Лікі 33 разьдзел

 

 

Гэта месцы прыпынку сыноў Ізраіля, якія выйшлі з Эгіпту дружынамі сваімі пад рукою Майсея і Аарона.

 

Гэта месцы прыпынку сыноў Ізраэля, якія выйшлі з Егіпта дружынамі на чале з Майсеем і Ааронам

І запісаў Майсей месцы табараў, з якіх яны паводле [слова] з вуснаў ГОСПАДА выходзілі. Вось месцы прыпынку іхняга.

 

і якіх Майсей запісаў па месцы лагераў, з якіх яны па загадзе Госпада выходзілі. Вось гэтыя месцы.

У першы месяц, у пятнаццаты дзень першага месяца, у другі дзень Пасхі вырушылі сыны Ізраіля з Рамсэсу, [ведзеныя] рукой узьнятай на вачах усіх Эгіпцянаў.

 

Вось, у першы месяц, пятнаццатага дня першага месяца вырушылі сыны Ізраэля з Рамэсаса, у другі дзень Пасхі, ведзеныя рукой Узвышняга на вачах усіх егіпцян,

А Эгіпцяне хавалі ўсіх першародных сваіх, якіх забіў ГОСПАД, і ГОСПАД учыніў суд над багамі іхнімі.

 

калі яны хавалі ўсіх сваіх першародных, забітых Госпадам, калі Ён учыніў суд над іх багамі,

І вырушылі сыны Ізраіля з Рамсэсу, і сталі табарам у Сукоце.

 

і расклаліся лагерам у Сукоце.

І вырушылі з Сукоту, і сталі табарам у Этаме, які на мяжы пустыні.

 

А з Сукота прыбылі яны ў Этам, што на самай мяжы пустыні.

І вырушылі з Этаму, і завярнулі ў Пі-Гахірот, што каля Баал-Цэфону, і сталі табарам перад Мігдолам.

 

Адтуль вырушыўшы, прыбылі ў Пігахірот, што каля Баал-Сэфона, ды расклаліся лагерам перад Магдолам.

І выйшлі з Пі-Гахіроту, і перайшлі сярэдзінай мора ў пустыню, і тры дні ішлі праз пустыню, і сталі табарам у Мары.

 

Выйшаўшы з Пігахірота, перайшлі яны сярэдзінай мора ў пустыню і тры дні ішлі пустыняй, і расклаліся лагерам у Мары.

І вырушылі з Мары, і прыйшлі ў Элім, а ў Эліме [было] дванаццаць крыніцаў водных і семдзясят пальмаў, і там сталі табарам.

 

А выйшаўшы з Мары, прыбылі ў Элім, дзе было дванаццаць крыніц водных і семдзесят пальмаў; і там расклаліся лагерам.

І вырушылі з Эліму, і сталі табарам каля Мора Чырвонага.

 

Выйшаўшы з Эліма, расклаліся лагерам каля Чырвонага мора.

І вырушылі ад Мора Чырвонага, і сталі табарам у пустыні Сін.

 

А выйшаўшы ад Чырвонага мора, яны расклаліся лагерам у пустыні Сін;

І вырушылі з пустыні Сін, і сталі табарам у Дафцы.

 

а адтуль выйшаўшы, яны прыбылі ў Дафку.

І вырушылі з Дафкі, і сталі табарам у Алушы.

 

А выйшаўшы з Дафкі, яны разлажыліся лагерам у Алусе.

І вырушылі з Алушы, і сталі табарам у Рэфідыме, і не было там вады для піцьця народу.

 

А выйшаўшы з Алуса, паставілі палаткі ў Рэфідыме, дзе не было вады для піцця;

І вырушылі з Рэфідыму, і сталі табарам у пустыні Сынай.

 

а выйшаўшы з Рэфідыма, яны расклаліся лагерам у пустыні Сінай.

І вырушылі з пустыні Сынай, і сталі табарам у Кіброт-Гатаве.

 

Але яны вырушылі і з пустыні Сінай і прыбылі ў Кіброт-Гатаву;

І вырушылі з Кіброт-Гатавы, і сталі табарам у Хацэроце.

 

а вырушыўшы з Кіброт-Гатавы, яны расклаліся лагерам у Асэроце.

