1 И рекла ей Наами, свекровь ее: Дочко, ведже имаю тобе искати покою, иже бы было добро тобе.
2 А теперь ведже Боазъ знакомитый намъ, иже была еси с молодицами его, а тожь онъ вееть на гумне ячменномъ сее ночи.
3 И змыйся, и помажся, и въсклади порты свои на себе, и зъниди къ гумну. Не указуйся тому мужу, алижь доконаеть ести и пити.
4 И будеть въ лежаньи его, и изведаешь тое место, иже ляжеть там, и придешь, и въскрыешь подъножье его, и ляжешь, а онъ скажеть тобе то, што имаешь учинити.
5 И рекла ей: Все, иже речешь, учиню.
6 И знишла в гумно, учинила все, иже заказала свекровь ее.
7 И наелъся Боазъ, и напилъся, и удобрело сердце его, и пришолъ лечи въ конци стога. И пришла помалу, и въскрыла подножье его, и легла.
8 И было въ полъночи, и ляклъся мужь тотъ, и кинулъся, ажно жонка лежеть въ ногах его.
9 И реклъ: Хто ты. И рекла: Я Рутъ, роба твоя, и простри криле свои на рабу свою, зан же окупитель еси.
10 И реклъ: Благославена ты Господу, дочко моя. Полепшила еси приязнь свою последнюю от первое, абы не пойти за молодыми, убог ли, богат ли.
11 А теперь, дочко, не бойся. Все, што ми речешь, учиню тобе, зпнь же ведаеть весь городъ люда моего, иже жона учтиваю еси.
12 А теперь, иже справне естли есми окупитель есть тежь окупитель ближьший, нижьли я.
13 Ночюй здесь сию ночь, и будет рано, окупит ли тя лепшій, нехай окупить, а не восхочет ли окупити тя, и я окуплю тебе, живъ Адонай. Лежи до ранья.
14 И ляжала под ногами его до ютра, и въстала пережь нижьли познаеть человекъ друга своего. И реклъ: Абы не было ведомо, иже приходила жона къ гумну.
15 И реклъ: Дай ту поневу, што на тобе, и держи ее. И держала ее, и отмерилъ шесть ячменевъ, възложилъ на ню, и пришла къ городу.
16 И пришла къ свекрыви своей. И рекла: Хто ты, дочко. И сказала ей то все, иже учинилъ ей тотъ мужь.
17 И рекла: Шесть ячменевъ сихъ далъ ми, иже реклъ мне: Не пріходи порожная къ свекрови своей.
18 И рекла: Поседи, дочко моя, алижь узведаешь, какъ падеть тая речь, иже не втихнеть тотъ человекъ, олижь доконаеть тую речь сего дня.
Знайшлі памылку ў тэксце? Вылучыце яе і націсніце:
Ctrl + Enter
Книга Рутъ, 3 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.