Лікі 33 разьдзел

Лікі
Пераклад Яна Станкевіча → Пераклад Чарняўскага 2002

 
 

І во падарожжы сыноў Ізраелявых, каторыя вышлі ізь зямлі Ягіпецкае па войсках сваіх, пад рукою Масея а Аарона.
 
Гэтыя вось месцы прыпынку сыноў Ізраэля, выйшаўшых з Эгіпту дружынамі на чале з Майсеем і Ааронам.

І апісаў Масей выхады ў падарожжы іхныя, подле слова СПАДАРОВАГА, і во падарожжы іхныя подле выхадаў іхных:
 
Майсей запісаў падарожжа іх па месцы табараў, з каторых яны па загаду Госпада выходзілі. Вось гэтыя месцы:

І крануліся яны з Рамесэсу першага месяца, на пятнанцаты дзень першага месяца; на другі дзень Пасхі вышлі сынове Ізраелявы пад рукою высокай на ачох усяго Ягіпту.
 
Вось жа ў першы месяц пятнаццатага дня першага месяца вырушылі сыны Ізраэля з Рамсэсу, у другі дзень Пасхі, ведзеныя рукой Узвышняга на вачах усіх Эгіпцянаў.

А Ягіпцяне хавалі ўсіх першакоў, каторых зразіў СПАДАР. СПАДАР зрабіў суды над багамі іхнымі.
 
Эгіпцяне ў той час хавалі ўсіх сваіх першародных, забітых Госпадам, калі Ён учыніў суд над іхнімі ідаламі.

І крануліся сынове Ізраелявы з Рамесэсу, і разьлягліся табарам у Сукофе.
 
Дык вырушылі Ізраэльцы з Рамсэсу і расклаліся табарам у Сукоце.

І крануліся із Сукофу, і разьлягліся табарам у Ефаме, што на краю пустыні.
 
З Сукоту прыбылі яны ў Этам, што на мяжы пустыні.

І крануліся зь Ефаму, і зьвярнуліся да Пі-Гагірофу, каторы перад Ваал-Цэфонам, і разьлягліся табарам перад Міґдолам.
 
Адсюль, вырушыўшы, прыбылі ў Пі-Гахірот, што каля Баал-Цэфону, ды расклаліся табарам перад Мігдолам.

І крануліся ад Гагірофу, і прайшлі сярод мора на пустыню, і йшлі тры дні дарогі пустынёю Ефам, і разьлягліся табарам у Меры.
 
Выйшаўшы з Пі-Гахіроту, перайшлі яны сярэдзінай мора ў пустыню, і тры дні ішлі пустыняй, і расклаліся табарам у Мары.

І крануліся зь Меры, і прышлі да Еліму; у Еліме ж двананцаць жаролаў вады і семдзясят пальмаў, і разьлягліся там табарам.
 
Выйшаўшы з Мары, прыбылі ў Элім, дзе было дванаццаць крыніцаў водных і семдзесят пальмаў, і там расклаліся табарам.

І крануліся зь Еліму, і разьлягліся табарам ля Чырвонага мора.
 
Выйшаўшы з Эліму, разлажыліся табарам каля Чырвонага мора.

І крануліся ад Чырвонага мора, і разьлягліся табарам на пустыні Сын.
 
І выйшлі ад Чырвонага мора, і разлажыліся табарам у пустыні Сін.

І крануліся з пустыні Сын, і разьлягліся табарам у Дофцы.
 
Адтуль выйшлі і прыбылі ў Дафку.

І крануліся з Дофкі, і разьлягліся табарам ўв Алушы.
 
Выйшаўшы з Дафкі, разлажыліся табарам у Алушы.

І крануліся з Алушы, і разьлягліся табарам у Рэфідыме, і ня было там вады люду піць.
 
Выйшаўшы з Алушы, паставілі палаткі ў Рэфідыме, дзе не было вады для піцьця.

І крануліся з Рэфідыму, і разьлягліся табарам на пустыні Сынайскай.
 
Вырушыўшы з Рэфідыму, разлажыліся табарам у пустыні Сынай.

І крануліся з пустыні Сынайскае, і разьлягліся табарам у Кіброт-Гатааве.
 
Вырушылі з пустыні Сынай і прыбылі ў Кібрат-Гатаву.

І крануліся з Кіброт-Гатаавы, і разьлягліся табарам у Гацэрофе.
 
