Ёва 35 разьдзел
Кніга Ёва
Пераклад Яна Станкевіча → Пераклад Чарняўскага 2017
І адказаў Елігу, і сказаў:
Тады Элію вось што сказаў:
«Ці гэта ты ўважаеш за справядлівасьць, што ты сказаў: "Я справядліўшы за Бога"?
«Ці справядлівай здаецца табе твая думка, што ты сказаў: “Апраўданне маё — перад Богам”?
Дык ты кажаш: "Якая карысьць табе? Якая выгранка імне перад тым, як калі б я й грашыў?"
Бо сказаў ты: “Што карысці табе? Які прыбытак будзе табе, калі б я ўчыніў грэх?”
Я адкажу табе словамі і прыяцелям тваім із табою:
Дык я адкажу на твае прамовы і прыяцелям тваім разам з табой.
Глянь на нябёсы й абач; і глядзі на булакі, каторыя вышшыя за цябе.
Глянь на неба і прыгледзься; і паглядзі на хмары, што яны вышэйшыя за цябе.
Калі ты грэшыш, што чыніш ты Яму? і калі выступы твае множацца, што зробіш ты Яму?
Калі ты ўчыніш грэх, што зробіш ты Яму? А калі злачыннасці твае будуць памнажацца, што зробіш ты супраць Яго?
Калі ты справядлівы, што даеш Яму, альбо што Ён із рукі твае можа ўзяць?
А калі будзеш чыніць справядліва, што падаруеш Яму? Або што атрымае Ён з тваёй рукі?
Нягоднасьць твая датыкаецца да людзіны, як ты, і справядлівасьць твая да сына людзкога.
Чалавеку, падобнаму да цябе, бязбожнасць твая пашкодзіць, а справядлівасць твая дапаможа сыну чалавечаму.
Ад множасьці глабаньня крычаць і ад рукі дужых галосяць;
Ад мноства крыўдзіцеляў будуць крычаць, і стагнаць будуць праз сілу рукі прыгнятальнікаў.
Але ніхто ня кажа: "Ідзе Бог, Стварыцель мой, Каторы даець песьні ночы,
Але ніхто не сказаў: “Дзе ж Бог, Які мяне стварыў, Які даў спевы ноччу,
Каторы болей нас вуча, чымся жывёлу земную, і чыне мудрэйшымі нас, чымся птушкі нябёсныя?"
Які вучыць нас болей за зямных жывёл, і больш за птушак паднебных дае нам мудрасць?”
Там яны галосяць, але Ён не адказуе, з прычыны гордасьці благіх людзёў.
Там яны лямантуюць, але Ён не выслухае з прычыны пыхлівасці злачынцаў.
Напэўна Бог ня слухае пустога галашэньня, ані Ўсемагучы не глядзіць на яго.
Канешне, марна: не пачуе Бог і не ўбачыць Усемагутны.
Хоць ты кажаш, што ня бачыш Яго; але суд ё ў Яго, і жджы Яго.
Хоць ты сказаў: “Ня бачу Яго”, але суд перад Ім — чакай яго.
І цяпер, затым што Ён не даведаўся гневам Сваім і ня вельма хацеў знаць пыхі іхнае,
І цяпер, калі ты гаворыш: “Гнеў Яго не прыносіць пакаранняў, і Ён не помсціць моцна за злачынства”;
Ёў дарма адчыніў вусны свае і бязь веданьня множа словы».
надарма Ёў адчыніў вусны свае і бяздумна словы памнажае».
