Ёва 23 разьдзел

Кніга Ёва
Пераклад Яна Станкевіча → Пераклад Чарняўскага 2017

 
 

І адказаў Ёў, і сказаў:
 
У адказ Ёў сказаў:

«Яшчэ й цяпер гаркая мова мая, цяжкая рука мая за стогны мае.
 
«І сёння з горыччу жальба мая, бо рука Яго ўзнеслася цяжарам над стогнам маім.

О, калі б я ведаў і знайшоў Яго, я мог бы падысьці да пасаду Ягонага!
 
О, каб я спазнаў, дзе знайсці Яго, і каб падышоў да пасада Яго!

Я палажыў бы суд свой перад ім і вусны свае напоўніў бы довадамі.
 
Пакладу я перад Ім суд і напоўню вусны свае нараканнямі,

Я даведаўся б словы, што Ён адкажа імне, і ўцяміў бы, што Ён скажа імне.
 
каб ведаў я словы, якімі Ён адкажа мне, і каб зразумеў, што Ён будзе гаварыць мне.

Нягож у вялікасьці сілы Свае Ён будзе сьперачацца з імною? Не, Ён меў бы бачнасьць на мяне.
 
Ці ж з вялікім запалам будзе Ён спрачацца са мною? Не! Ён будзе толькі слухаць!

Там пасьцівы разважаў бы зь Ім, і я ўцёк бы ад Судзьдзі свайго на векі.
 
Тады справядлівы будзе судзіцца з Ім, і ад Суддзі свайго пайшоў бы я ў цэласці.

А вось, я йду наперад, і няма Яго, назад — і ня цемлю Яго;
 
Калі пайду я на ўсход — Ён не з’явіцца, і калі пайду на захад — не здагадаюся, дзе Ён.

Шукаю налева ў дзеяньнях Яго і ня бачу відзені Ягонае; павярнуся направа, але ня бачу Яго.
 
Калі далей пайду налева, не знайду Яго; калі павярну направа, не ўбачу Яго.

Але Ён знае дарогу, што пры імне; калі б Ён спрабаваў мяне, я выйду, як золата.
 
А Ён ведае дарогу маю, і калі выпрабуе мяне, я выйду [чысты], як золата.

Нага мая цьверда дзяржалася сьцежкі Ягонай; дарогі Ягонае я дзяржаўся і не адхінаўся.
 
Нага мая трымаецца слядоў Яго, я пільную дарогу Яго і не збочваю з яе.

Ад расказаньня вуснаў Ягоных я не адступаў; над уставу сваю я хаваў словы вуснаў Ягоных.
 
Ад загадаў вуснаў Яго не адступаюся, і ў сэрцы сваім захоўваю словы вуснаў Яго.

Але Ён пры адным стаіць; і хто адхінець Яго? І чаго душа Ягоная жадае, тое Ён чыне.
 
Бо Ён адзіны, і хто адштурхне Яго? І што толькі хоча душа Яго, тое робіць.

Але, Ён споўне прызначанае імне, і падобнага да гэтага шмат у Яго.
 
Калі Ён на мне споўніў волю Сваю, то і іншых падобных рэчаў ёсць у Яго багата.

Затым дрыжу перад відам Ягоным; думаю й лякаюся Яго.
 
Таму я хвалююся ў прысутнасці Яго і, калі гляджу на Яго, ахоплены страхам.

Бог скволіў сэрца мае, і Ўсемагучы напалохаў мяне;
 
Бог улагодзіў сэрца маё, і Усемагутны ўстрывожыў мяне,

Бо я не адцяты ад цемні, і перад імною Ён не закрыў густое цемры.
 
бо не загінуў я ад надыходу цемры і змрок не агарнуў аблічча майго.