Ёва 34 разьдзел
Кніга Ёва
Пераклад Яна Станкевіча → Пераклад Чарняўскага 2017
І адказаў Елігу, і сказаў:
І, працягваючы далей, сказаў Элію таксама наступнае:
«Слухайце, мудрыя, словы мае, і, ведаючыя, нахініце вуха да мяне;
«Мудрыя, выслухайце словы мае і, адукаваныя, прыхіліце вушы,
Бо вуха прабуе словы, а паднябеньне спытуе ежу.
бо вуха выпрабоўвае словы, як горла страву на смак распазнае.
Выбярыма сабе права, і вызначма мяжсобку, што добрае.
Разбяромся для сябе, што справядлівае, і разгледзім паміж сабою, што лепшае.
Бо сказаў Ёў: "Мая праўда, але Бог адхінуў суд мой.
Ёў вось сказаў: “Я справядлівы, а Бог пазбавіў мяне суда.
Ці маю я маніць праз суд свой? Рана мая невылячальная бяз выступу".
У судзе ж маім — падман. Вялікая рана мая, а я без ніякага граху”.
Хто людзіна, як Ёў, што п’ець насьмех, як ваду,
Хто такі чалавек, як Ёў, які п’е знявагу, як ваду,
І падарожжуе ў таварыстве зь ліхадзеямі, і ходзе зь людзьмі нягоднымі?
які крочыць разам з тымі, што чыняць несправядлівасць, і ходзіць нават з людзьмі бязбожнымі?
Бо ён сказаў: "Няма карысьці чалавеку, калі ён мае зычлівасьць у Бога".
Бо ён сказаў: “Няма карысці чалавеку, калі ён чыніць прыязнае Богу”.
Дык, людзі разумныя, паслухайце мяне, хай Бог крые, каб у Бога была нягоднасьць, і ў Усемагучага бяспраўе.
Дык паслухайце мяне, людзі разумныя! Будзь далёкі ад Бога, о грэх, і беззаконне — ад Усемагутнага.
Бо подле ўчынку чалавека Ён адплаце яму, і подле падарожжа людзіны Ён знойдзе яе.
Бо за справу чалавека Ён аддасць яму, і паводле шляхоў кожнага верне назад яму.
Запраўды, Бог ня чыне нягодна, і Ўсемагучы не перакручуе суду.
Сапраўды, Бог не чыніць ліха і Усемагутны не парушыць суд.
Хто паручыў Яму зямлю, і хто ўзлажыў на Яго цэлы сьвет?
Хто даручыў яму зямлю сваю, або хто заснаваў увесь сусвет?
Калі б Ён зьвярнуў да Сябе сэрца Свае, забраў да Сябе дух Свой а дых Свой, —
Калі б Ён накіраваў да Сябе сэрца яго ды ўзяў да Сябе дух яго і дыханне,
Усе цела разам зьнішчэла б, і чалавек абярнуўся б у пыл.
то прапала б адразу кожнае цела, і чалавек перамяніўся б у парахно.
Дык, калі ты маеш розун, то слухай гэта і ўважай на голас слова майго.
Дык калі маеш ты розум, чуў гэта і ўслухаўся ў голас слоў маіх.
Ці можа ненавіднік суду радзіць каго? і ці можаш вінаваць Магучага-Справядлівага?
Няўжо той, хто не любіць праўды, будзе мець уладу? Ці асудзіш ты Найсправядлівейшага,
Ці скажаш каралю: "Веляле", і дабрадзеям: "Нягоднікі"?
Які скажа цару: “Нягоднік!”, Які можа назваць князёў: “Бязбожныя!”,
Ён, Каторы не глядзіць на асобы князёў і ня важа багатага болей чымся беднага, бо ўсі яны — работа рук Ягоных?
Які не глядзіць на асобы князёў і не зважае на багатага, калі ён судзіцца з бедным? Бо ўсе яны — справа рук Яго.
