Да Піліпянаў 4 разьдзел

 

 

Таму вось, браты мае найдаражэйшыя ды найжаданьшыя, радасьць мая і карона мая, трывайце гэтак ва Усеспадару, наймілейшыя!

 

Так што, браты мае ўлюбёныя і жаданыя, радасць і вянок мой, стойце так у Госпадзе, улюбёныя.

Прашу Эводыю, прашу й Сынтыхэн быць аднадумнымі ва Усеспадару;

 

Эводыю прашу і Сінтыхію прашу думаць адно і тое самае ў Госпадзе.

дый цябе прашу, верны супрацоўніку, памагай ім, яны бо працавалі для Эванэліі зы мною і Клемэнтам ды іншымі супрацоўнікамі маімі, імёны якіх у кнізе жыцьця.

 

Так, прашу і цябе, праўдзівы супрацоўнік, дапамагай ім, тым, што змагаліся ў дабравешчанні разам са мною, і з Кліментам і з астатнімі маімі супрацоўнікамі, імёны якіх — у кнізе жыцця.

Радуйцеся ва Усеспадару заўсёды, йшчэ раз кажу вам, радуйцеся!

 

Радуйцеся ў Госпадзе заўсёды, яшчэ скажу: радуйцеся.

Скроманасьць ваша ўсім людзям хай будзе ведамай: Госпад блізка ёсьць.

 

Ваша лагоднасць, няхай будзе вядомая ўсім людзям. Госпад блізка.

Ня турбуйцеся ні аб чым, а патрэбы вашыя Богу паручайце ў малітвах і падзячных благаннях;

 

Ні пра што не турбуйцеся, а няхай ва ўсім малітваю і мальбою з падзякаю вашы просьбы робяцца вядомыя Богу.

і спакой Божы, перавышаючы ўсякае ўяўленне, сьцерагчыме сэрцы й думкі вашыя ў Хрыстусе Езусе.

 

І мір Божы, які пераўзыходзіць усякі розум, будзе ахоўваць вашы сэрцы і вашы думкі ў Хрысце Ісусе.

І наастанку, браты, усё, што праўдзівае, што чыстае, што справядлівае, усё, што сьвятое, што любае, што шанаблівае, калі якая цнота, ці што пахвалы годнае — майце у думцы.

 

Урэшце, браты, усё, што праўдзівае, усё, што годнае, усё, што праведнае, усё, што чыстае, усё, што любае, усё, што ўхвальнае, — калі ёсць якая дабрачыннасць і калі ёсць якая хвала, — пра гэта думайце.

Чаго навучыліся, што перанялі, чулі й бачылі ў ва мне — тое спаўняйце і Бог супакою будзе з вамі.

 

Чаму вы навучыліся, і што прынялі, і пачулі, і ўбачылі ўва мне, — рабіце гэта; і Бог міру будзе з вамі.

Я вельмі быў рад ва Усеспадару, што вашы старанні аба мне зноў ажылі ў вас, як калісь, тоьлкі ня было для іх дагоднасьці.

 

Я ж вельмі ўзрадаваўся ў Госпадзе, што цяпер нарэшце вы далі зноў расквітнець вашым думкам пра мяне; пра гэта вы і думалі, але не мелі нагоды.

Кажу гэта не дзеля нястачы, бо я навучыўся задавольвацца тым, што маю:

 

Кажу гэта не таму, што маю патрэбу, бо я навучыўся быць самадастатковым.

умею быць і ў паніжэнні, умею і ў дастатку, ўсяго і ў ва ўсім: і насычацца і галадаваць, жыць у дастатку і ў нястачы.

 

Я ўмею і ў прыніжэнні быць, умею быць і ў багацці; ва ўсім і ўсюды я прывучыўся: і наталяцца і галадаць, і быць у багацці і быць у нястачы;

Усё магу ў тым, хто мяне ўзмацняе.

 

усё магу ў Тым, Хто мяне ўмацоўвае — [у Хрысце].

Вы аднак зрабілі добра, дзелячы зы мною мае турботы.

 

Аднак вы добра зрабілі, успамагаючы мне ў бядзе.

І вы, Філіпійцы, ведаеце самы, што на пачатку эвангэлізацыі, калі я выйшаў з Макэдоніі, акрамя вас адных, ні адна эклезія не брала удзелу ні ў даванні, ні ў прыйманні;

 

Але і вы, філіпійцы, ведаеце, што ў пачатку дабравешчання, калі я выйшаў з Македоніі, ніводная царква не ўдзяліла мне ні дару, ні прыняцця, акрамя вас адных;

вы і ў Тэсслёніку раз і другі высылалі мне на патрэбу.

 

бо і ў Фесалоніку вы і раз і два прыслалі мне на патрэбу.

Ня тое, каб я шукаў дарункаў, я бо шукаю полду, што множыцца на вашую карысьць.

 

Гэта не значыць, што я шукаю дару, але я шукаю плода, што прымнажаецца на карысць вам.

Я маю ўсяго ўдостань; у мяне даволі ўсяго адкалі атрымаў ад Эпафрадыта пасланае вамі: пахі чароўныя, ахвяру Богу мілую.

 

А я маю ўсё і ўдосталь; я напоўнены ўсім, атрымаўшы ад Эпафрадыта тое, што прыйшло ад вас, — духмяны пах, прыемную ахвяру, любую Богу.

За гэта Бог мой хай заспакоіць усе патрэбы вашыя водле свайго багацьця ў хвале, ў Хрыстусе Езусе.

 

І мой Бог [няхай] папоўніць кожную вашу патрэбу паводле Свайго багацця ў славе ў Хрысце Ісусе.

А Богу й Айцу нашаму хвала на вякі вечныя! Амэн.

 

А нашаму Богу і Бацьку слава на векі вякоў, амін.

Прывітайце кажнага сьвятога ў Хрыстусе Езусе. Вітаюць вас браты, што зы мною.

 

Вітайце кожнага святога ў Хрысце Ісусе. Вітаюць вас браты, якія са мною.

Вітаюць вас усе сьвятыя, асабліва тыя з цэзарскага дому.

 

Вітаюць вас усе святыя, асабліва з дома кесаравага.

Ласка Усеспадара нашага Езуса Хрыстуса хай будзе з усімі вамі. Амэн.

 

Ласка Госпада Ісуса Хрыста няхай будзе з вашым духам4.