Лікі 33 разьдзел
Лікі
Пераклад Антонія Бокуна → Пераклад Чарняўскага 2002
Гэта месцы прыпынку сыноў Ізраіля, якія выйшлі з Эгіпту дружынамі сваімі пад рукою Майсея і Аарона.
Гэтыя вось месцы прыпынку сыноў Ізраэля, выйшаўшых з Эгіпту дружынамі на чале з Майсеем і Ааронам.
І запісаў Майсей месцы табараў, з якіх яны паводле [слова] з вуснаў ГОСПАДА выходзілі. Вось месцы прыпынку іхняга.
Майсей запісаў падарожжа іх па месцы табараў, з каторых яны па загаду Госпада выходзілі. Вось гэтыя месцы:
У першы месяц, у пятнаццаты дзень першага месяца, у другі дзень Пасхі вырушылі сыны Ізраіля з Рамсэсу, [ведзеныя] рукой узьнятай на вачах усіх Эгіпцянаў.
Вось жа ў першы месяц пятнаццатага дня першага месяца вырушылі сыны Ізраэля з Рамсэсу, у другі дзень Пасхі, ведзеныя рукой Узвышняга на вачах усіх Эгіпцянаў.
А Эгіпцяне хавалі ўсіх першародных сваіх, якіх забіў ГОСПАД, і ГОСПАД учыніў суд над багамі іхнімі.
Эгіпцяне ў той час хавалі ўсіх сваіх першародных, забітых Госпадам, калі Ён учыніў суд над іхнімі ідаламі.
І вырушылі сыны Ізраіля з Рамсэсу, і сталі табарам у Сукоце.
Дык вырушылі Ізраэльцы з Рамсэсу і расклаліся табарам у Сукоце.
І вырушылі з Сукоту, і сталі табарам у Этаме, які на мяжы пустыні.
З Сукоту прыбылі яны ў Этам, што на мяжы пустыні.
І вырушылі з Этаму, і завярнулі ў Пі-Гахірот, што каля Баал-Цэфону, і сталі табарам перад Мігдолам.
Адсюль, вырушыўшы, прыбылі ў Пі-Гахірот, што каля Баал-Цэфону, ды расклаліся табарам перад Мігдолам.
І выйшлі з Пі-Гахіроту, і перайшлі сярэдзінай мора ў пустыню, і тры дні ішлі праз пустыню, і сталі табарам у Мары.
Выйшаўшы з Пі-Гахіроту, перайшлі яны сярэдзінай мора ў пустыню, і тры дні ішлі пустыняй, і расклаліся табарам у Мары.
І вырушылі з Мары, і прыйшлі ў Элім, а ў Эліме [было] дванаццаць крыніцаў водных і семдзясят пальмаў, і там сталі табарам.
Выйшаўшы з Мары, прыбылі ў Элім, дзе было дванаццаць крыніцаў водных і семдзесят пальмаў, і там расклаліся табарам.
І вырушылі з Эліму, і сталі табарам каля Мора Чырвонага.
Выйшаўшы з Эліму, разлажыліся табарам каля Чырвонага мора.
І вырушылі ад Мора Чырвонага, і сталі табарам у пустыні Сін.
І выйшлі ад Чырвонага мора, і разлажыліся табарам у пустыні Сін.
І вырушылі з пустыні Сін, і сталі табарам у Дафцы.
Адтуль выйшлі і прыбылі ў Дафку.
І вырушылі з Дафкі, і сталі табарам у Алушы.
Выйшаўшы з Дафкі, разлажыліся табарам у Алушы.
І вырушылі з Алушы, і сталі табарам у Рэфідыме, і не было там вады для піцьця народу.
Выйшаўшы з Алушы, паставілі палаткі ў Рэфідыме, дзе не было вады для піцьця.
І вырушылі з Рэфідыму, і сталі табарам у пустыні Сынай.
Вырушыўшы з Рэфідыму, разлажыліся табарам у пустыні Сынай.
І вырушылі з пустыні Сынай, і сталі табарам у Кіброт-Гатаве.
Вырушылі з пустыні Сынай і прыбылі ў Кібрат-Гатаву.