Вырушыўшы з Кібрат-Гатавы, разлажыліся табарам у Хацэроце.

І крануліся з Гацэрофу, і разьлягліся табарам у Рыфме.
 
А з Хацэроту прыбылі ў Рытму.

І крануліся з Рыфмы, і разьлягліся табарам у Рымнон-Парэцу.
 
Выйшлі з Рытмы і зрабілі табар ў Рымон-Пэрэсе.

І крануліся з Рымнон-Парэцу, і разьлягліся табарам у Ліўне.
 
Выйшлі з Рымон-Пэрэса і разлажыліся табарам у Лібне.

І крануліся зь Ліўны, і разьлягліся табарам у Рысе.
 
Зь Лібны выйшлі і зрабілі табар ў Рысе.

І крануліся з Рысы, і разьлягліся табарам у Кегелафе.
 
З Рысы выйшлі і разлажыліся табарам у Кэгеляце.

І крануліся з Кегелафы, і разьлягліся табарам на гары Шэфер.
 
Выйшаўшы з Кэгеляты, паставілі палаткі на гары Шэфэр.

І крануліся ад гары Шэфер, і разьлягліся табарам у Гарадзе.
 
Затым, зыйшоўшы з гары Шэфэр, разлажыліся табарам у Харадзе.

І крануліся з Гарады, і разьлягліся табарам у Макелофе.
 
Адтуль выйшаўшы, зрабілі табар у Макэлёце.

І крануліся з Макелофу, і разьлягліся табарам у Тагафе.
 
Выйшаўшы з Макэлёту, разлажыліся табарам у Тахаце.

І крануліся з Тагафу, і разьлягліся табарам у Тэразе.
 
Выйшаўшы з Тахату, паставілі палаткі ў Тэраху.

І крануліся з Тэрагу, і разьлягліся табарам у Міфцы.
 
Выйшлі з Тэраху і разлажыліся табарам у Мітцы.

І крануліся зь Міфкі, і разьлягліся табарам у Гашмоне.
 
А выбраўшыся зь Міткі, зрабілі табар у Хашмоне.

І крануліся з Гашмоны, і разьлягліся табарам у Мосэрофе.
 
Выбраўшыся з Хашмону, прыбылі ў Масэрот.

І крануліся з Мосэрофы, і разьлягліся табарам у Бене-Яакане.
 
Выйшаўшы з Масэроту, разлажыліся табарам у Бэнэ-Яакане.

І крануліся зь Бене-Яакану, і разьлягліся табарам у Гор-Гаґідґадзе.
 
З Бэнэ-Яакану прыбылі да Хар-Гагідгаду.

І крануліся з Гор-Гаґідґаду, і разьлягліся табараім у Ётвафе.
 
Адсюль выбраўшыся, паставілі палаткі ў Ётбаце.

І крануліся ад Ётвафы, і разьлягліся табарам у Аўроне.
 
Зь Ётбаты прыбылі ў Аброну.

І крануліся з Аўрону, і разьлягліся табарам у Ецон-Ґаверу.
 
Выйшаўшы з Аброны, разлажыліся табарам у Ецыён-Гебэру.

І крануліся зь Ецон-Ґаверу, і разьлягліся табарам на пустыні Цын, яна ж Кадэш.
 
Адсюль выбраўшыся, прыбылі ў пустыню Сін, або Кадэш.

І крануліся з Кадэшу, і разьлягліся табарам на гары Гор, ля канца зямлі Едомскае.
 
Выбраўшыся з Кадэшу, паставілі палаткі на гары Гор, на мяжы зямлі Эдому.

І ўзышоў Аарон сьвятар на гару Гор подле слова СПАДАРОВАГА, і памер там саракавога году па выходзе сыноў Ізраелявых ізь зямлі Ягіпецкае, пятага месяца, на першы дзень месяца.
 
Па загаду Госпада Аарон сьвятар узыйшоў на гару Гор і там памёр у саракавым годзе па выхадзе сыноў Ізраэля, у першы дзень пятага месяца.

Аарону было сто дваццаць тры гады, як памер на гары Гор.
 
Меў ён сто дваццаць тры гады, калі памёр на гары Гор.

І пачуў Канаанянін, кароль Арада, а ён жыў на паўдні ў зямлі Канаанскай, што йдуць сынове Ізраелявы.
 
