Нээміі 10 разьдзел

 

 

Прыклалі пячаткі: Нээмія — Тыршата, сын Гахаліі, і Сэдэкія

 

А паставілі пячаткі: Нэгэмія намеснік, сын Гахаліі, і Сэдэцыя,

Сэрая, Азарыя, Ерамія,

 

Сарая, Азарыя, Ярэмія,

Пашхур, Амарыя, Малхія,

 

Пасур, Амарыя, Мэльхія,

Хатуш, Шэванія, Малух,

 

Гат, Сэбанія, Мэлух,

Харым, Мэрэмот, Авадыя,

 

Гарым, Мэрамот, Абдзія,

Данііл, Гінэтон, Варух,

 

Даніэль, Гэнтан, Барух,

Мэшулам, Авія, Міямін,

 

Масалам, Абія, Міямін,

Маазія, Вілгай, Шэмая: гэта сьвятары.

 

Маазія, Бэльгай, Сямэя — гэта святары.

Лявіты: Ісус, сын Азаніі, Вінуй, з сыноў Хэнадада, Кадмііл,

 

Затым левіты: Ешуа, сын Азаніі, Бэнуй, адзін з сыноў Гэнадада, Кадмігэль

і браты іхнія: Шэванія, Гадыя, Кліта, Фэлая, Ханан,

 

і браты іх: Сэбанія, Годыя, Келіта, Палая, Ханан,

Міха, Рэхоў, Хашавія,

 

Міха, Рагоб, Гасабія,

Закхур, Шэрэвія, Шэванія,

 

Закхур, Сэрэбія, Сэбанія,

Гадыя, Ваній, Вэнінуй.

 

Годыя, Бані, Баніну.

Узначальцы народа: Парош, Пахат-Мааў, Элам, Зату, Ванія,

 

Кіраўнікі народа: Парос, Пагатмааб, Элам, Зэтуа, Бані,

Вуній, Азгад, Бэвай,

 

Буні, Азгад, Бэбай,

Аданія, Бігвай, Адын,

 

Адонія, Бэгвай, Адзін,

Атэр, Эзэкія, Азур,

 

Атэр, Эзэкія, Азур,

Гадыя, Хашум, Бэцай,

 

Годыя, Гасум, Бэсай,

Харыф, Анатот, Рэвай,

 

Гарэф, Анатот, Нэбай,

Магніяш, Мэшулам, Хэзір,

 

Мэгпія, Масала, Гэзір,

Мэшэзавэл, Садок, Ядуй,

 

Мэсазабэль, Садок, Едуа,

Фэлатыя, Ханан, Ананія,

 

Пэлція, Ханан, Аная,

Асія, Хананія, Хашуў,

 

Осія, Хананія, Гасуб,

Лахэш, Пілха, Шавэк,

 

Алогас, Палея, Сабэк,

Рэхум, Хашаўна, Маасэя,

 

Рэгум, Хасабна, Маасія,

Ахія, Ханан, Анан,

 

Ахія, Ханан, Анан,

Малух, Харым, Ваана.

 

Мэлух, Гарым, Баана.

І іншы люд, сьвятары, лявіты, брамнікі, сьпевакі, нэтынэі і ўсе, што аддзяліліся ад іншаземных народаў да закона Божага, жонкі іхнія, сыны іхнія і дочкі іхнія, усе, што маглі разумець,

 

І астатнія з народа, святары, левіты, прыдзверныя і спевакі, нявольнікі ды ўсе, якія аддзяліліся ад чужых народаў дзеля закону Божага; жонкі іх, сыны іх і дочкі іх, — усе, хто мог зразумець,

прысталі да братоў сваіх, да самых ганаровых зь іх, і ўступілі ў абавязанасьць з прысягаю і праклёнам — рабіць паводле закона Божага, які дадзены рукою Майсея, раба Божага, і захоўваць і выконваць усе запаведзі Госпада Бога нашага, пастановы Яго і прадпісаньні Ягоныя,

 

далучыліся да выдатнейшых братоў сваіх, прысягаючы і абяцаючы, што будуць хадзіць паводле закону Божага, які дадзены праз руку Майсея, паслугача Божага, і што будуць спаўняць і пільнаваць усе прыказанні Госпада, Бога нашага, і пастановы Яго, і законы Яго,

і не аддаваць дачок сваіх іншаземным народам, і іх дачок ня браць за сыноў сваіх;

 

і што не будзем аддаваць дачок сваіх за чужынцаў, і не будзем браць дачок іх за жонак для сыноў сваіх.