І врушылі з Хацэроту, і сталі табарам ў Рытме.

 

А з Асэрота прыбылі ў Рэтму;

І вырушылі з Рытмы, і сталі табарам у Рымон-Пэрэсе.

 

а выйшаўшы з Рэтмы, яны сталі лагерам у Рэмон-Парэсе.

І вырушылі з Рымон-Пэрэсу, і сталі табарам у Лібне.

 

Выйшаўшы адтуль, яны прыбылі ў Лебну;

І вырушылі з Лібны, і сталі табарам у Рысе.

 

пасля Лебны сталі лагерам у Рэсе;

І вырушылі з Рысы, і сталі табарам у Кэгеляце.

 

А выйшаўшы з Рэсы, прыбылі ў Каалату,

І вырушылі з Кэгеляты, і сталі табарам на гары Шафэр.

 

адкуль выйшаўшы, паставілі палаткі на гары Сэфар.

І вырушылі з гары Шафэр, і сталі табарам у Харадзе.

 

Затым, выйшаўшы ад гары Сэфар, яны прыйшлі ў Араду;

І вырушылі з Хараду, і сталі табарам у Макэлёце.

 

адтуль выйшаўшы, сталі лагерам у Мацэлоце.

І вырушылі з Макэлёту, і сталі табарам у Тахаце.

 

Выйшаўшы з Мацэлота, прыйшлі ў Тагат;

І вырушылі з Тахату, і сталі табарам у Тэраху.

 

пасля Тагата сталі лагерам у Тарэ.

І вырушылі з Тэраху, і сталі табарам у Мітцы.

 

Адтуль выйшаўшы, яны паставілі палаткі ў Мэтцы,

І вырушылі з Міткі, і сталі табарам у Хашмоне.

 

а пасля Мэткі яны сталі лагерам у Хэсмоне;

І вырушылі з Хашмоны, і сталі табарам у Масэроце.

 

выйшаўшы з Хэсмоны, прыбылі ў Мацэрот.

І вырушылі з Масэроту, і сталі табарам у Бэнэй-Яакане.

 

А пасля Мацэрота яны сталі лагерам у Бэнэ-Якане;

І вырушылі з Бэнэй-Яакану, і сталі табарам у Хар-Гагідгадзе.

 

і, выйшаўшы з Бэнэ-Якана, прыбылі да гары Гадгад;

І вырушылі з Хар-Гагідгаду, і сталі табарам у Ётбаце.

 

выйшаўшы адтуль, паставілі палаткі ў Етэбаце.

І вырушылі з Ётбаты, і сталі табарам у Аброне.

 

І з Етэбаты прыбылі ў Эброну; а

І вырушылі з Аброны, і сталі табарам у Эцыён-Гебэры.

 

выйшаўшы з Эброны, расклаліся лагерам у Эцыён-Гебэры.

І вырушылі з Эцыён-Гебэру, і сталі табарам у пустыні Сін, у Кадэшы.

 

Адтуль выбраўшыся, прыбылі ў пустыню Сін, або Кадэс.

І вырушылі з Кадэшу, і сталі табарам на гары Гор, на мяжы зямлі Эдому.

 

Выйшаўшы з Кадэса, паставілі палаткі на гары Гор, на самай мяжы зямлі Эдома.

І ўзыйшоў Аарон сьвятар на гару Гор перад аблічча ГОСПАДА, і там памёр у саракавым годзе пасьля выхаду сыноў Ізраіля з зямлі Эгіпецкай, у пятым месяцы, у першы дзень месяца.

 

Па загадзе Госпада Аарон, святар, узышоў на гару Гор і там памёр у саракавым годзе па выхадзе сыноў Ізраэля з Егіпта, у першы дзень пятага месяца,

Аарон меў сто дваццаць тры гады, калі памёр на гары Гор.

 

маючы сто дваццаць тры гады, калі памёр на гары Гор.

І пачуў валадар Араду, Хананеец, які жыў у Нэгеве ў зямлі Ханаан, што ідуць сыны Ізраіля.

 

Цар Арада, хананеец, які жыў у Нагэбе, у зямлі Ханаан, пачуў у той час, што прыбылі сыны Ізраэля.

