Лікі 2 разьдзел
Лікі
Пераклад Яна Станкевіча → Пераклад Чарняўскага 2002
І гукаў СПАДАР Масею а Аарону, кажучы:
Далей казаў Госпад Майсею і Аарону:
«Кажная людзіна ля сьцягу свайго і з гэрбамі дому айцоў сваіх разьлягуцца сынове Ізраелявы; насупроці будана сьветчаньня разьлягацца будуць.
«Хай сыны Ізраэля паставяць палаткі, кожны пад сваім сьцягам, пад знакамі бацькоў сваіх, навокал Палаткі Сустрэчы на адлегласьці.
Тымі, што разьлягліся на ўсход, на ўсход сонца, быў сьцяг табару Юдзінага, па войсках іхных, і князь сыноў Юдзіных Наасон Амінадавёнак;
З усходу паставіць Юда палаткі адпаведна дружынаў войска свайго, а князем сыноў Юды будзе Нахшон, сын Амінадаба.
І ў войску ягоным, і палічаных ягоных семдзясят чатыры тысячы шасьцьсот.
Лічба войска ягонага, паводле падліку, мае семдзесят чатыры тысячы шэсьцьсот.
І ля яго разьляжацца табарам плямя Іссасхарова, і князь сыноў Іссасхаровых Нафанаель Цуаронак;
Побач іх разложыцца табар калена Ісахаравага, князем якога мае быць Натанаэль, сын Цуара.
І ў войску ягоным, і палічаных ягоных пяцьдзясят чатыры тысячы чатырыста.
Лічба войска ягонага, паводле падліку, мае пяцьдзесят чатыры тысячы чатырыста.
Адлі пакаленьне Завулонава, і князь сыноў Завулонавых Еляў Гэлонёнак;
Потым пакаленьне Забулёна, а князем сыноў Забулёна будзе Эліяб, сын Гэлёна.
І ў войску ягоным, і палічаных ягоных пяцьдзясят сем тысячаў чатырыста.
Лічба войска яго, паводле падліку, мае пяцьдзесят сем тысячаў чатырыста.
Усіх палічаных у табару Юдзіным сто асьмідзясят шэсьць тысячаў чатырыста, па войсках іхных; яны крануцца першыя.
Усіх, палічаных у табары Юды па іх дружынах, сто восемдзесят шэсьць тысячаў чатырыста. Яны першыя будуць выходзіць.
Сьцяг табару Рувінавага на паўдня, па войсках іхных, і князь сыноў Рувінавых Еліцур Шэдэўронак;
Ад паўднёвага боку будзе сьцяг табару Рубэна з войскам яго, а князем у яго будзе Эліцур, сын Шэдэура.
І ў войску ягоным, і палічаных ягоных сорак шэсьць тысячаў пяцьсот.
Лічба войска яго, паводле падліку, мае сорак шэсьць тысячаў пяцьсот.
І ля яго разьляжацца табарам плямя Сымонава, і князь сыноў Сымонавых Шэлумель Цурышаддаёнак;
Побач іх разложыцца табар пакаленьня Сымона, а князем сыноў Сымона будзе Шэлюміэль, сын Цурышадая.
І ў войску ягоным, і палічаных ягоных пяцьдзясят дзевяць тысячаў трыста.
Лічба войска яго, паводле падліку, мае пяцьдзесят дзевяць тысячаў трыста.
Плямя Ґадава, і князь сыноў Ґадавых Елясаф Рэґуелёнак;
Пасьля пакаленьне Гада. Князем пакаленьня Гада будзе Эліясаф, сын Дэўэля.
І ў войску ягоным, і палічаных ягоных сорак пяць тысячаў шасьцьсот пяцьдзясят.
Лічба войска яго, паводле падліку, мае сорак пяць тысячаў шэсьцьсот пяцьдзесят.
Усіх палічаных у табару Рувінавым сто пяцьдзясят адна тысяча чатырыста пяцьдзясят, па войсках іхных; другімі яны маюць кратацца.
Усіх, палічаных у табары Рубэна, — сто пяцьдзесят адна тысяча чатырыста пяцьдзесят. Яны другімі будуць выходзіць.
І кранецца вітальня збору, табар Левітаў будзе ў сярэдзіне табараў. Як разьлягаюцца, так і маюць кратацца, кажны на сваім месцу ля сьцягоў сваіх.
Пасля вырушыць Палатка Сустрэчы і табар левітаў у сярэдзіне другіх табараў, паводле таго, як расстаўлялі палаткі, так і выходзіць будуць, кожны на сваім месцы, пад сваім сьцягам.