і калі іншаземныя народы будуць прывозіць тавары і ўсё прадажнае ў суботу, ня браць у іх у суботу і ў сьвяты дзень, і ў сёмы год пакідаць пазыкі ўсялякага роду.

 

І калі ў дзень суботні чужынцы выставяць тавары і ўсякія харчы на продаж, дык не будзем браць ад іх у суботу і ў дзень асвячоны; а ў сёмы год мы даруем усякі доўг.

І паставілі мы сабе ў закон — даваць ад сябе па траціне сікля ў год на патрэбы дома Бога нашага:

 

І ўстанаўліваем сабе законы, каб штогод даваць трэцюю частку сікля на патрэбу дома Бога нашага,

на хлябы пакладныя і на заўсёднае хлебнае прынашэньне і на заўсёднае цэласпаленьне, на суботы, на новыя месяцы, на сьвяты, на сьвятыя рэчы і на ахвяры за грэх дзеля ачышчэньня Ізраіля, і на ўсё, што робіцца ў доме Бога нашага.

 

на пакладныя хлябы і на заўсёдную ахвяру з ежы, на заўсёднае цэласпаленне на суботы, на дні маладзіка, на святы і на асвячонае, і на ахвяру за грэх, каб атрымаць ачышчэнне для Ізраэля, ды на ўсякую патрэбу дома Бога нашага.

І кінулі мы жэрабі пра дастаўку дроў, сьвятары, лявіты і люд, калі якому пакаленьню нашаму ў назначаны час, год у год, прывозіць іх да дома Бога нашага, каб яны гарэлі на ахвярніку Госпада Бога нашага паводле напісанага ў законе.

 

Такім чынам, кінулі мы жэрабя пра ахвяру з дроў сярод святароў, і левітаў, і народа, каб па пакаленнях бацькоў нашых у вызначаны час, з года ў год дастаўляць дровы ў дом Бога нашага, каб яны гарэлі на ахвярніку Госпада, Бога нашага, як напісана было ў законе,

І абавязаліся мы кожны год прыносіць у дом Гасподні пачаткі зь зямлі нашай і пачаткі ўсякіх пладоў з усяго дрэва;

 

і каб з года ў год мы прыносілі першароднае зямлі нашай і першыя плады з кожнага дрэва ў дом Госпада,

таксама прыводзіць у дом Бога нашага да сьвятароў, якія служаць у доме Бога нашага, першынцаў з сыноў нашых і з быдла нашага, як напісана ў законе, і першароднае ад буйнога і дробнага быдла нашага.

 

і, як напісана было ў законе, каб першароднае з сыноў нашых, і з жывёлы нашай, і з валоў нашых, і з авечак нашых прыносіць у дом Бога нашага для святароў, якія служаць у доме Бога нашага;

І пачаткі з молатага хлеба нашага і прынашэньняў нашых, і пладоў з усякага дрэва, віна і алею мы будзем дастаўляць сьвятарам у кладоўкі пры доме Бога нашага і дзесяціну зь зямлі нашай лявітам. Яны, лявіты, будуць браць дзесяціну ва ўсіх гарадах, дзе ў нас земляробства.

 

і пяршыні харчоў нашых, і ўзліванняў нашых, і плады з кожнага дрэва, таксама пяршыні вінаграду і аліўкавага алею мы будзем прыносіць святарам у камору дома Бога нашага, і дзесяціну з нашай зямлі — левітам. Самі левіты атрымоўваюць дзесяціны з усіх гарадоў гаспадаркі нашай.

Пры лявітах, калі яны будуць браць лявіцкую дзесяціну, будзе прысутны сьвятар, сын Аарона, каб лявіты дзесяціну з сваіх дзесяцінаў вазілі ў дом Бога нашага ў пакоі, аддзеленыя ад кладоўкі,

 

А святар, сын Аарона, хай будзе разам з левітамі, калі яны будуць збіраць дзесяціны, і хай левіты прынясуць дзесятую частку дзесяціны ў камору скарбоўні ў доме Бога нашага.

бо ў гэтыя пакоі як сыны Ізраілевыя, так і лявіты павінны дастаўляць прынашэньні ў дарунак: хлеб, віно і алей. Так сьвятыя сасуды і службіты-сьвятары і брамнікі і сьпевакі. І мы не пакінем дома Бога нашага.

 

Бо ў камору павінны прыносіць сыны Ізраэля і сыны Леві пяршыні збожжа, віна і аліўкавага алею; і там хай будуць пасвечаныя пасудзіны, і святары, якія служаць, і прыдзверныя, і спевакі. І мы не пакінем дом Бога нашага.