1 Я — лилия огоридная, рожа долинная.
2 Яко же рожа межи терніемъ, такъ подруга моя межи дочками.
3 Яко же яблонь въ деревехъ лесных, тако милостникъ мой межи сынми. Въ тень его жадала есмь и седела есмь, а овощь его солодокъ небцу моему.
4 Привелъ мя къ дому вина, а хоруговь его на мене люба.
5 Подоприте мя кубкы и осыпльте мя яблоками, иже болна про любость я.
6 Левица его под главу мою, а правица его обоиметь мя.
7 Заприсягаю вас, дочкы Иерусолимовы, ланьями алюбо сернами полскыми, ачь обудите, ачь вбудитеся про любовь, докуль зволить.
8 Голосъ любовника моего асе пришелъ, скачеть на горы, перескакуеть на холмы.
9 Подобенъ милостникъ мой оленю алюбо козелчику сернячому. Обо сей стоить за стеною нашею, перезираеть з аконъ, заглядуеть з щелинъ.
10 Отвечалъ милостникъ мой и реклъ мне: въстань собе, подруго моя, краснице моя, поиди собе.
11 Иже асе зима прошла, а дождь отменилъся и пошолъ собе.
12 Цветы указалися по земли, а часъ жатвы приспелъ, а гласъ горлици слышан въ земли нашой.
13 Смоква созрела въ сырости своей, а розинкы бозкосточныи дали запах свой. Въстань собе, подруго моя, краснице моя, поиди собе.
14 Голубице моя въ рощепинах скалы, въ застении стопъ укажи ми обличіе свое, дай ми слышети гласъ свой, иже гласъ твой сладокъ, а обличіе твое подобно.
15 Имите нам лисици, лисенята которыи казать винограды, винограды наши чисты.
16 Милостникъ мой мне, а я ему, который паствитца въ рожах.
17 Докуль повенеть день и двигнутся тени, обернися и уподобись собе, милостьнику мой, оленеви алюбо козелчику сернему на горах розчастованіа.
Знайшлі памылку ў тэксце? Вылучыце яе і націсніце:
Ctrl + Enter
Песьня Песьняў, 2 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.