Нээміі 10 разьдзел

 

 

І Тыя, што прылажылі пячаці: Негэма-Тыршафа Гахалёнак а Сэдэка,

 

А паставілі пячаткі: Нэгэмія намеснік, сын Гахаліі, і Сэдэцыя,

Сэрая, Азара, Ярэма,

 

Сарая, Азарыя, Ярэмія,

Пашгур, Амара, Малхія,

 

Пасур, Амарыя, Мэльхія,

Гаттуш, Шэваня, Малух,

 

Гат, Сэбанія, Мэлух,

Гарым, Мерэмоф, Овада,

 

Гарым, Мэрамот, Абдзія,

Данель, Гіннэфон, Борух,

 

Даніэль, Гэнтан, Барух,

Мешулам, Аўя, Міямін,

 

Масалам, Абія, Міямін,

Маазя, Вілґай, Шэмая; гэта сьвятарове.

 

Маазія, Бэльгай, Сямэя — гэта святары.

І Левітаве: Ешуа Азанёнак, Біннуй із сыноў Гэнададавых, Кадмель.

 

Затым левіты: Ешуа, сын Азаніі, Бэнуй, адзін з сыноў Гэнадада, Кадмігэль

І браты іхныя: Шэваня, Года, Келіта, Пелая, Ганан,

 

і браты іх: Сэбанія, Годыя, Келіта, Палая, Ханан,

Міха, Рэгоў, Гашава,

 

Міха, Рагоб, Гасабія,

Заккур, Шэрэва, Шэваня,

 

Закхур, Сэрэбія, Сэбанія,

Года, Ван, Веніну.

 

Годыя, Бані, Баніну.

Галавы люду: Парош, Пагаф-Моаў, Елам, Заффу, Бані,

 

Кіраўнікі народа: Парос, Пагатмааб, Элам, Зэтуа, Бані,

Вун, Азґад, Бевай,

 

Буні, Азгад, Бэбай,

Адоня, Біґвай, Адын,

 

Адонія, Бэгвай, Адзін,

Атэр, Гэзэка, Азур,

 

Атэр, Эзэкія, Азур,

Года, Гашум, Бецай,

 

Годыя, Гасум, Бэсай,

Гарыф, Анафоф, Невай,

 

Гарэф, Анатот, Нэбай,

Маґпяш, Мешулам, Гэзыр,

 

Мэгпія, Масала, Гэзір,

Мешэзавель, Садок, Ядуа,

 

Мэсазабэль, Садок, Едуа,

Пелата, Ганан, Аная,

 

Пэлція, Ханан, Аная,

Гося, Гананя, Гашуў,

 

Осія, Хананія, Гасуб,

Галогеш, Пілга, Шовек,

 

Алогас, Палея, Сабэк,

Рэгум, Гашаўна, Маасэя,

 

Рэгум, Хасабна, Маасія,

А Ага, Ганан, Анан,

 

Ахія, Ханан, Анан,

Малух, Гарым, Ваана.

 

Мэлух, Гарым, Баана.

І іншы люд, сьвятарове, Левітаве, брамнікі, пяюны, нефінеі а ўсі, што аддзяліліся ад людаў зямлі да Права Божага, жонкі іхныя, сынове іхныя а дачкі іхныя, — усі, што маглі цяміць,

 

І астатнія з народа, святары, левіты, прыдзверныя і спевакі, нявольнікі ды ўсе, якія аддзяліліся ад чужых народаў дзеля закону Божага; жонкі іх, сыны іх і дочкі іх, — усе, хто мог зразумець,

Яны дзяржаліся братоў сваіх, паноў сваіх, і абавязаліся кляцьбою а прысягаю хадзіць у Праве Божым, даным Масеям, слугою Божым, і заховаваць, і паўніць усі расказаньні СПАДАРА, Спадара нашага, і суды Ягоныя, і ўставы ягоныя;

 

далучыліся да выдатнейшых братоў сваіх, прысягаючы і абяцаючы, што будуць хадзіць паводле закону Божага, які дадзены праз руку Майсея, паслугача Божага, і што будуць спаўняць і пільнаваць усе прыказанні Госпада, Бога нашага, і пастановы Яго, і законы Яго,

І не аддаваць дачок сваіх людам зямлі, і дачок іхных ня браць сыном сваім;

 

і што не будзем аддаваць дачок сваіх за чужынцаў, і не будзем браць дачок іх за жонак для сыноў сваіх.