Кароль Араду, Хананеец, каторы жыў у Нэгэбе ў зямлі Ханаан, пачуў у той час, што надыходзяць сыны Ізраэля.

І крануліся яны ад гары Гор, і разьлягліся табарам у Цалмоне.
 
Яны зыйшлі з гары Гор і зрабілі табар у Цальмоне.

І крануліся з Цалмону, і разьлягліся табарам у Пуноне.
 
Адтуль вырушылі ў Пунон.

І крануліся з Пунону і разьлягліся табарам у Овофе.
 
З Пунону выйшлі і прыбылі ў Абот.

І крануліся з Овофу, і разьлягляліся табарам у Іім-Аварыме, на граніцах Моаву.
 
З Аботу прыбылі ў Іе-Абарым, што на мяжы Маабу.

І крануліся з Ііму, і разьлягліся табарам у Дывон-Ґадзе.
 
Выбраўшыся зь Іе-Абарыму, разлажыліся табарам у Дыбон-Гадзе.

І крануліся з Дывон-Ґаду, і разьлягліся табарам у Алмон-Дыўлафаіме.
 
Адтуль выйшаўшы, паставілі палаткі ў Альмон-Дыблатаіме.

І крануліся з Алмон-Дыўлафаіму, і разьлягліся табарам на горах Аварымскіх перад Нево.
 
Выйшаўшы з Альмон-Дэблатаіму, прыбылі пад гару Абарым, насупраць Нэбо.

І крануліся з гор Аварымскіх, і разьлягліся табарам на раўнінах Моаўскіх ля Ёрдану, супроці Ерыхону.
 
Выйшаўшы з гары Абарым, прыйшлі на раўніны Маабу над Ярдан насупраць Ерыхону.

Яны разьлягліся табарам ля Ёрдану ад Беф-Ешгімофу аж да Аве-Шытыму на раўнінах Моаўскіх.
 
Там расклаліся табарам паміж Бэт-Гаешымотам і Абэль-Шытымам на раўнінах Маабу.

І гукаў СПАДАР Масею на раўнінах Моаўскіх ля Ёрдану, кажучы:
 
Там вось сказаў Госпад Майсею:

«Гукай сыном Ізраелявым і скажы ім: як пярэйдзеце перазь Ёрдан да зямлі Канаанскае,
 
«Загадай сынам Ізраэля і скажы ім: Калі пяройдзеце раку Ярдан і ўвойдзеце ў зямлю Ханаан,

То пражаніце ўсіх жыхараў зямлі ад віду свайго, і зьнішчыце ўсі хвіґуры іхныя, і ўсі літыя балваны іхныя зьнішчыце, і ўсі вышыні іхныя разбурыце.
 
выганіце перад сабою ўсіх жыхароў той зямлі, паламіце ўсе іхнія выявы ды разьбіце ўсіх ідалаў, і ўсе ўзгоркі спусташыце.

І вазьміце ў дзяржаньне зямлю, асяліцеся на ёй, бо вам Я даў зямлю гэтую дзяржаць яе.
 
Завалодайце зямлёй і абжывайцеся на ёй, бо Я даў вам яе на ўласнасьць.

І возьмеце на спадак зямлю жэрабям подле радзімаў сваіх: чысьленаму павялічча спадак, а нячысьленаму паменшча спадак; на каторае месца каму падзець жэрабя, тое яму й будзе; подле плямёнаў айцоў сваіх вазьміце сабе спадкі.
 
Падзяліце яе паміж вашымі пакаленьнямі, большаму пакаленьню — большую частку, меншаму — меншую. Як жэрабе выпадзе, так будзе падзелена спадчына. Па пакаленьнях і родах будзе яна падзелена.

Калі ж вы не пражаніце жыхараў зямлі ад сябе, то будзе, што засталыя зь іх будуць цернямі ачом вашым і бадзюлькамі баком вашым, і будуць ціснуць вас на зямлі, на каторай вы жывіце.
 
Калі ж не захочаце выгнаць жыхароў зямлі гэтай, і калі яны застануцца, будуць яны вам як церні ў вачах вашых і калючкамі ў баках вашых, будуць яны ўціскаць вас у зямлі пражываньня вашага.

І тады, што Я думаў зрабіць ім, зраблю вам».
 
І тады, што Я маніўся ім зрабіць, вам зраблю».