І вырушылі з Кіброт-Гатавы, і сталі табарам у Хацэроце.
Вырушыўшы з Кібрат-Гатавы, разлажыліся табарам у Хацэроце.
І врушылі з Хацэроту, і сталі табарам ў Рытме.
А з Хацэроту прыбылі ў Рытму.
І вырушылі з Рытмы, і сталі табарам у Рымон-Пэрэсе.
Выйшлі з Рытмы і зрабілі табар ў Рымон-Пэрэсе.
І вырушылі з Рымон-Пэрэсу, і сталі табарам у Лібне.
Выйшлі з Рымон-Пэрэса і разлажыліся табарам у Лібне.
І вырушылі з Лібны, і сталі табарам у Рысе.
Зь Лібны выйшлі і зрабілі табар ў Рысе.
І вырушылі з Рысы, і сталі табарам у Кэгеляце.
З Рысы выйшлі і разлажыліся табарам у Кэгеляце.
І вырушылі з Кэгеляты, і сталі табарам на гары Шафэр.
Выйшаўшы з Кэгеляты, паставілі палаткі на гары Шэфэр.
І вырушылі з гары Шафэр, і сталі табарам у Харадзе.
Затым, зыйшоўшы з гары Шэфэр, разлажыліся табарам у Харадзе.
І вырушылі з Хараду, і сталі табарам у Макэлёце.
Адтуль выйшаўшы, зрабілі табар у Макэлёце.
І вырушылі з Макэлёту, і сталі табарам у Тахаце.
Выйшаўшы з Макэлёту, разлажыліся табарам у Тахаце.
І вырушылі з Тахату, і сталі табарам у Тэраху.
Выйшаўшы з Тахату, паставілі палаткі ў Тэраху.
І вырушылі з Тэраху, і сталі табарам у Мітцы.
Выйшлі з Тэраху і разлажыліся табарам у Мітцы.
І вырушылі з Міткі, і сталі табарам у Хашмоне.
А выбраўшыся зь Міткі, зрабілі табар у Хашмоне.
І вырушылі з Хашмоны, і сталі табарам у Масэроце.
Выбраўшыся з Хашмону, прыбылі ў Масэрот.
І вырушылі з Масэроту, і сталі табарам у Бэнэй-Яакане.
Выйшаўшы з Масэроту, разлажыліся табарам у Бэнэ-Яакане.
І вырушылі з Бэнэй-Яакану, і сталі табарам у Хар-Гагідгадзе.
З Бэнэ-Яакану прыбылі да Хар-Гагідгаду.
І вырушылі з Хар-Гагідгаду, і сталі табарам у Ётбаце.
Адсюль выбраўшыся, паставілі палаткі ў Ётбаце.
І вырушылі з Ётбаты, і сталі табарам у Аброне.
Зь Ётбаты прыбылі ў Аброну.
І вырушылі з Аброны, і сталі табарам у Эцыён-Гебэры.
Выйшаўшы з Аброны, разлажыліся табарам у Ецыён-Гебэру.
І вырушылі з Эцыён-Гебэру, і сталі табарам у пустыні Сін, у Кадэшы.
Адсюль выбраўшыся, прыбылі ў пустыню Сін, або Кадэш.
І вырушылі з Кадэшу, і сталі табарам на гары Гор, на мяжы зямлі Эдому.
Выбраўшыся з Кадэшу, паставілі палаткі на гары Гор, на мяжы зямлі Эдому.
І ўзыйшоў Аарон сьвятар на гару Гор перад аблічча ГОСПАДА, і там памёр у саракавым годзе пасьля выхаду сыноў Ізраіля з зямлі Эгіпецкай, у пятым месяцы, у першы дзень месяца.
Па загаду Госпада Аарон сьвятар узыйшоў на гару Гор і там памёр у саракавым годзе па выхадзе сыноў Ізраэля, у першы дзень пятага месяца.
Аарон меў сто дваццаць тры гады, калі памёр на гары Гор.
Меў ён сто дваццаць тры гады, калі памёр на гары Гор.
І пачуў валадар Араду, Хананеец, які жыў у Нэгеве ў зямлі Ханаан, што ідуць сыны Ізраіля.
