Лікі 34 разьдзел
Лікі
Пераклад Антонія Бокуна → Пераклад Чарняўскага 2017
І прамовіў ГОСПАД да Майсея, кажучы:
Далей казаў Госпад Майсею, гаворачы:
«Загадай сынам Ізраіля і скажы ім: “Калі ўвойдзеце ў зямлю Ханаан, вось зямля, якая будзе вам у спадчыну, зямля Ханаан у межах ейных.
«Загадай сынам Ізраэля і скажы ім: “Калі ўвойдзеце ў зямлю гэтую Ханаан, тады абшар, які выпадзе па жэрабі вам ва ўласнасць, хай будзе ў гэтых межах.
Паўднёвая мяжа будзе ад пустыні Сін да ваколіц Эдому, і будзе паўднёвая мяжа з усходу ад краю Мора Салёнага.
Паўднёвая мяжа хай будзе ад пустыні Сін, уздоўж Эдома, і хай мяжуецца на ўсходзе з морам Салёным.
І зьверне мяжа вашая на поўдзень да ўзвышша Акраббім, і пойдзе праз Сін на поўдзень да Кадэш-Барнэа, і пойдзе да Хацар-Адару, і дойдзе да Ацмону.
Хай яны звернуць на поўдзень да ўзвышша Акрабім, каб, такім чынам, пайсці праз Сін і дасягнуць на поўдні Кадэс-Барнэ, а адтуль выйсці да Асарадара і дайсці аж да Асэмона.
Ад Ацмону паверне [мяжа] да ручаю Эгіпецкага і спыніцца на беразе мора.
Ад Асэмона хай паверне мяжа да ручая Егіпецкага і спыніцца хай на беразе Вялікага мора.
Вашай мяжой заходняй будзе для вас Мора Вялікае, гэта будзе ваша мяжа заходняя.
Вашай мяжой заходняй хай будзе Вялікае мора, гэта будзе ваша заходняя мяжа.
На поўначы будзе ў вас мяжа ад Мора Вялікага пачынаючы і аж да гары Гор,
А на поўначы хай будзе ў вас мяжа, пачынаючы ад Вялікага мора і аж да гары Гор,
і ад гары Гор павядзіце [мяжу] да ўваходу ў Хамат і далей, да мяжы Цэдаду.
ад якой павядзіце мяжу да ўваходу ў Эмат і далей, да межаў Сэдада.
І пойдзе мяжа да Зіфрону, і дойдзе да Гацар-Энану. Гэта будзе для вас мяжа паўночная.
Потым хай пойдзе мяжа да Зэфрона і Асарэнона. Такія хай будуць межы з поўначы.
Усходнюю мяжу правядзіце ад Гацар-Энану да Шэфамы,
Усходнюю мяжу правядзіце ад Асарэнона да Сэпама,
і ад Шэфамы пойдзе мяжа да Рыўлі на ўсход да Аіну, і зыйдзе мяжа далей, і пройдзе праз горы на ўсход ад мора Кінэрэт,
і ад Сэпама хай пойдзе мяжа ў напрамку Рэблы на ўсход ад Аіна, адтуль хай пойдзе далей і дасягне на ўсходзе боку мора Кінэрэт,
і зыйдзе мяжа ўздоўж Ярдану, і спыніцца пры Моры Салёным. Гэта будзе зямля вашая з межамі сваімі наўкола”».
і працягнецца аж да Ярдана, і спыніцца, нарэшце, пры моры Салёным. Гэта хай будзе зямля вашая з межамі сваімі вакол”».
І загадаў Майсей сынам Ізраіля, кажучы: «Вось зямля, якую маеце падзяліць жэрабям і якую загадаў ГОСПАД даць дзевяці пакаленьням і палове пакаленьня.
І, кажучы, загадаў Майсей сынам Ізраэля: «Гэта хай будзе зямля, якую маеце падзяліць па жэрабі і якую загадаў Госпад даць дзевяці пакаленням і палове пакалення.
Бо пакаленьне сыноў Рубэна паводле дамоў бацькоў сваіх, і пакаленьне сыноў Гада паводле дамоў бацькоў сваіх, і палова пакаленьня Манасы атрымалі спадчыну сваю.
Бо пакаленне сыноў Рубэна па сем’ях сваіх, і пакаленне сыноў Гада па ліку родаў, і палова пакалення Манасы атрымалі ўжо сваю ўласнасць;
Гэтыя два пакаленьні і палова пакаленьня ўзялі спадчыну сваю з таго боку Ярдану насупраць Ерыхону на ўсход».
гэтыя два і палова пакаленні ўзялі сваю ўласнасць па той бок Ярдана насупраць Ерыхона на ўсходзе».
І прамовіў ГОСПАД да Майсея, кажучы:
І сказаў Госпад Майсею:
«Гэта імёны людзей, якія падзеляць вам зямлю: Элеазар сьвятар і Егошуа, сын Нуна.
«Гэта імёны людзей, якія падзеляць вам зямлю: Элеязэр святар, і Ешуа, сын Нуна,
І возьмеце па адным князі з кожнага пакаленьня, каб падзяліць зямлю на ўласнасьць.
і адзін князь з кожнага пакалення, каб падзяліць зямлю ва ўласнасць,
Вось імёны тых людзей: з пакаленьня Юды — Халеў, сын Ефунны,
імёны якіх наступныя: з пакалення Юды — Калеб, сын Ефоны;
з пакаленьня сыноў Сымона — Шэмюэль, сын Амігуда,
з пакалення Сімяона — Самуэль, сын Аміюда;
з пакаленьня Бэн’яміна — Элідад, сын Кісьлёна,
з пакалення Бэньяміна — Элідад, сын Хаселона;
з пакаленьня сыноў Дана — Букі, сын Ёглі,
з пакалення сыноў Дана — Бокцы, сын Ёглі.
з сыноў Язэпа, з пакаленьня сыноў Манасы — Ханіэль, сын Эфода,
З сыноў Язэпа: з пакалення Манасы — Ханіэль, сын Эфода;
з пакаленьня сыноў Эфраіма — Кэмуэль, сын Шыфтана,
з пакалення Эфраіма — Кемуэль, сын Сэфтана.
з пакаленьня сыноў Завулёна — Эліцафан, сын Парнаха,
З пакалення Забулона — Элісафан, сын Парнаха;
з пакаленьня сыноў Ісахара — Пальтыэль, сын Азана,
з пакалення Ісахара — кіраўнік Палціэль, сын Азана;
з пакаленьня сыноў Асэра — Эхігуд, сын Шэломіі,
з пакалення Асэра — Ахіюд, сын Саломі;
з пакаленьня сыноў Нэфталі — Пэдагель, сын Амігуда».
з пакалення Нэфталі — Пэдаэль, сын Аміюда».
Гэта тыя, якім загадаў ГОСПАД падзяліць зямлю Ханаан між сыноў Ізраіля.
Вось тыя, каму загадаў Госпад падзяліць зямлю Ханаан між сыноў Ізраэля.
