Яна 14 разьдзел
Паводле Яна Сьвятое Дабравесьце
Пераклад Васіля Сёмухі → Дабравесця / «Спадчына»; Клышка
Хай не бянтэжыцца сэрца ваша; веруйце ў Бога і ў Мяне веруйце.
Няхай не трывожыцца ваша сэрца: веруйце ў Бога і ў Мяне веруйце.
У доме Айца Майго прыстанішча многа, а калі б ня так, Я сказаў бы вам: Я іду падрыхтаваць месца вам.
У доме Майго Бацькі жылля шмат; а калі б не, хіба Я сказаў бы вам: іду падрыхтаваць месца вам!
І калі пайду і падрыхтую вам месца, прыйду зноў і вазьму вас да Сябе, каб і вы былі, дзе Я.
І калі пайду і падрыхтую месца вам, зноў прыйду і вазьму вас да Сябе, каб, дзе Я, і вы былі.
А куды Я іду, вы ведаеце, і шлях ведаеце.
Акуды [Я] іду, дарогу ведаеце».
Тамаш сказаў Яму: Госпадзе! ня ведаем, куды ідзеш; і як можам ведаць шлях?
Кажа Яму Фама: «Госпадзе, мы не ведаем, куды Ты ідзеш; як жа можам мы ведаць дарогу?»
Ісус сказаў яму: Я — і шлях і праўда і жыцьцё; ніхто ня прыходзіць да Айца, як толькі церазь Мяне.
Кажа яму Ісус: «Я — дарога, і праўда, і жыццё; ніхто не прыходзіць да Бацькі, як не праз Мяне.
Калі б вы ведалі Мяне, дык ведалі б і Айца Майго. І ад сёньня ведаеце Яго, і бачылі Яго.
Калі б вы ведалі Мяне, то і Майго Бацьку ведалі б. І з гэтага часу вы ведаеце Яго і бачылі Яго».
Піліп сказаў Яму: Госпадзе! пакажы нам Айца, і досыць нам.
Кажа Яму Філіп: «Госпадзе, пакажы нам Бацьку, і гэтага нам даволі».
Ісус сказаў яму: столькі часу Я з вамі, і ты ня ведаеш Мяне, Піліпе? хто бачыў Мяне, бачыў Айца; як жа ты кажаш: «пакажы нам Айца»?
Кажа яму Ісус: «Гэтулькі часу Я з вамі, і ты не ведаеш Мяне, Філіпе? Хто Мяне ўбачыў, убачыў Бацьку. Як жа ты кажаш: «Пакажы нам Бацьку?»
Хіба ня верыш ты, што Я ў Айцы, і Айцец ува Мне? Словы, якія кажу Я вам, кажу не ад Сябе; Айцец, Які існы ўва Мне, Ён творыць дзеі.
Ці не веруеш ты, што Я ў Бацьку, і Бацька ўва Мне! Словы, што Я кажу вам, Я не ад Сябе кажу: Бацька, што ўва мне, застаецца, робіць Свае справы.
Верце Мне, што Я ў Айцы, і Айцец ува Мне; а калі ня так, дык верце Мне па самых дзеях.
Паверце Мне, што Я ў Бацьку, і Бацька ўва Мне. Калі ж не, то паверце за самі ўчынкі.
Праўду, праўду кажу вам: хто верыць у Мяне, дзеі, якія твару Я, і Ён створыць, і болей за іх створыць; бо Я да Айца Майго іду.
Папраўдзе, папраўдзе кажу вам: хто веруе ў Мяне, той будзе рабіць учынкі, якія Я раблю, і большыя за гэтыя зробіць, бо Я іду да Бацькі;
І калі чаго папросіце ў Айца ў імя Маё, дык зраблю, хай праславіцца Айцец у Сыне;
І пра што ні папросіце ў імя Маё, Я зраблю, каб быў праслаўлены Бацька ў Сыне.
калі чаго папросіце ў імя Маё, Я тое зраблю.
Калі што папросіце Мяне ў імя Маё, Я зраблю.
Калі любіце Мяне, захавайце Мае запаведзі,
Калі любіце Мяне, Мае запаведзі выконвайце.
і Я ўмалю Айца, і дасьць вам другога Суцешніка, хай будзе з вамі вавек,
І Я ўмалю Бацьку, і другога Суцяшальніка дасць Ён вам, каб быў з вамі навекі,
Духа праўды, Якога сьвет ня можа прыняць, бо ня бачыць Яго і ня ведае Яго; а вы ведаеце Яго, бо Ён з вамі існы, і ў вас будзе.