Кароль Араду, Хананеец, каторы жыў у Нэгэбе ў зямлі Ханаан, пачуў у той час, што надыходзяць сыны Ізраэля.
А яны вырушылі ад гары Гор і сталі табарам у Цальмоне.
Яны зыйшлі з гары Гор і зрабілі табар у Цальмоне.
І вырушылі з Цальмону, і сталі табарам у Пуноне.
Адтуль вырушылі ў Пунон.
І вырушылі з Пунону, і сталі табарам у Абоце.
З Пунону выйшлі і прыбылі ў Абот.
І вырушылі з Аботу, і сталі табарам у Іе-Абарыме на мяжы Мааву.
З Аботу прыбылі ў Іе-Абарым, што на мяжы Маабу.
І вырушылі з Іе-Абарыму, і сталі табарам у Дыбон-Гадзе.
Выбраўшыся зь Іе-Абарыму, разлажыліся табарам у Дыбон-Гадзе.
І вырушылі з Дыбон-Гаду, і сталі табарам у Альмон-Дыблатаіме.
Адтуль выйшаўшы, паставілі палаткі ў Альмон-Дыблатаіме.
І вырушылі з Альмон-Дыблатаіму, і сталі табарам пад гарой Абарым, насупраць Нэво.
Выйшаўшы з Альмон-Дэблатаіму, прыбылі пад гару Абарым, насупраць Нэбо.
І вырушылі ад гары Абарым, і сталі табарам на раўнінах Мааву над Ярданам насупраць Ерыхону.
Выйшаўшы з гары Абарым, прыйшлі на раўніны Маабу над Ярдан насупраць Ерыхону.
І яны сталі табарам паміж Бэт-Гаешымотам і Абэль-Шытымам на раўнінах Мааву.
Там расклаліся табарам паміж Бэт-Гаешымотам і Абэль-Шытымам на раўнінах Маабу.
І прамовіў ГОСПАД да Майсея на раўнінах Мааву над Ярданам насупраць Ерыхону, кажучы:
Там вось сказаў Госпад Майсею:
«Прамоў да сыноў Ізраіля і скажы ім: “Вы пяройдзеце праз Ярдан у зямлю Ханаан,
«Загадай сынам Ізраэля і скажы ім: Калі пяройдзеце раку Ярдан і ўвойдзеце ў зямлю Ханаан,
дык выганіце перад сабою ўсіх жыхароў той зямлі, і паламіце ўсе выявы іхнія, і разьбіце ўсіх ідалаў іхніх, і ўсе ўзгоркі спусташыце.
выганіце перад сабою ўсіх жыхароў той зямлі, паламіце ўсе іхнія выявы ды разьбіце ўсіх ідалаў, і ўсе ўзгоркі спусташыце.
І вы авалодаеце зямлёй, і будзеце жыць на ёй, бо Я даў вам яе на ўласнасьць.
Завалодайце зямлёй і абжывайцеся на ёй, бо Я даў вам яе на ўласнасьць.
Падзяліце зямлю жэрабям паміж сем’ямі вашымі, шматлікай павялічце спадчыну яе, малалікай зьменшыце спадчыну яе. Як жэрабя выпадзе, так будзе падзелена спадчына. Паводле пакаленьняў бацькоў вашых атрымаеце спадчыну.
Падзяліце яе паміж вашымі пакаленьнямі, большаму пакаленьню — большую частку, меншаму — меншую. Як жэрабе выпадзе, так будзе падзелена спадчына. Па пакаленьнях і родах будзе яна падзелена.
А калі ня выганіце перад сабою жыхароў зямлі гэтай, будуць тыя, якія з іх застануцца, цернямі ў вачах вашых і калючкамі ў баках вашых, і будуць яны ўціскаць вас у зямлі, у якой вы будзеце жыць.
Калі ж не захочаце выгнаць жыхароў зямлі гэтай, і калі яны застануцца, будуць яны вам як церні ў вачах вашых і калючкамі ў баках вашых, будуць яны ўціскаць вас у зямлі пражываньня вашага.
І станецца тое, што Я задумаў ім зрабіць, Я вам зраблю”».
І тады, што Я маніўся ім зрабіць, вам зраблю».