Лікі 33 разьдзел

 

 

І во падарожжы сыноў Ізраелявых, каторыя вышлі ізь зямлі Ягіпецкае па войсках сваіх, пад рукою Масея а Аарона.

 

Гэта месцы прыпынку сыноў Ізраэля, якія выйшлі з Егіпта дружынамі на чале з Майсеем і Ааронам

І апісаў Масей выхады ў падарожжы іхныя, подле слова СПАДАРОВАГА, і во падарожжы іхныя подле выхадаў іхных:

 

і якіх Майсей запісаў па месцы лагераў, з якіх яны па загадзе Госпада выходзілі. Вось гэтыя месцы.

І крануліся яны з Рамесэсу першага месяца, на пятнанцаты дзень першага месяца; на другі дзень Пасхі вышлі сынове Ізраелявы пад рукою высокай на ачох усяго Ягіпту.

 

Вось, у першы месяц, пятнаццатага дня першага месяца вырушылі сыны Ізраэля з Рамэсаса, у другі дзень Пасхі, ведзеныя рукой Узвышняга на вачах усіх егіпцян,

А Ягіпцяне хавалі ўсіх першакоў, каторых зразіў СПАДАР. СПАДАР зрабіў суды над багамі іхнымі.

 

калі яны хавалі ўсіх сваіх першародных, забітых Госпадам, калі Ён учыніў суд над іх багамі,

І крануліся сынове Ізраелявы з Рамесэсу, і разьлягліся табарам у Сукофе.

 

і расклаліся лагерам у Сукоце.

І крануліся із Сукофу, і разьлягліся табарам у Ефаме, што на краю пустыні.

 

А з Сукота прыбылі яны ў Этам, што на самай мяжы пустыні.

І крануліся зь Ефаму, і зьвярнуліся да Пі-Гагірофу, каторы перад Ваал-Цэфонам, і разьлягліся табарам перад Міґдолам.

 

Адтуль вырушыўшы, прыбылі ў Пігахірот, што каля Баал-Сэфона, ды расклаліся лагерам перад Магдолам.

І крануліся ад Гагірофу, і прайшлі сярод мора на пустыню, і йшлі тры дні дарогі пустынёю Ефам, і разьлягліся табарам у Меры.

 

Выйшаўшы з Пігахірота, перайшлі яны сярэдзінай мора ў пустыню і тры дні ішлі пустыняй, і расклаліся лагерам у Мары.

І крануліся зь Меры, і прышлі да Еліму; у Еліме ж двананцаць жаролаў вады і семдзясят пальмаў, і разьлягліся там табарам.

 

А выйшаўшы з Мары, прыбылі ў Элім, дзе было дванаццаць крыніц водных і семдзесят пальмаў; і там расклаліся лагерам.

І крануліся зь Еліму, і разьлягліся табарам ля Чырвонага мора.

 

Выйшаўшы з Эліма, расклаліся лагерам каля Чырвонага мора.

І крануліся ад Чырвонага мора, і разьлягліся табарам на пустыні Сын.

 

А выйшаўшы ад Чырвонага мора, яны расклаліся лагерам у пустыні Сін;

І крануліся з пустыні Сын, і разьлягліся табарам у Дофцы.

 

а адтуль выйшаўшы, яны прыбылі ў Дафку.

І крануліся з Дофкі, і разьлягліся табарам ўв Алушы.

 

А выйшаўшы з Дафкі, яны разлажыліся лагерам у Алусе.

І крануліся з Алушы, і разьлягліся табарам у Рэфідыме, і ня было там вады люду піць.

 

А выйшаўшы з Алуса, паставілі палаткі ў Рэфідыме, дзе не было вады для піцця;

І крануліся з Рэфідыму, і разьлягліся табарам на пустыні Сынайскай.

 

а выйшаўшы з Рэфідыма, яны расклаліся лагерам у пустыні Сінай.

І крануліся з пустыні Сынайскае, і разьлягліся табарам у Кіброт-Гатааве.

 

Але яны вырушылі і з пустыні Сінай і прыбылі ў Кіброт-Гатаву;

І крануліся з Кіброт-Гатаавы, і разьлягліся табарам у Гацэрофе.

 

а вырушыўшы з Кіброт-Гатавы, яны расклаліся лагерам у Асэроце.