Духа праўды, Якога свет не можа прыняць, бо не бачыць Яго і не ведае; а вы ведаеце Яго, бо Ён з вамі застаецца і ў Вас будзе.
Не пакіну вас сіротамі; прыйду да вас;
Не пакіну вас сіротамі, прыйду да вас.
яшчэ трошкі, і сьвет ужо ня ўбачыць Мяне; а вы ўбачыце Мяне, бо Я жыву, і вы жыцьмеце.
Яшчэ нядоўга, і ўжо свет Мяне не ўбачыць; але вы ўбачыце Мяне, бо Я жыву, і вы жыць будзеце.
У той дзень спазнаеце вы, што Я ў Айцы Маім, і вы ўва Мне, і Я ў вас.
У той дзень вы ўведаеце, што Я ў Сваім Бацьку, і вы ўва Мне і Я ў вас.
Хто мае запаведзі Мае і захоўвае іх, той любіць Мяне; а хто любіць Мяне, той палюбіцца Айцу Майму, і Я палюблю яго і зьяўлюся яму Сам.
Хто мае запаведзі Мае і іх выконвае, той любіць Мяне. А таго, хто любіць Мяне, палюбіць Мой Бацька, і Я палюблю яго і адкрыюся яму Сам».
Юда, не Іскарыёт, кажа Яму: Госпадзе! што гэта, што Ты хочаш зьявіць Сябе нам, а ня сьвету?
Кажа яму Юда, не Іскарыёт: «Госпадзе, што гэта, што Ты хочаш адкрыць Сябе нам, а не свету?»
Ісус сказаў яму ў адказ: хто любіць Мяне, той сьледуе слову Майму; і Айцец Мой палюбіць яго, і Мы прыйдзем да яго і прыстанішча ў ім створым.
Адказаў Ісус і сказаў яму: «Калі хто любіць Мяне, Маё слова выканае, і Мой Бацька палюбіць яго, і да яго Мы прыйдзем і жыллё ў яго ўсталюем.
Хто ня любіць Мяне, ня сьледуе словам Маім; а слова, якое вы чуеце, ня ёсьць Маё, а Айца, што паслаў Мяне.
Хто не любіць Мяне, той Маіх слоў не выконвае; а слова, якое чуеце, не Маё, а Бацькі, што паслаў Мяне».
Гэта сказаў Я вам, будучы з вамі;
Гэта Я сказаў вам, будучы з вамі.
А Суцешнік, Дух Сьвяты, Якога пашле Айцец у імя Маё, навучыць вас усяму і нагадае вам усё, што Я казаў вам.
Суцяшальнік жа, Святы Дух, Якога пашле Бацька ў Маё імя, навучыць вас усяму і прыгадае вам усё, што сказаў вам [Я].
Мір пакідаю вам, мір Мой даю вам: ня так, як сьвет дае, Я даю вам. Хай не бянтэжыцца сэрца ваша і хай не застрашыцца.
Супакой пакідаю вам, Мой супакой даю вам: не так, як свет дае, Я даю вам. Няхай не трывожыцца ваша сэрца і не баіцца.
Вы чулі, што Я сказаў вам: іду ад вас і прыйду да вас. Калі б вы любілі Мяне, дык узрадаваліся б, што Я сказаў: іду да Айца; бо Айцец Мой большы за Мяне.
Вы чулі, што Я сказаў вам: «Адыходжу і прыйду да вас». Калі б вы любілі Мяне, вы ўзрадаваліся б, што Я іду да Бацькі, бо Бацька большы за мяне.
І вось, Я сказаў вам пра тое, раней чым збылося, каб вы паверылі, калі збудзецца.
І Я сказаў вам цяпер, раней, чым збылося, каб вы ўверавалі, калі збудзецца.
Ужо нядоўга Мне гутарыць з вамі, бо ідзе князь сьвету гэтага, ды ня мае ўлады над Мною.
Я ўжо не буду шмат гаварыць з вамі, бо ідзе князь свету; і ўва Мне не мае нічога,
Але каб сьвет ведаў, што Я люблю Айца, і, як наказаў Мне Айцец, так і твару: устаньце, пойдзем адгэтуль.
Але каб свет уведаў, што Я люблю Бацьку і, як Бацька запаведаў Мне, так раблю. Уставайце, хадзем адсюль.