Сьцяг табару Яхрэмавага, па войсках іхных, у кірунку мора, і князь сыноў Яхрэмавых Елішама Амігудзёнак;
Ад захаду будзе сцьяг табару Эфраіма, разьмешчанага па сваіх дружынах. Князем сыноў Эфраіма будзе Элішама, сын Амігуда.
І ў войску ягоным, і палічаных ягоных сорак тысячаў пяцьсот.
Лічба войска ягонага, паводле падліку, мае сорак тысячаў пяцьсот.
І ля яго плямя Манасава, і князь сыноў Манасавых Ґамалель Педацуронак;
Побач іх пакаленьне Манасы; князем сыноў Манасы будзе Гамаліэль, сын Пэдагсура.
І ў войску ягоным, і палічаных ягоных трыццаць дзьве тысячы дзьвесьце.
Лічба войска яго, паводле падліку, мае трыццаць дзьве тысячы дзьвесьце.
І плямя Венямінова, і князь сыноў Веняміновых Авідан Ґідэонёнак;
Наастатак пакаленьне Бэн'яміна; князем сыноў Бэн'яміна будзе Абідан, сын Гідэоні.
І ў войску ягоным, і палічаных ягоных трыццаць пяць тысячаў чатырыста.
Лічба войска ягонага, паводле падліку, мае трыццаць пяць тысячаў чатырыста.
Усіх палічаных у табару Яхрэмавым сто восьмі тысячаў сто, па войсках іхных; і трэйція яны маюць кратацца.
Усіх, палічаных у табары Эфраіма па іх дружынах, — сто восем тысячаў сто. Яны трэція будуць выходзіць.
Сьцяг табару Дановага на поўнач, па войсках іхных, і князь сыноў Дановых Агіезэр Амішаддаёнак;
З поўначы, адпаведна сваіх дружынаў, будзе сьцяг табару Дана з войскам ягоным. Князем сыноў Дана будзе Ахіезэр, сын Амішадая.
І ў войску ягоным, і палічаных ягоных шасьцьдзясят дзьве тысячы сямсот.
Лічба войска яго, паводле падліку, мае шэсьцьдзесят дзьве тысячы семсот.
І ля яго разьляжацца табарам плямя Ашэрава, і князь сыноў Ашэравых Паґіель Охранёнак;
Побач іх разложыцца табарам пакаленьне Асэра. Князем сыноў Асэра будзе Пагіэль, сын Акрана.
І ў войску ягоным, і палічаных ягоных сорак адна тысяча пяцьсот.
Лічба войска яго, паводле падліку, мае сорак адну тысячу пяцьсот.
І плямя Неффалімова, і князь сыноў Неффалімовых Агіра Енанёнак;
Наастатак пакаленьне Нэфталі. Князем сыноў Нэфталі будзе Ахіра, сын Энана.
І ў войску ягоным, і палічаных ягоных пяцьдзясят тры тысячы чатырыста.
Лічба войска яго, паводле падліку, мае пяцьдзесят тры тысячы чатырыста.
Усіх палічаных у табару Дановым сто пяцьдзясят сем тысячаў шасьцьсот; яны маюць кратацца апошнія ля сьцягоў сваіх».
Усіх, палічаных у табары Дана, — сто пяцьдзесят сем тысячаў шэсьцьсот. Яны як апошнія будуць выходзіць пад сваімі сьцягамі.
Гэта палічаныя сынове Ізраелявы па дамох айцоў іхных. Усіх палічаных у табарах, па войсках іхных, шасьцьсот тры тысячы пяцьсот пяцьдзясят.
Гэта вось лічба сыноў Ізраэля, сьпісаных па сем'ях сваіх з войскам сваім, — шэсьцьсот тры тысячы пяцьсот пяцьдзесят.
А Левіты не палічаныя із сынамі Ізраеля, як расказаў СПАДАР Масею.
Як загадаў Госпад Майсею, левіты не былі перапісаны разам з сынамі Ізраэля.
І зрабілі сынове Ізраелявы ўсе, што расказаў СПАДАР Масею; гэтак разьлягліся табарамі ля сьцягоў сваіх і гэтак краталіся кажны па радзімах сваіх і кажны па дамох айцоў сваіх.
Сыны Ізраэля споўнілі ўсё, што загадаў Госпад: раскладаліся табарам пад сваімі сьцягамі і выходзілі паводле пакаленьняў і сем'яў бацькоў сваіх.