Ёва 35 разьдзел
Кніга Ёва
Пераклад Яна Станкевіча → Пераклад Васіля Сёмухі
І адказаў Елігу, і сказаў:
І гаварыў далей Эліуй і сказаў:
«Ці гэта ты ўважаеш за справядлівасьць, што ты сказаў: "Я справядліўшы за Бога"?
ці лічыш ты справядлівым, што сказаў: «я праўдзівейшы за Бога»?
Дык ты кажаш: "Якая карысьць табе? Якая выгранка імне перад тым, як калі б я й грашыў?"
Ты сказаў: «якая карысьць мне? і які прыбытак я меў бы перад тым, як калі б я і грашыў?»
Я адкажу табе словамі і прыяцелям тваім із табою:
Я адкажу табе і тваім сябрам з табою:
Глянь на нябёсы й абач; і глядзі на булакі, каторыя вышшыя за цябе.
зірні на неба і глядзі; падзівіся на воблакі, яны вышэй за цябе.
Калі ты грэшыш, што чыніш ты Яму? і калі выступы твае множацца, што зробіш ты Яму?
Калі ты грэшыш, што робіш ты Яму? і калі злачынствы твае памнажаюцца, што прычыняеш ты Яму?
Калі ты справядлівы, што даеш Яму, альбо што Ён із рукі твае можа ўзяць?
Калі ты справядлівы, што робіш Яму? альбо што атрымлівае Ён з рукі тваёй?
Нягоднасьць твая датыкаецца да людзіны, як ты, і справядлівасьць твая да сына людзкога.
Бязбожнасьць твая ў чалавеку, як ты, і справядлівасьць твая ў сыне чалавечым.
Ад множасьці глабаньня крычаць і ад рукі дужых галосяць;
Ад мноства прыгнятальнікаў стогнуць прыгнечаныя і ад рукі моцных лямантуюць;
Але ніхто ня кажа: "Ідзе Бог, Стварыцель мой, Каторы даець песьні ночы,
але ніхто ня кажа: дзе Бог, творца мой, Які дае песьні ўначы,
Каторы болей нас вуча, чымся жывёлу земную, і чыне мудрэйшымі нас, чымся птушкі нябёсныя?"
Які вучыць нас больш, чым жывёл зямных, і настаўляе на розум нас болей, чым птушак нябесных?
Там яны галосяць, але Ён не адказуе, з прычыны гордасьці благіх людзёў.
Там яны лямантуюць, і Ён не адказвае ім, з прычыны гонару ліхіх людзей.
Напэўна Бог ня слухае пустога галашэньня, ані Ўсемагучы не глядзіць на яго.
Але няпраўда, што Бог ня чуе і Ўсеўладны не глядзіць на гэта.
Хоць ты кажаш, што ня бачыш Яго; але суд ё ў Яго, і жджы Яго.
Хоць ты сказаў, што ты ня бачыш Яго, але суд прад Ім, — чакай яго.
І цяпер, затым што Ён не даведаўся гневам Сваім і ня вельма хацеў знаць пыхі іхнае,
А сёньня, таму што гнеў Ягоны не наведаў яго і ён не спазнаў яго ва ўсёй строгасьці,
Ёў дарма адчыніў вусны свае і бязь веданьня множа словы».
Ёў і адкрыў лёгкадумна вусны свае і безразважна раскідае словы.