І як люды зямлі будуць прывозіць прадаваць у сыботу тавары альбо якую еміну, ня браць у іх у сыботу альбо ў сьвяты дзень; і пакінуць сяўбу сёмага году і кажны доўг.

 

І калі ў дзень суботні чужынцы выставяць тавары і ўсякія харчы на продаж, дык не будзем браць ад іх у суботу і ў дзень асвячоны; а ў сёмы год мы даруем усякі доўг.

І прынялі мы сабе расказаньне, даваць ад сябе па трайціне сыкля на службу дому Бога нашага:

 

І ўстанаўліваем сабе законы, каб штогод даваць трэцюю частку сікля на патрэбу дома Бога нашага,

На хлябы Выкладу, на кажначасны хлебны аброк а на кажначаснае ўсепаленьне, на сыботы, на маладзікі, на сьвяты, на сьвятыя рэчы, і на аброкі за грэх на залашчаньне Ізраелю, і на ўсялякую работу ў доме Бога нашага.

 

на пакладныя хлябы і на заўсёдную ахвяру з ежы, на заўсёднае цэласпаленне на суботы, на дні маладзіка, на святы і на асвячонае, і на ахвяру за грэх, каб атрымаць ачышчэнне для Ізраэля, ды на ўсякую патрэбу дома Бога нашага.

І кінулі на жэрабя памеж сьвятароў, Левітаў а люду праз абраканьне дроў, даставу да дому Бога нашага ў прызначаным часе, год у год, па дамох айцоў нашых, паліць на аброчніку СПАДАРА, Бога нашага, як напісана ў Законе,

 

Такім чынам, кінулі мы жэрабя пра ахвяру з дроў сярод святароў, і левітаў, і народа, каб па пакаленнях бацькоў нашых у вызначаны час, з года ў год дастаўляць дровы ў дом Бога нашага, каб яны гарэлі на ахвярніку Госпада, Бога нашага, як напісана было ў законе,

І каб прыносіць пачаткі зямлі нашае і пачаткі ўсялякіх пладоў усялякага дзерва, з году ў год, да дому СПАДАРОВАГА,

 

і каб з года ў год мы прыносілі першароднае зямлі нашай і першыя плады з кожнага дрэва ў дом Госпада,

І першакоў із сыноў нашых і із статку нашага, як напісана ў Законе, і першакоў з буйнога й драбнога статку нашага прыводзіць да дому Бога нашага, да сьвятароў, што служаць у доме Бога нашага.

 

і, як напісана было ў законе, каб першароднае з сыноў нашых, і з жывёлы нашай, і з валоў нашых, і з авечак нашых прыносіць у дом Бога нашага для святароў, якія служаць у доме Бога нашага;

І прыносіць пачаткі цеста нашага, і аброкаў нашых, і плод усялякіх дзерваў, новага віна а алівы сьвятаром да сьвірнаў дому Бога нашага, і дзесяціны ізь зямлі нашае Левітам, каторыя дзесяціны тыя ж Левіты будуць мець у вусіх местах ралейніцтва нашага.

 

і пяршыні харчоў нашых, і ўзліванняў нашых, і плады з кожнага дрэва, таксама пяршыні вінаграду і аліўкавага алею мы будзем прыносіць святарам у камору дома Бога нашага, і дзесяціну з нашай зямлі — левітам. Самі левіты атрымоўваюць дзесяціны з усіх гарадоў гаспадаркі нашай.

І сьвятар, сын Ааронаў, будзе пры Левітах, як Левітаве будуць браць дзесяціны, і Левітаве дадуць дзесяціну зь дзесяцінаў да дому Бога нашага, да сьвірнаў дому скарбу;

 

А святар, сын Аарона, хай будзе разам з левітамі, калі яны будуць збіраць дзесяціны, і хай левіты прынясуць дзесятую частку дзесяціны ў камору скарбоўні ў доме Бога нашага.

Бо да гэтых сьвірнаў будуць прыносіць сынове Ізраелявы а сынове Левітаў аброкі збожжа, новага віна а алівы; і там судзьдзе сьвятыні, служачыя сьвятары а брамнікі а пяюны. І мы не пакінем дому Бога нашага!

 

Бо ў камору павінны прыносіць сыны Ізраэля і сыны Леві пяршыні збожжа, віна і аліўкавага алею; і там хай будуць пасвечаныя пасудзіны, і святары, якія служаць, і прыдзверныя, і спевакі. І мы не пакінем дом Бога нашага.