Лікі 2 разьдзел

 

 

І гукаў СПАДАР Масею а Аарону, кажучы:

 

І прамовіў ГОСПАД да Майсея і Аарона, кажучы:

«Кажная людзіна ля сьцягу свайго і з гэрбамі дому айцоў сваіх разьлягуцца сынове Ізраелявы; насупроці будана сьветчаньня разьлягацца будуць.

 

«Няхай сыны Ізраіля разложаць табар, кожны пад сьцягам сваім, пад знакамі паводле дамоў бацькоў сваіх. Вакол Намёту Спатканьня на адлегласьці разложаць яны табар.

Тымі, што разьлягліся на ўсход, на ўсход сонца, быў сьцяг табару Юдзінага, па войсках іхных, і князь сыноў Юдзіных Наасон Амінадавёнак;

 

Разложыць табар з усходу, дзе ўзыходзіць сонца, сьцяг табару Юды з дружынамі сваімі, а князем сыноў Юды [будзе] Нахшон, сын Амінадава.

І ў войску ягоным, і палічаных ягоных семдзясят чатыры тысячы шасьцьсот.

 

Лік войска ягонага, паводле падліку, — семдзясят чатыры тысячы шэсьцьсот.

І ля яго разьляжацца табарам плямя Іссасхарова, і князь сыноў Іссасхаровых Нафанаель Цуаронак;

 

Побач іх разложыцца табар пакаленьня Ісахара, а князем сыноў Ісахара [будзе] Натанаэль, сын Цуара.

І ў войску ягоным, і палічаных ягоных пяцьдзясят чатыры тысячы чатырыста.

 

Лік войска ягонага, паводле падліку, — пяцьдзясят чатыры тысячы чатырыста.

Адлі пакаленьне Завулонава, і князь сыноў Завулонавых Еляў Гэлонёнак;

 

[Потым] пакаленьне Завулёна, а князем сыноў Завулёна [будзе] Эліяў, сын Хэлёна.

І ў войску ягоным, і палічаных ягоных пяцьдзясят сем тысячаў чатырыста.

 

Лік войска ягонага, паводле падліку, — пяцьдзясят сем тысячаў чатырыста.

Усіх палічаных у табару Юдзіным сто асьмідзясят шэсьць тысячаў чатырыста, па войсках іхных; яны крануцца першыя.

 

Усіх, палічаных у табары Юды паводле дружынаў іхніх, — сто восемдзясят шэсьць тысячаў чатырыста. Яны першыя будуць выходзіць.

Сьцяг табару Рувінавага на паўдня, па войсках іхных, і князь сыноў Рувінавых Еліцур Шэдэўронак;

 

З поўдня будзе сьцяг табару Рубэна з дружынамі сваімі, а князем сыноў Рубэна [будзе] Эліцур, сын Шэдэура.

І ў войску ягоным, і палічаных ягоных сорак шэсьць тысячаў пяцьсот.

 

Лік войска ягонага, паводле падліку, — сорак шэсьць тысячаў пяцьсот.

І ля яго разьляжацца табарам плямя Сымонава, і князь сыноў Сымонавых Шэлумель Цурышаддаёнак;

 

Побач іх разложыцца табар пакаленьня Сымона, а князем сыноў Сымона [будзе] Шэлюміэль, сын Цурышадая.

І ў войску ягоным, і палічаных ягоных пяцьдзясят дзевяць тысячаў трыста.

 

Лік войска ягонага, паводле падліку, — пяцьдзясят дзевяць тысячаў трыста.

Плямя Ґадава, і князь сыноў Ґадавых Елясаф Рэґуелёнак;

 

[Пасьля] пакаленьне Гада, а князем сыноў Гада [будзе] Эліясаф, сын Дэўэля.

І ў войску ягоным, і палічаных ягоных сорак пяць тысячаў шасьцьсот пяцьдзясят.

 

Лік войска ягонага, паводле падліку, — сорак пяць тысячаў шэсьцьсот пяцьдзясят.

Усіх палічаных у табару Рувінавым сто пяцьдзясят адна тысяча чатырыста пяцьдзясят, па войсках іхных; другімі яны маюць кратацца.

 

Усіх, палічаных у табары Рубэна паводле дружынаў сваіх, — сто пяцьдзясят адна тысяча чатырыста пяцьдзясят. Яны другімі будуць выходзіць.

І кранецца вітальня збору, табар Левітаў будзе ў сярэдзіне табараў. Як разьлягаюцца, так і маюць кратацца, кажны на сваім месцу ля сьцягоў сваіх.

 

Пасля вырушыць Намёт Спатканьня і табар лявітаў у сярэдзіне другіх табараў. Паводле таго, як раскладаліся табарам, так і выходзіць будуць, кожны на месцы сваім, пад сьцягам сваім.

