1 А въ Наамия знатник мужу ее от роду Елимелехового, а имя его Боазъ.
2 И рекла Рутъ маавитенка къ Нааміи: Пойду ныне на поле и съберу колосье за тымъ, у когожь найду милость во очью его. И рекла ей: Пойди, дочко.
3 И пошла, и пришла, и збирала в поли за жатци, и пригодила ся пригода ее ролья поля Боазового, иже от роду Елимелехового.
4 Ажно Боазъ приходить от Бетлегема и реклъ женцомъ: Адонай с вами. И рекли ему: Благослави тя Адонай.
5 И реклъ Боазъ детине, што стоить над женьци: Чия молодица се.
6 И отказал детина тот, што стоялъ над женци и реклъ: Молодица маавитянка она, котораяжь вернулася съ Наамиею от поль Моавских.
7 И рекла: Зберу вже и попрячу съ сноповъ после женцовъ. И пришла, и стояла от заутрея досюль, седеніа ее въ дворе мало.
8 И реклъ Боазъ Руте: Чи не слышишь, дочко, не ході збирати въ поле иное, ани переступай отсюль, и тутъ прилепися з девками моими.
9 Очи твои в поли иж жнуть, и пойдешь за ними, ведь же вказалъ есми молоденьцомъ, абы ся не дотыкати тебе, и пожадаешь, и пойдешь къ судомъ, и будешь пити от туль, иже пьють молодици.
10 И пала на лици своемъ, и рекла ему: Чому се нашла есми милость въ очью твоих познати мене, а я чужая есми.
11 Отвечалъ Боазъ и реклъ ей: Поведая, поведано ми все, што вчинила еси съ свекровью своею после смерти мужа своего и покинула еси отца своего и матерь свою, и землю роду своего, и пошла еси к люду, иже не знала еси вчора третего дни.
12 Заплатить Господь дело твое и буди наемъ твой целъ от Адонаа Бога Исраеливого, иже пришла еси закрытися под крыле Его.
13 И рекла: Обретохъ милость в очью твоих, иже вътешилъ мя еси и иже наговорилъ еси на сердци рабы своея. А я не есмь подобна какъ одна от робъ твоих.
14 И рекл ей Боазъ: К часу естве приступи се зде и еси хлеба, и омочишь скибу свою в оцетъ. И села от стороны женцовъ, и напалилъ ей пряжма, и ела, и насытилася, и оставила.
15 И въстала збирати. И заповедалъ Боазъ молодцомъ своим, рекучи: Тежь межи снопы нехай збираеть, а не соромотите ее,
16 и тежь откидывая, откидуйте ей, от жменей оставте, и збереть, а не карайте ее.
17 Збирала в поли до вечера, и змолотила то, иже събрала, и было с меру ячменю.
18 И понесла, и пришла к городу. И видела свекровь ее то, иже собрала, и вышла, и дала ей то, иже оставила от сыти своей.
19 Рекла ей свекровь ее: Где збирала еси ныне а где робила еси? Буди знакомитый твой благославенъ. И споведала свекрови своей того, иже делала с нимъ, и рекла: Имя мужу тому, иже делала есми с нимъ ныне, Боазъ.
20 И рекла Наами невестце своей: Благославенъ есть Господь, иже не отпустилъ милосердія сего с мертвыми и живыми. И рекла ей Наами: Близокъ намъ тотъ человекъ, от окупителей наших онъ.
21 И рекла Рутъ Маавитенка: а тежь реклъ ми: С молодци моими пристой алижь доконають все жниво мое.
22 И рекла Наами Руту, невестце своей: Гораздъ, дочко, иже выйдешь с молодицами его, а не поткають тебе въ поли иномъ.
23 И прилепилася в молодици Боазовы збирати, алижь доконается жниво ячменное и жниво пшеничное, и вернулася къ свекрови своей.
Знайшлі памылку ў тэксце? Вылучыце яе і націсніце:
Ctrl + Enter
Книга Рутъ, 2 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.