Не абірай вінаградніка твайго да рэшты і ягадаў, што пападалі ў вінаградніку, не падбірай; пакінь гэта бедным і прыхадням. Я — ГОСПАД, Бог ваш!
Не дапускайцеся несправядлівасьці на судзе. Не пагарджай бедным і не патурай багатаму. Праведна судзі бліжняга твайго.
ГОСПАД робіць бедным і багатым, паніжае і ўзвышае.
Ён літуецца над гаротным і бедным і выбаўляе душы бедакоў.
Раскідаў, раздаў бедным; праведнасьць ягоная трывае вечна, рог ягоны ўзьнімецца ў славе.
Лянівая рука робіць бедным, а рука працавітая ўзбагачае.
Хто цураецца бліжняга свайго, той грашыць, а хто літуецца над бедным, той шчасьлівы.
Хто прыгнятае ўбогага, той зьневажае Творцу ягонага, але шануе Яго той, хто літуецца над бедным.
Багаты пануе над бедным, і чалавек, які ўзяў пазыку, — слуга паверніка.
Леў рыклівы і мядзьведзь бадзяжны — [гэта] бязбожны пан над бедным народам.
Хто дае бедным, ня будзе мець нястачы, а хто хавае вочы свае, мецьме шмат праклёнаў.