Сьцяг табару Яхрэмавага, па войсках іхных, у кірунку мора, і князь сыноў Яхрэмавых Елішама Амігудзёнак;

 

З захаду будзе сьцяг табару Эфраіма з дружынамі сваімі, а князем сыноў Эфраіма [будзе]Элішама, сын Амігуда.

І ў войску ягоным, і палічаных ягоных сорак тысячаў пяцьсот.

 

Лік войска ягонага, паводле падліку, — сорак тысячаў пяцьсот.

І ля яго плямя Манасава, і князь сыноў Манасавых Ґамалель Педацуронак;

 

Побач іх пакаленьне Манасы; а князем сыноў Манасы [будзе] Гамаліэль, сын Пэдагсура.

І ў войску ягоным, і палічаных ягоных трыццаць дзьве тысячы дзьвесьце.

 

Лік войска ягонага, паводле падліку, — трыццаць дзьве тысячы дзьвесьце.

І плямя Венямінова, і князь сыноў Веняміновых Авідан Ґідэонёнак;

 

[Потым] пакаленьне Бэн’яміна; а князем сыноў Бэн’яміна [будзе] Абідан, сын Гідэоні.

І ў войску ягоным, і палічаных ягоных трыццаць пяць тысячаў чатырыста.

 

Лік войска ягонага, паводле падліку, — трыццаць пяць тысячаў чатырыста.

Усіх палічаных у табару Яхрэмавым сто восьмі тысячаў сто, па войсках іхных; і трэйція яны маюць кратацца.

 

Усіх, палічаных у табары Эфраіма паводле дружынаў іхніх, — сто восем тысячаў сто. Яны трэція будуць выходзіць.

Сьцяг табару Дановага на поўнач, па войсках іхных, і князь сыноў Дановых Агіезэр Амішаддаёнак;

 

З поўначы будзе сьцяг табару Дана з дружынамі сваімі, а князем сыноў Дана [будзе]Ахіезэр, сын Амішадая.

І ў войску ягоным, і палічаных ягоных шасьцьдзясят дзьве тысячы сямсот.

 

Лік войска ягонага, паводле падліку, — шэсьцьдзясят дзьве тысячы семсот.

І ля яго разьляжацца табарам плямя Ашэрава, і князь сыноў Ашэравых Паґіель Охранёнак;

 

Побач іх разложыцца табарам пакаленьне Асэра, а князем сыноў Асэра [будзе] Пагіэль, сын Акрана.

І ў войску ягоным, і палічаных ягоных сорак адна тысяча пяцьсот.

 

Лік войска ягонага, паводле падліку, — сорак адна тысяча пяцьсот.

І плямя Неффалімова, і князь сыноў Неффалімовых Агіра Енанёнак;

 

[Потым] пакаленьне Нэфталі, а князем сыноў Нэфталі [будзе] Ахіра, сын Энана.

І ў войску ягоным, і палічаных ягоных пяцьдзясят тры тысячы чатырыста.

 

Лік войска ягонага, паводле падліку, — пяцьдзясят тры тысячы чатырыста.

Усіх палічаных у табару Дановым сто пяцьдзясят сем тысячаў шасьцьсот; яны маюць кратацца апошнія ля сьцягоў сваіх».

 

Усіх, палічаных у табары Дана, — сто пяцьдзясят сем тысячаў шэсьцьсот. Яны як апошнія будуць выходзіць пад сьцягамі сваімі.

Гэта палічаныя сынове Ізраелявы па дамох айцоў іхных. Усіх палічаных у табарах, па войсках іхных, шасьцьсот тры тысячы пяцьсот пяцьдзясят.

 

Гэта палічаныя сыны Ізраіля паводле дамоў бацькоў сваіх. Усіх, палічаных у табары паводле дружынаў сваіх, — шэсьцьсот тры тысячы пяцьсот пяцьдзясят.

А Левіты не палічаныя із сынамі Ізраеля, як расказаў СПАДАР Масею.

 

Лявіты не былі палічаныя сярод сыноў Ізраіля, як загадаў ГОСПАД Майсею.

І зрабілі сынове Ізраелявы ўсе, што расказаў СПАДАР Масею; гэтак разьлягліся табарамі ля сьцягоў сваіх і гэтак краталіся кажны па радзімах сваіх і кажны па дамох айцоў сваіх.

 

Сыны Ізраіля зрабілі ўсё, што загадаў ГОСПАД Майсею: раскладаліся табарам пад сьцягамі сваімі і выходзілі паводле сем’яў сваіх і дамоў бацькоў сваіх.