Ёва 23 разьдзел

Кніга Ёва
Пераклад Антонія Бокуна → Пераклад Чарняўскага 2017

 
 

І адказаў Ёў, і сказаў:
 
У адказ Ёў сказаў:

«І сёньня з горыччу жальба мая, бо рука Ягоная цяжэйшая за стагнаньне маё.
 
«І сёння з горыччу жальба мая, бо рука Яго ўзнеслася цяжарам над стогнам маім.

О, каб я ведаў, дзе знайсьці Яго, я пайшоў бы да месца жытла Ягонага!
 
О, каб я спазнаў, дзе знайсці Яго, і каб падышоў да пасада Яго!

Я б прынёс перад аблічча Ягонае справу маю і напоўніў бы вусны мае нараканьнямі.
 
Пакладу я перад Ім суд і напоўню вусны свае нараканнямі,

І ведаў бы я словы, якімі Ён адкажа, і зразумеў бы, што Ён будзе казаць мне.
 
каб ведаў я словы, якімі Ён адкажа мне, і каб зразумеў, што Ён будзе гаварыць мне.

Ці з вялікім запалам Ён будзе спрачацца са мною? Не! Ён толькі зьверне ўвагу на мяне!
 
Ці ж з вялікім запалам будзе Ён спрачацца са мною? Не! Ён будзе толькі слухаць!

Там справядлівы прадставіць справу сваю перад Ім, і ад Судзьдзі майго выйду я вольным.
 
Тады справядлівы будзе судзіцца з Ім, і ад Суддзі свайго пайшоў бы я ў цэласці.

Але вось, я іду на ўсход, і няма Яго, і іду на захад, і не знаходжу Яго.
 
Калі пайду я на ўсход — Ён не з’явіцца, і калі пайду на захад — не здагадаюся, дзе Ён.

На поўначы шукаю Яго, і ня бачу, і паварочваю на поўдзень, і не заўважаю.
 
Калі далей пайду налева, не знайду Яго; калі павярну направа, не ўбачу Яго.

А Ён ведае шлях мой, і няхай выспрабуе мяне, выйду я [чысты], як золата.
 
А Ён ведае дарогу маю, і калі выпрабуе мяне, я выйду [чысты], як золата.

Нага мая трымалася сьлядоў Ягоных, я пільнаваў шляхі Ягоныя і не зыходзіў з іх.
 
Нага мая трымаецца слядоў Яго, я пільную дарогу Яго і не збочваю з яе.

Ад загадаў вуснаў Ягоных не адступаюся, і захоўваю словы вуснаў Ягоных як пастанову.
 
Ад загадаў вуснаў Яго не адступаюся, і ў сэрцы сваім захоўваю словы вуснаў Яго.

Ён адзін [вырашае], і хто заверне Яго? І што захоча душа Ягоная, Ён зробіць.
 
Бо Ён адзіны, і хто адштурхне Яго? І што толькі хоча душа Яго, тое робіць.

Бо Ён зробіць, што прызначыў пра мяне, і шмат такога ёсьць у Яго.
 
Калі Ён на мне споўніў волю Сваю, то і іншых падобных рэчаў ёсць у Яго багата.

Таму я дрыжу перад абліччам Ягоным, разважаю [пра Яго], і ў страху вялікім перад Ім.
 
Таму я хвалююся ў прысутнасці Яго і, калі гляджу на Яго, ахоплены страхам.

Бог аслабіў сэрца маё, і Усемагутны настрашыў мяне.
 
Бог улагодзіў сэрца маё, і Усемагутны ўстрывожыў мяне,

Бо не ад цемры я гіну, і аблічча маё не пакрытае змрокам.
 
бо не загінуў я ад надыходу цемры і змрок не агарнуў аблічча майго.