, так і вы даруйце.
церпячы адны адных і прабачаючы адны адным, калі хто да каго мае жаль; як Госпад дараваў вам, так і вы.
А па-над усім гэтым апраніцесяў любоў, якая — сувязь дасканаласці.
А па-над усё апраніцеся ў любоў, якая ёсць вузел дасканаласці.
І няхай мір Хрыста5 гаспадарыць увашых сэрцах, у які вы былі і пакліканы ў адным целе; і будзьце ўдзячныя.
І супакой Хрыстоў, да якога вы і пакліканы ў адным целе, хай пануе ў сэрцах вашых. І будзьце ўдзячныя.
Няхай слова Хрыстова багата жыве ў вас ва ўсёй мудрасці, навучайце і настаўляйце адзін аднаго псалмамі, гімнамі, духоўнымі песнямі, у ласцы спяваючы ў вашых сэрцах Богу6;
Хай шчодра прабывае ў вас слова Хрыста, каб з усёю мудрасцю адны адных навучалі і настаўлялі ды каб з удзячнасцю Богу ў сэрцах вашых спявалі вы псалмы, гімны і песні духоўныя.
І ўсё, што вы робіце словам ці ўчынкам, усё рабіце ў імя Госпада Ісуса, дзякуючы праз Яго Богу Бацьку.
І ўсё, што робіце словам ці дзеяннем, усё ў імя Госпада Ісуса, дзякуючы праз Яго Богу Айцу.
Жонкі, падпарадкуйцеся [сваім] мужам, як належыць у Госпадзе.
Жонкі, будзьце паслухмянымі мужам, як належыць у Госпадзе.
Мужы, кахайце [сваіх] жонак і не будзьце суровыя да іх.
Мужы, любіце жонак і не будзьце для іх прыкрымі.
Дзеці, слухайцеся бацькоў ва ўсім, бо гэта даспадобы Госпаду.
Дзеці, слухайце бацькоў ва ўсім, бо гэта падабаецца Госпаду.
Бацькі, не раздражняйце вашых дзяцей, каб яны не заняпалі духам.
Бацькі, не раздражняйце дзяцей вашых, каб яны не слабелі духам.
Рабы, слухайцеся ва ўсім цялесных гаспадароў, нез паказной паслужлівасцю, як тыя, хто дагаджаюць людзям, а ў шчырасці сэрца, баючыся Госпада.
Нявольнікі, слухайцеся ва ўсім гаспадароў цялесных, не на вачах служачы, каб людзям падабацца, але ў прастаце сэрца, баючыся Бога.
Што ні рабілі б вы, рабіце ад душы, як для Госпада, а не для людзей,
Усё, што ні робіце, ад душы рабіце, як Богу, а не людзям,
ведаючы, што ад Госпада атрымаеце ва ўзнагароду спадчыну, бо Вы служыце Госпаду Хрысту:
ведаючы, што ў Госпада атрымаеце ва ўзнагароду спадчыну, бо вы служыце Госпаду Хрысту.
бо той, хто робіць няправедна, атрымае тое, што зрабіў няправедна, у Яго няма аглядак на асобы.
Хто чыніць несправядлівасць, атрымае тое, што зрабіў нягодна, бо ў Бога няма зважання на асобы.