А яны вырушылі ад гары Гор і сталі табарам у Цальмоне.

 

І выйшаўшы з гары Гор, яны сталі лагерам у Салмоне;

І вырушылі з Цальмону, і сталі табарам у Пуноне.

 

выйшаўшы адтуль, яны прыбылі ў Пунон.

І вырушылі з Пунону, і сталі табарам у Абоце.

 

З Пунона выйшлі і прыбылі ў Абот.

І вырушылі з Аботу, і сталі табарам у Іе-Абарыме на мяжы Мааву.

 

З Абота прыбылі ў Еабарым, што на мяжы Мааба.

І вырушылі з Іе-Абарыму, і сталі табарам у Дыбон-Гадзе.

 

А выйшаўшы з Еабарыма, яны паставілі палаткі ў Дыбонгадзе;

І вырушылі з Дыбон-Гаду, і сталі табарам у Альмон-Дыблатаіме.

 

выйшаўшы адтуль, сталі лагерам у Элман-Дэблатаіме.

І вырушылі з Альмон-Дыблатаіму, і сталі табарам пад гарой Абарым, насупраць Нэво.

 

А выйшаўшы з Элман-Дэблатаіма, прыбылі пад гару Абарым, насупраць Нэба.

І вырушылі ад гары Абарым, і сталі табарам на раўнінах Мааву над Ярданам насупраць Ерыхону.

 

А выйшаўшы з гор Абарым, прыйшлі на раўніны Мааба, над Ярданам, насупраць Ерыхона;

І яны сталі табарам паміж Бэт-Гаешымотам і Абэль-Шытымам на раўнінах Мааву.

 

там расклаліся лагерам на мясцовасці ад Бэт-Есімота аж да Абэл-Сітыма на раўнінах Мааба.

І прамовіў ГОСПАД да Майсея на раўнінах Мааву над Ярданам насупраць Ерыхону, кажучы:

 

Там сказаў Госпад Майсею:

«Прамоў да сыноў Ізраіля і скажы ім: “Вы пяройдзеце праз Ярдан у зямлю Ханаан,

 

«Загадай сынам Ізраэля і скажы ім: “Калі пяройдзеце раку Ярдан і ўвойдзеце ў зямлю Ханаан, —

дык выганіце перад сабою ўсіх жыхароў той зямлі, і паламіце ўсе выявы іхнія, і разьбіце ўсіх ідалаў іхніх, і ўсе ўзгоркі спусташыце.

 

выганіце перад сабою ўсіх жыхароў той зямлі, паламайце ўсіх іх ідалаў ды разбіце ўсе статуі, і ўсе ўзгоркі спусташыце.

І вы авалодаеце зямлёй, і будзеце жыць на ёй, бо Я даў вам яе на ўласнасьць.

 

Завалодайце зямлёй і абжывайцеся на ёй, бо Я даў яе вам ва ўласнасць;

Падзяліце зямлю жэрабям паміж сем’ямі вашымі, шматлікай павялічце спадчыну яе, малалікай зьменшыце спадчыну яе. Як жэрабя выпадзе, так будзе падзелена спадчына. Паводле пакаленьняў бацькоў вашых атрымаеце спадчыну.

 

яе падзяліце паміж вашымі пакаленнямі: большаму пакаленню дайце большую частку, меншаму — меншую; як жэрабя выпадзе, так паміж усімі хай будзе падзелена ўласнасць; па пакаленнях і родах хай будзе яна падзелена.

А калі ня выганіце перад сабою жыхароў зямлі гэтай, будуць тыя, якія з іх застануцца, цернямі ў вачах вашых і калючкамі ў баках вашых, і будуць яны ўціскаць вас у зямлі, у якой вы будзеце жыць.

 

Калі ж не захочаце выгнаць жыхароў зямлі гэтай, і калі яны застануцца, будуць яны вам як церні ў вачах вашых і як калючкі ў баках вашых, будуць яны ўціскаць вас у зямлі пражывання вашага;

І станецца тое, што Я задумаў ім зрабіць, Я вам зраблю”».

 

і тады, што Я меркаваў ім зрабіць, вам зраблю”».