І крануліся з Гацэрофу, і разьлягліся табарам у Рыфме.

 

А з Асэрота прыбылі ў Рэтму;

І крануліся з Рыфмы, і разьлягліся табарам у Рымнон-Парэцу.

 

а выйшаўшы з Рэтмы, яны сталі лагерам у Рэмон-Парэсе.

І крануліся з Рымнон-Парэцу, і разьлягліся табарам у Ліўне.

 

Выйшаўшы адтуль, яны прыбылі ў Лебну;

І крануліся зь Ліўны, і разьлягліся табарам у Рысе.

 

пасля Лебны сталі лагерам у Рэсе;

І крануліся з Рысы, і разьлягліся табарам у Кегелафе.

 

А выйшаўшы з Рэсы, прыбылі ў Каалату,

І крануліся з Кегелафы, і разьлягліся табарам на гары Шэфер.

 

адкуль выйшаўшы, паставілі палаткі на гары Сэфар.

І крануліся ад гары Шэфер, і разьлягліся табарам у Гарадзе.

 

Затым, выйшаўшы ад гары Сэфар, яны прыйшлі ў Араду;

І крануліся з Гарады, і разьлягліся табарам у Макелофе.

 

адтуль выйшаўшы, сталі лагерам у Мацэлоце.

І крануліся з Макелофу, і разьлягліся табарам у Тагафе.

 

Выйшаўшы з Мацэлота, прыйшлі ў Тагат;

І крануліся з Тагафу, і разьлягліся табарам у Тэразе.

 

пасля Тагата сталі лагерам у Тарэ.

І крануліся з Тэрагу, і разьлягліся табарам у Міфцы.

 

Адтуль выйшаўшы, яны паставілі палаткі ў Мэтцы,

І крануліся зь Міфкі, і разьлягліся табарам у Гашмоне.

 

а пасля Мэткі яны сталі лагерам у Хэсмоне;

І крануліся з Гашмоны, і разьлягліся табарам у Мосэрофе.

 

выйшаўшы з Хэсмоны, прыбылі ў Мацэрот.

І крануліся з Мосэрофы, і разьлягліся табарам у Бене-Яакане.

 

А пасля Мацэрота яны сталі лагерам у Бэнэ-Якане;

І крануліся зь Бене-Яакану, і разьлягліся табарам у Гор-Гаґідґадзе.

 

і, выйшаўшы з Бэнэ-Якана, прыбылі да гары Гадгад;

І крануліся з Гор-Гаґідґаду, і разьлягліся табараім у Ётвафе.

 

выйшаўшы адтуль, паставілі палаткі ў Етэбаце.

І крануліся ад Ётвафы, і разьлягліся табарам у Аўроне.

 

І з Етэбаты прыбылі ў Эброну; а

І крануліся з Аўрону, і разьлягліся табарам у Ецон-Ґаверу.

 

выйшаўшы з Эброны, расклаліся лагерам у Эцыён-Гебэры.

І крануліся зь Ецон-Ґаверу, і разьлягліся табарам на пустыні Цын, яна ж Кадэш.

 

Адтуль выбраўшыся, прыбылі ў пустыню Сін, або Кадэс.

І крануліся з Кадэшу, і разьлягліся табарам на гары Гор, ля канца зямлі Едомскае.

 

Выйшаўшы з Кадэса, паставілі палаткі на гары Гор, на самай мяжы зямлі Эдома.

І ўзышоў Аарон сьвятар на гару Гор подле слова СПАДАРОВАГА, і памер там саракавога году па выходзе сыноў Ізраелявых ізь зямлі Ягіпецкае, пятага месяца, на першы дзень месяца.

 

Па загадзе Госпада Аарон, святар, узышоў на гару Гор і там памёр у саракавым годзе па выхадзе сыноў Ізраэля з Егіпта, у першы дзень пятага месяца,

Аарону было сто дваццаць тры гады, як памер на гары Гор.

 

маючы сто дваццаць тры гады, калі памёр на гары Гор.

І пачуў Канаанянін, кароль Арада, а ён жыў на паўдні ў зямлі Канаанскай, што йдуць сынове Ізраелявы.

 

Цар Арада, хананеец, які жыў у Нагэбе, у зямлі Ханаан, пачуў у той час, што прыбылі сыны Ізраэля.

