Біблія

Ёва 35 разьдзел

Кніга Ёва
Пераклад Яна Станкевіча → Дабравесця / «Спадчына»; Клышка

І адказаў Елігу, і сказаў:

«Ці гэта ты ўважаеш за справядлівасьць, што ты сказаў: "Я справядліўшы за Бога"?

Дык ты кажаш: "Якая карысьць табе? Якая выгранка імне перад тым, як калі б я й грашыў?"

Я адкажу табе словамі і прыяцелям тваім із табою:

Глянь на нябёсы й абач; і глядзі на булакі, каторыя вышшыя за цябе.

Калі ты грэшыш, што чыніш ты Яму? і калі выступы твае множацца, што зробіш ты Яму?

Калі ты справядлівы, што даеш Яму, альбо што Ён із рукі твае можа ўзяць?

Нягоднасьць твая датыкаецца да людзіны, як ты, і справядлівасьць твая да сына людзкога.

Ад множасьці глабаньня крычаць і ад рукі дужых галосяць;

Але ніхто ня кажа: "Ідзе Бог, Стварыцель мой, Каторы даець песьні ночы,

Каторы болей нас вуча, чымся жывёлу земную, і чыне мудрэйшымі нас, чымся птушкі нябёсныя?"

Там яны галосяць, але Ён не адказуе, з прычыны гордасьці благіх людзёў.

Напэўна Бог ня слухае пустога галашэньня, ані Ўсемагучы не глядзіць на яго.

Хоць ты кажаш, што ня бачыш Яго; але суд ё ў Яго, і жджы Яго.

І цяпер, затым што Ён не даведаўся гневам Сваім і ня вельма хацеў знаць пыхі іхнае,

Ёў дарма адчыніў вусны свае і бязь веданьня множа словы».