Якга яны паміраюць; і сярод ночы люд узрушыцца, і прамінуць; і магучага забіраюць бяз рукі.
Неспадзявана паміраюць яны; і сярод ночы ўзрушацца народы, і яны пройдуць, і моцнага выганяць без цяжкасці.
Бо вочы Ягоныя над дарогамі людзіны, і Ён бача ўсі сігні ейныя.
Бо вочы Яго — над дарогамі людзей, і Ён бачыць усе крокі іх.
Нямаш цемні ані сьценю сьмяротнага, ідзе маглі б схавацца ліхадзеі.
Няма цемры, ані ценю смерці, каб там маглі схавацца тыя, што чыняць несправядлівасць.
Бо Ён ужо не вымагае ад чалавека, каб ішоў на суд із Богам.
Не вызначае Ён больш для чалавека часу, каб той ішоў да Бога на суд.
Ён крыша магучых без прасокі і ставе іншых на іхнае месца.
Ён сатрэ магутных без даследавання і замест іх паставіць іншых.
Дык, пазнаючы іх із работаў іхных, Ён вале іх ночы, і яны крышацца.
Паколькі ведае Ён учынкі іх, то прывядзе ноч, — і быць ім знішчанымі.
Як нягоднікаў, Ён тнець іх на ачох глядзеньнікаў,
Ён паражае іх, як бязбожнікаў, перад вачамі іншых,
Бо яны адступілі ад Яго і ніякіх дарогаў Ягоных не разумелі,
тых, якія быццам бы знарок адвярнуліся ад Яго і не захацелі разумець усіх шляхоў Яго,
Каб прывесьці да Яго крык бедных, і крык убогіх каб Ён учуў.
бо ўспрыняў Ён крык няшчаснага і пачуў голас бедных.
Як Ён сьцішае, хто можа вінаваць? Як схавае від Свой, хто можа абачыць Яго? Ці будзе гэта народ, ці чалавек, — усе адно,
Бо калі Ён будзе ў супакоі, хто асудзіць; а калі Ён схавае аблічча Сваё, хто можа Яго ўбачыць? Будзе гэта для народа і для аднаго чалавека;
Каб двудушнік не караляваў, каб ня сіляць люд.
хай не валадарыць чалавек бязбожны і не будзе ён пасткай для народа.
Пэўне маюць казаць Богу: "Я зарабіў, ня буду горшаць.
Калі хто кажа Богу: “Я змушаны быў учыняць, не буду больш грашыць.
Вонках бачаньня майго Ты ўчы мяне; калі я зрабіў бяспраўе, наперад ня буду рабіць".
Пакуль мне бачыць, Ты вучы мяне; калі я зрабіў злачынства, болей не буду”.
Ці затым, што Ён ня ўчыніў патвойму, ты гэта ўлегцы маеш, ці ты абіраеш, а ня я? Дык, што ведаеш, кажы.
Няўжо табе не будзе адплачана за тое, што ты пагарджаў Ім? Ты ж выбіраць будзеш, а не я; і, калі ты ведаеш штосьці — гавары.
Людзі разумныя скажуць імне, і муж мудры, каторы слухае мяне, скажа:
Людзі разумныя скажуць мне, і мудры чалавек, які паслухае мяне:
"Ёў бязь веданьня гукае, і словы ягоныя неразумныя".
“А Ёў неразумна кажа, і словы яго не выяўляюць разважнасці”.
Я зычыў бы, каб выпрабаваны быў Ёў на векі за адказ, як нягодным людзём;
Ва ўсякім разе, хай будзе Ёў правераны да канца, паводле адказаў людзей няцноты.
Бо ён дадаець да свайго грэху выступ, пляскае рукамі сваімі памеж нас і множа словы свае супроці Бога».
Бо ён дадае да грахоў сваіх злачынства, сярод нас пляскае ў далоні, ды яшчэ больш павялічвае свае прамовы супраць Бога».