Да Каласянаў 3 разьдзел

Пасланьне да Каласянаў
Пераклад Чарняўскага 2017 → Пераклад Чарняўскага 2012

 
 

Дык калі вы ўваскрэслі з Хрыстом, шукайце таго, што ўгары ёсць, дзе Хрыстос сядзіць праваруч Бога;
 
Дык калі вы ўваскрэслі з Хрыстом, шукайце таго, што ўгары ёсць, дзе Хрыстос сядзіць праваруч Бога;

пра ўзгорнае думайце, а не пра зямное.
 
пра ўзгорнае думайце, а не пра зямное.

Бо вы — памерлыя, і жыццё ваша пахавана з Хрыстом у Богу!
 
Бо вы — памерлыя, і жыццё ваша пахавана з Хрыстом у Богу!

Калі аб’явіцца Хрыстос, жыццё ваша, тады і вы аб’явіцеся з Ім у славе.
 
Калі аб’явіцца Хрыстос, жыццё ваша, тады і вы аб’явіцеся з Ім у хвале.

Дык мярцвіце члены вашыя, што на зямлі: распусту, нячыстасць, чужаложства, ліхія пажаданні і сквапнасць, якая ёсць балванапаклонства,
 
Дык мярцвіце члены вашыя, што на зямлі: распусту, нячыстасць, чужаложства, ліхія пажаданні і сквапнасць, якая ёсць балванапаклонства,

праз якія надыходзіць гнеў Божы на дзяцей нявер’я,
 
праз якія надыходзіць гнеў Божы на дзяцей нявер’я,

сярод якіх і вы калісьці жылі, калі былі між імі.
 
сярод якіх і вы калісьці жылі, калі былі між імі.

Але цяпер адкіньце і вы ўсё: гнеў, мсцівасць, злосць, блюзненні і брыдкія словы з вуснаў вашых.
 
Але цяпер адкіньце і вы ўсё: гнеў, мсцівасць, злосць, блюзненні і брыдкія словы з вуснаў вашых.

Не хлусіце адзін аднаму вы, што скінулі з сябе старога чалавека з яго ўчынкамі
 
Не хлусіце адзін аднаму вы, што скінулі з сябе старога чалавека з яго ўчынкамі

і апрануліся ў новага, які несупынна аднаўляецца ў пазнанні па ўзоры Таго, Які яго стварыў,
 
і прыадзеліся ў новага, які несупынна аднаўляецца ў пазнанні па ўзоры Таго, Які яго стварыў,

дзе ўжо няма грэка і юдэя, абразання і неабразання, іншаземца, скіфа, нявольніка і вольнага, але ўсё і ва ўсім Хрыстос.
 
дзе ўжо няма грэка і юдэя, абрэзанага ці неабрэзанага, іншаземца, скіфа, нявольніка і вольнага, але ўсё і ва ўсім Хрыстос.

Дык апраніцеся як выбраннікі Божыя, святыя і ўлюбёныя, у сэрца спагаднае, ласкавасць, пакорлівасць, сціпласць, доўгацярплівасць,
 
Дык апраніцеся як выбраннікі Божыя, святыя і ўлюбёныя, у сэрца спагаднае, ласкавасць, пакорлівасць, сціпласць, цярплівасць,

церпячы адны адных і прабачаючы адны адным, калі хто да каго мае жаль; як Хрыстос дараваў вам, так і вы.
 
церпячы адны адных і прабачаючы адны адным, калі хто да каго мае жаль; як Госпад дараваў вам, так і вы.

А па-над усё апраніцеся ў любоў, якая ёсць сукупнасць дасканаласці.
 
А па-над усё апраніцеся ў любоў, якая ёсць вузел дасканаласці.

І супакой Бога, да якога вы і пакліканы ў адным целе, хай пануе ў сэрцах вашых. І будзьце ўдзячныя.
 
І супакой Хрыстоў, да якога вы і пакліканы ў адным целе, хай пануе ў сэрцах вашых. І будзьце ўдзячныя.

Хай шчодра прабывае ў вас слова Хрыста, каб з усёю мудрасцю адны адных навучалі і настаўлялі ды каб з удзячнасцю Госпаду ў сэрцах вашых спявалі вы псальмы, гімны і песні духоўныя.
 
Хай шчодра прабывае ў вас слова Хрыста, каб з усёю мудрасцю адны адных навучалі і настаўлялі ды каб з удзячнасцю Богу ў сэрцах вашых спявалі вы псалмы, гімны і песні духоўныя.

І ўсё, што робіце словам ці дзеяннем, усё ў імя Госпада Ісуса, дзякуючы праз Яго Богу і Айцу.
 
І ўсё, што робіце словам ці дзеяннем, усё ў імя Госпада Ісуса, дзякуючы праз Яго Богу Айцу.

Жонкі, будзьце паслухмянымі сваім мужам, як належыць у Госпадзе.
 
Жонкі, будзьце паслухмянымі мужам, як належыць у Госпадзе.

Мужы, любіце жонак і не будзьце для іх прыкрымі.
 
Мужы, любіце жонак і не будзьце для іх прыкрымі.

Дзеці, слухайце бацькоў ва ўсім, бо гэта падабаецца Госпаду.
 
Дзеці, слухайце бацькоў ва ўсім, бо гэта падабаецца Госпаду.

Бацькі, не раздражняйце дзяцей вашых, каб яны не слабелі духам.
 
Бацькі, не раздражняйце дзяцей вашых, каб яны не слабелі духам.

Нявольнікі, слухайцеся ва ўсім гаспадароў цялесных, не на вачах служачы, як дагаджаючы людзям, але ў прастаце сэрца, баючыся Бога.
 
Нявольнікі, слухайцеся ва ўсім гаспадароў цялесных, не на вачах служачы, каб людзям падабацца, але ў прастаце сэрца, баючыся Бога.

Усё, што ні робіце, ад душы рабіце, як Богу, а не людзям,
 
Усё, што ні робіце, ад душы рабіце, як Богу, а не людзям,

ведаючы, што ў Госпада атрымаеце ва ўзнагароду спадчыну, бо вы служыце Госпаду Хрысту.
 
ведаючы, што ў Госпада атрымаеце ва ўзнагароду спадчыну, бо вы служыце Госпаду Хрысту.

Хто чыніць несправядлівасць, атрымае тое, што зрабіў нягодна, бо [ў Бога] няма зважання на асобы.
 
Хто чыніць несправядлівасць, атрымае тое, што зрабіў нягодна, бо ў Бога няма зважання на асобы.