І крануліся яны ад гары Гор, і разьлягліся табарам у Цалмоне.

 

І выйшаўшы з гары Гор, яны сталі лагерам у Салмоне;

І крануліся з Цалмону, і разьлягліся табарам у Пуноне.

 

выйшаўшы адтуль, яны прыбылі ў Пунон.

І крануліся з Пунону і разьлягліся табарам у Овофе.

 

З Пунона выйшлі і прыбылі ў Абот.

І крануліся з Овофу, і разьлягляліся табарам у Іім-Аварыме, на граніцах Моаву.

 

З Абота прыбылі ў Еабарым, што на мяжы Мааба.

І крануліся з Ііму, і разьлягліся табарам у Дывон-Ґадзе.

 

А выйшаўшы з Еабарыма, яны паставілі палаткі ў Дыбонгадзе;

І крануліся з Дывон-Ґаду, і разьлягліся табарам у Алмон-Дыўлафаіме.

 

выйшаўшы адтуль, сталі лагерам у Элман-Дэблатаіме.

І крануліся з Алмон-Дыўлафаіму, і разьлягліся табарам на горах Аварымскіх перад Нево.

 

А выйшаўшы з Элман-Дэблатаіма, прыбылі пад гару Абарым, насупраць Нэба.

І крануліся з гор Аварымскіх, і разьлягліся табарам на раўнінах Моаўскіх ля Ёрдану, супроці Ерыхону.

 

А выйшаўшы з гор Абарым, прыйшлі на раўніны Мааба, над Ярданам, насупраць Ерыхона;

Яны разьлягліся табарам ля Ёрдану ад Беф-Ешгімофу аж да Аве-Шытыму на раўнінах Моаўскіх.

 

там расклаліся лагерам на мясцовасці ад Бэт-Есімота аж да Абэл-Сітыма на раўнінах Мааба.

І гукаў СПАДАР Масею на раўнінах Моаўскіх ля Ёрдану, кажучы:

 

Там сказаў Госпад Майсею:

«Гукай сыном Ізраелявым і скажы ім: як пярэйдзеце перазь Ёрдан да зямлі Канаанскае,

 

«Загадай сынам Ізраэля і скажы ім: “Калі пяройдзеце раку Ярдан і ўвойдзеце ў зямлю Ханаан, —

То пражаніце ўсіх жыхараў зямлі ад віду свайго, і зьнішчыце ўсі хвіґуры іхныя, і ўсі літыя балваны іхныя зьнішчыце, і ўсі вышыні іхныя разбурыце.

 

выганіце перад сабою ўсіх жыхароў той зямлі, паламайце ўсіх іх ідалаў ды разбіце ўсе статуі, і ўсе ўзгоркі спусташыце.

І вазьміце ў дзяржаньне зямлю, асяліцеся на ёй, бо вам Я даў зямлю гэтую дзяржаць яе.

 

Завалодайце зямлёй і абжывайцеся на ёй, бо Я даў яе вам ва ўласнасць;

І возьмеце на спадак зямлю жэрабям подле радзімаў сваіх: чысьленаму павялічча спадак, а нячысьленаму паменшча спадак; на каторае месца каму падзець жэрабя, тое яму й будзе; подле плямёнаў айцоў сваіх вазьміце сабе спадкі.

 

яе падзяліце паміж вашымі пакаленнямі: большаму пакаленню дайце большую частку, меншаму — меншую; як жэрабя выпадзе, так паміж усімі хай будзе падзелена ўласнасць; па пакаленнях і родах хай будзе яна падзелена.

Калі ж вы не пражаніце жыхараў зямлі ад сябе, то будзе, што засталыя зь іх будуць цернямі ачом вашым і бадзюлькамі баком вашым, і будуць ціснуць вас на зямлі, на каторай вы жывіце.

 

Калі ж не захочаце выгнаць жыхароў зямлі гэтай, і калі яны застануцца, будуць яны вам як церні ў вачах вашых і як калючкі ў баках вашых, будуць яны ўціскаць вас у зямлі пражывання вашага;

І тады, што Я думаў зрабіць ім, зраблю вам».

 

і тады, што Я меркаваў ім зрабіць, вам зраблю”».